San Juan 12:26 - DIOSPA QHELQACHISQAN DEUTEROCANONICAL

²⁶ Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

Qheshwa Biblia DC

²⁶ Pillapis munayniyta ruwajqa qhepayta jamuchun; maypichus noqa kasaj, chayllapitaj paypis kanqa. Tataytaj chay munayniyta ruwajta jatumpi jap'enqa.

DIOSPA QHELQACHISQ

²⁶ Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

Quechua South Bolivia: Dios Parlapawanchej

²⁶ Ruwanasniypi llanc'ananpaj causayninta kojka khatiwachun. Chanta maypichá noka cashani chaypi paypis wiñaypaj nokawan cusca canka. Nokapaj ruwajtarí Tatay sumajpaj khawanka, —nispa.

San Juan 12:26 ပူးပေါင်းရင်းမြစ်များ

Salmos 17:15

Noqatajrí cheqanta ruwaj kaspa, uyaykita rikusaj. Rijch'arispa, qanta rikusqayki, chaywantaj sonqo junt'asqa kasaj.

Salmos 91:15

Pay wajyawajtin, noqa uyarisaj. Llakiypipis noqa paywan kasaj, kacharichispataj, payta jatunchasaj.

Proverbios 27:18

Pichus higo sach'ata qarpajqa poqoyninta mikhonqa. Pichus patronninpa kapuyninta qhawajqa t'inkachisqa kanqa.

Números 14:24

Manachayqa kamachiy Caleblla yaykonqa. Payqa mana chay ujkuna jinachu kaspa, kamachisqayta kasuwarqa. Chayrayku payta qhawaj risqan jallp'aman pusaykusaj. Mirayninpis chay jallp'ata jap'enqanku.

Números 32:11

Egiptomanta llojsimojkunamanta, iskay chunka watayojmanta pataman chay jallp'ata mana rikonqankuchu, imajtinchus mana tukuy sonqochu qhatiwarqanku. Chay jallp'ata Abrahamman, Isaacman, Jacobman ima tiluspa qonayta nerqani, chayman mana yaykonqankuchu.

San Mateo 16:24

Chaymanta Jesús yachachisqankunata nerqa: Pillapis yachachisqay kayta munajqa munasqanman jinalla purinanta saqechun, cruzninta oqharispataj, qhepayta jamuchun.

San Mateo 25:21

Patronnintaj nisqa: Walejpacha, qanqa sumaj kamachi kanki. Kay pisi qolqewan allinta ruwasqaykirayku, kunanqa aswan sumaj ruwanaman churasqayki. Noqawan khuska kusirikunachej, nispa.

Marcos 8:34

Chaymanta Jesús yachachisqankunata, chay tantasqa runakunatawan wajyaspa, nerqa: Pillapis yachachisqay kayta munajqa munasqanman jinalla purinanta saqechun, cruzninta oqharispataj, qhepayta jamuchun.

San Lucas 12:37

Kusikuyniyojmin kanqanku chay kamachikuna, pikunatachus patronninku chayamuspa, rijch'arisqata taripanqa, chaykuna. Sut'ita niykichej: Kikin patronninku paykunata tiyaykuchispa, mikhunata jaywanqa.

San Lucas 6:46

Imaraykutaj: Tukuyta Kamachej kanki, nispa niwankichej, manataj nisqayta ruwankichejchuri?

San Lucas 9:23

Chantá chaypi kajkunata Jesús nillarqataj: Pillapis yachachisqay kayta munajqa munasqanman jinalla purinanta saqenan tiyan, sapa p'unchay cruzninta oqharispataj, qhepayta jamuchun.

San Juan 10:27

Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku.

San Juan 13:16

Kayta sut'ita niykichej: Wata runaqa patronninmanta mana aswanchu, nitaj kachasqapis kachajninmanta aswan kurajchu.

San Juan 14:15

Jesús yachachisqankunata nillarqataj: Munakuwankichejchus chayqa, kamachisqaykunata kasuychej.

San Juan 14:3

Rispaqa, noqa qankunapaj uj cheqata wakichimusaj. Chantá qankunata pusaj kutimusaj, maypichus noqa kashani, chaypi noqawan khuska kanaykichejpaj.

