San Juan 12:27 - DIOSPA QHELQACHISQAN DEUTEROCANONICAL

²⁷ Jesús nillarqataj: Kunanqa sonqoy manchay phutisqa kashan. Ima nisajtajri? Ichapis niyman: Tatáy, ñak'arinaymanta kacharichiway ari, nispa. Aswanpis noqaqa ñak'arinaypajpuni jamuni.

Qheshwa Biblia DC

²⁷ Kunanqa almay ancha phutisqa kashan; ima nisajtajri? Tatáy kunan imachus kananmanta salvaway! Astawanqa, kaypajpuni jamorqani.

DIOSPA QHELQACHISQ

²⁷ Jesús nillarqataj: Kunanqa sonqoy manchay phutisqa kashan. Ima nisajtajri? Ichapis niyman: Tatáy, ñak'arinaymanta kacharichiway ari, nispa. Aswanpis noqaqa ñak'arinaypajpuni jamuni.

Quechua South Bolivia: Dios Parlapawanchej

²⁷ Chaywanpis nerka: —¡Cunanka may sinch'i llaquiska sonkoyka! ¿Imatataj niyta atini? “Tatáy, cay ñac'ariymanta cacharichiway” ¿nisajchu? Manachayka, cay ñac'ariyta muchunaypajmin jamorkani.

San Juan 12:27 ပူးပေါင်းရင်းမြစ်များ

Salmos 6:3

3 (4) Tata Dios, manchariywan kharkatitishani. Mayk'ajtaj yanapawaj jamunkiri?

Salmos 88:3

3 (4) Noqaman tukuy imaymana llakiykuna chayamuwasqanrayku wañuy patapiña kashani.

Isaías 38:15

Chaywanpis noqa, imatataj niymanri? Tata Dios kay onqoyta kachamuwan. Tukuy kawsayniypi k'umuykuspa kawsasaj, kay jinamanta ñak'arichisqa kasqayrayku.

Isaías 53:3

Runakuna payta qhesachanqanku, pisipajtaj qhawanqanku. Payqa imaymana nanaywan ñit'isqa kanqa, jinataj ñak'ariypi, llakiypi ima yachasqa kanqa. Payta wasanchaspa, wajnejta qhawasunchej. Payta qhesachasun manataj munakuywan qhawasunchu.

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

San Mateo 11:26

Arí, Tatáy, qan ajinata munarqanki, nispa.

San Mateo 26:42

Chantá Jesús ujtawan rispa, mañakullarqataj: Tatáy, ñak'arinaypuni kajtenqa, qanpa munayniyki ruwasqa kachun, nispa.

San Mateo 26:45

Chaymanta kutimuspa, Jesús yachachisqankunata nerqa: Puñushallankichejrajchu? Samarikushankichejrajchu? Ñapis imachus kanan kashan, chay junt'akushanña. Runaj Churenqa juchasapakunaj makinpiña kashan.

San Lucas 22:44

Anchatañapuni ñak'arishaspataj Jesús aswan sinch'ita Dioswan parlarqa, jump'iynintaj jatuchaj yawar sut'uy jina pampaman sut'orqa.

San Lucas 22:53

Sapa p'unchay qankunawan Templopi kashajteyqa, mana jap'iwarqankichejchu. Chaywanpis kunanqa ruwanaykichej phani chayamun, jinallataj laqhayaypa atiynin kallpawan oqharikun, nispa.

San Juan 11:41

Chantá rumita tanqarqanku. Jesustaj patata qhawaspa, nerqa: Tatáy, uyariwasqaykimanta pachis niyki.

San Juan 12:23

Jesustajrí paykunaman kuticherqa: Runaj Churin jatunchasqa kananpaj p'unchay chayamunña, nispa.

San Juan 13:21

Chayta niytawan, Jesús sonqonpi sinch'ita llakikorqa, sut'inchaspataj, nerqa: Kayta sut'ita niykichej: Qankunamanta ujniykichej jap'ichiwanqa, nispa.

San Juan 18:37

Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

1 Timoteo 1:15

Kay willayqa cheqamin, jap'ikunapaj jinataj, ajinaqa tukuy jap'ikunanchej: Cristo Jesús kay pachaman jamorqa juchasapakunata qhespichinanpaj. Chay juchasapakunamantataj noqa aswan millay juchasapa kani.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

Hebreos 5:7

Jesús kay pachallapiraj kawsashaspa, sinch'ita qhaparispa chantá waqaspa Diosmanta mañakorqa, pichus wañunanmanta kacharichinanpaj atiyniyoj karqa, chaymanta. Jinataj Diosta may jatun respetowan qhawaspa tukuy sonqo k'umuykusqanrayku Dios mañakusqanta uyarerqa.