San Juan 12:35 - DIOSPA QHELQACHISQAN DEUTEROCANONICAL

³⁵ Chantá Jesús paykunaman kuticherqa: K'anchayneyqa pisi p'unchaytawanraj qankunata k'anchasonqachej. K'anchaypi puriychej, ama laqhawan jap'ichikunaykichejpaj. Laqhapi purejqa mana yachanchu maynintachus rishasqanta.

Qheshwa Biblia DC

³⁵ Chantá paykunaman kuticherqa: Pisi p'unchaytawanraj k'anchayqa qankunawan kashan. K'anchaypi puriychej, laqha ama taripasunaykichejpaj; laqhapi purejqa, mana yachanchu maymanchus rishasqanta.

DIOSPA QHELQACHISQ

³⁵ Chantá Jesús paykunaman kuticherqa: K'anchayneyqa pisi p'unchaytawanraj qankunata k'anchasonqachej. K'anchaypi puriychej, ama laqhawan jap'ichikunaykichejpaj. Laqhapi purejqa mana yachanchu maynintachus rishasqanta.

Quechua South Bolivia: Dios Parlapawanchej

³⁵ Jesusri paycunaman nerka: —Noka cani cheka c'anchayka. Pisi p'unchaycunallatawanña kancunawan casaj. Chayraycu noka caypi cashajtiy c'anchaypi puriychej lakha juchawan ama atipaskas canayquichejpaj. Lakhapi purejka mana yachanchu maymanchus rishaskantapis.

San Juan 12:35 ပူးပေါင်းရင်းမြစ်များ

Proverbios 4:19

Mana allinta purejkunaj ñanninkurí laqhalla, manataj yachankuchu imapichus misk'asqankuta.

Isaías 2:5

Jakuchej, Jacobpa ayllun, Tata Diospa k'anchayninpi purinachej.

Jeremías 23:12

Chayrayku imaynatachus ruwasqankoqa laqhapi llusk'anallankupaj kanqa. Chayman tanqasqa kanqanku, chaypitaj urmanqanku. Maypachachus paykunamanta cuentata mañasaj chaypacha, paykunaj patankuman may ñak'ariyta kachaykamusaj. Noqa Tata Diosmin chayta nini.

San Lucas 18:37

Willarqankutaj: Nazaretmanta Jesús kayninta jamushan, nispa.

San Juan 11:10

Tutan purejrí misk'an, k'anchay mana kasqanrayku, nispa.

San Juan 11:9

Jesustaj paykunata nerqa: Manachu uj p'unchayqa chunka iskayniyoj phaniyoj? P'unchaypi purejqa mana misk'anchu, imaraykuchus kay pachaj k'anchayninta rikun.

San Juan 12:36

Qankunawan k'anchay kashajtin, k'anchaypi atinikuychej, k'anchaypa wawankuna kanaykichejpaj, nispa. Chayta niytawantaj, Jesús paykunamanta karunchakorqa, mana tariyta atinankupajtaj wajnejman riporqa.

San Juan 12:46

Noqa k'anchay jina kay pachapi k'anchanaypaj jamorqani, noqapi tukuy atinikojkuna amaña laqhallapipuni kanankupaj.

San Juan 16:16

Tumpamantawan manaña rikuwankichejchu, chaymanta uj chhikamantawanrí watej rikullawankichejtaj, nispa. Ajinata Jesús nerqa.

San Juan 7:33

Jesustajrí nerqa: Qankunawanqa manaña unaytachu kasaj, manachayqa pichus kachamuwajman kutipusaj.

San Juan 8:12

Jesús uj kutitawan parlallarqataj: Noqa tukuy runapaj k'anchay jina kani. Pillapis noqawan purejqa mana laqhapichu purenqa, aswanpis wiñay kawsayman pusaj k'anchaypi purenqa, nispa.

2 Corintios 3:14

Paykunataj chayta mana entiendeyta aterqankuchu yuyayninku laqhayachisqa kasqanrayku. Kunan p'unchaykama israelitakuna chay ñawpa tratota ñawirejtinku, yuyayninkoqa velowan jina qhatasqa. Chaywanpis chay velo qhatarakun, maypachachus Cristopi atinikunku, chaypachalla.

Gálatas 6:10

Chayrayku atikushajtenqa, tukuypaj allinta ruwana, astawanqa Jesucristota qhatikoj masinchejkunapaj.

Efesios 5:8

Ñawpajta qankuna laqhayaypi karqankichej. Kunantajrí Tukuyta Kamachej Jesusman ujchasqa kaspa, k'anchaypi kashankichej. Chayrayku k'anchaymanta kajkuna jina puriychej.