San Juan 15:20

Imatachus qankunaman nisqayta yuyarikuychej: Wata runaqa patronninmanta mana aswan kurajchu, nispa. Noqatachus qhatiykachawarqanku chayqa, qankunatapis qhatiykachallasonqachejtaj. Nisqaytachus kasorqanku chayrí, qankunaj nisqaykichejtapis kasullanqankutaj.

San Juan 17:24

Tatáy, munani qowasqayki kajkuna, maypichus noqa kasaj, chaypi noqawan kanankuta. Chaypacha qowasqayki jatun kayniypa lliphipiyninta rikuyta atenqanku, imaraykuchus manaraj kay pacha ruwasqa kashajtin, qan munakuwarqanki.

San Juan 21:22

Jesustaj kuticherqa: Sichus kutimunaykama pay kawsananta munani chayqa, qanpata ima ruwanayki tiyan? Qanrí noqata qhatiwaypuni, nispa.

Romanos 1:1

Noqa Pabloqa Jesucristoj wata runan kani, kachan kanaypaj wajyasqa, jinataj Diospa sumaj willayninmanta willanaypaj t'aqasqa.

Romanos 14:18

Sichus pipis ajinata Cristoj munasqanta ruwan chayqa, Diosta kusichin, runakunataj chaytaqa allinpaj qhawanku.

2 Corintios 4:5

Noqaykoqa mana noqayku kikiykumantachu willashayku. Manachayqa Jesucristo Tukuyta Kamachej kasqanta willayku. Jinallataj noqayku qankunaj kamachiykichejkuna jina kayku, Jesusta munakusqaykurayku.

2 Corintios 5:8

Arí, noqanchej tukuy sonqo Diospi atinikunchej. Chayrayku kay ukhunchejta saqespa, Tukuyta Kamachej Jesucristowan khuska kayta munasunman.

Gálatas 1:10

Noqaqa mana runaman allin rijch'aytachu mask'ashani, manachayqa Diosman allin rijch'ayta. Sichus noqa runaman allin rijch'ayta munayman chayqa, mana Cristoj kamachinchu kayman.

Filipenses 1:23

Chay iskaymantaqa mana ajllakuyta atinichu. Astawanqa wañupuyta munayman, Cristowan khuska kamunaypaj, chaytaj noqapaj aswan sumaj kanman.

Colosenses 3:24

Qankuna yachankichej Tukuyta Kamachej Cristoqa nisqan chayaqeta t'inkata jina qonasuykichejta, imaraykuchus Tukuyta Kamachej Cristojta kamachinkuna kankichej.

Colosenses 4:12

Qankunamanta ujniykichej, Cristoj kamachin Epafras napaykamullasunkichejtaj. Payqa Dioswan parlarikuspa mañapusunkichejpuni Tata Dios kallpachanasuykichejpaj, yuyayninpiña kanaman chayanaykichejpaj, chantá Diospa munasqanta junt'anaykichejpaj ima.

2 Pedro 1:1

Noqa Simón Pedroqa, Jesucristoj wata runan kani, chantá kuraj kachan ima. Kay cartata qankunaman apachimuykichej, pikunachus noqayku jina Jesucristopi atinikorqankichej, chaykunaman. Jesucristopi atinikusqaykichejqa may jina sumajmin. Paypitaj atinikorqankichej Qhespichej Jesucristo Diosninchej cheqan kasqanrayku.

1 Juan 5:3

Diosta munakusqanchejmanta yachayta qonchej maypachachus kamachisqankunata junt'anchej, chaypacha, kamachisqankunata junt'aytaj atina jinallamin.

Judas 1:1

Noqa Judas kani, Jesucristoj wata runan, chantá Santiagoj wawqen. Kay cartatataj Tata Diospa wajyasqankunaman apachimuni, pikunatachus Tata Dios munakun, Jesucristotaj waqaychan, chaykunaman.

Apocalipsis 14:4

Paykunaqa mana jayk'aj warmikunawan puñuykorqankuchu, jinallataj Corderoj qhepanta rej kanku mayllamanpis rejtin. Jinallataj paykunaqa runakuna ukhumanta rantisqa karqanku Diospaj, Corderopaj ima ñawpaj kaj jaywana jina kanankupaj.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.