San Juan 12:23 - DIOSPA QHELQACHISQAN DEUTEROCANONICAL

²³ Jesustajrí paykunaman kuticherqa: Runaj Churin jatunchasqa kananpaj p'unchay chayamunña, nispa.

Qheshwa Biblia DC

²³ Jesustaj paykunaman kutichispa nerqa: Hora chayamunña Runaj Churin jatunchasqa kanampaj.

DIOSPA QHELQACHISQ

²³ Jesustajrí paykunaman kuticherqa: Runaj Churin jatunchasqa kananpaj p'unchay chayamunña, nispa.

Quechua South Bolivia: Dios Parlapawanchej

²³ Jesustaj nerka: —Diospa cachaska Runan jatunchaska cananpaj p'unchay chayamunña.

San Juan 12:23 ပူးပေါင်းရင်းမြစ်များ

Isaías 55:5

Qanpis mana rejsisqa suyukunata wajyallankitaj. Qanta mana rejsisoj suyukuna usqhayta qanman jamusonqanku Tata Diosniykirayku, Israelpa May Llimphu Kaj Diosnin qanta pataman oqharisusqanraykutaj, nispa.

Isaías 60:9

Chaykuna karumanta jamoj barcokuna kanku, Tarsismanta jatuchaj barcokunataj ñawpajta jamushanku. Chay barcokuna churiykikunata qolqenkutawan, qorinkutawan khuska apamushanku. Ajinamanta Tata Diosniyki, Israelpa May Llimphu Kaj Diosnin jatunchasqa kanqa, imaraykuchus payqa jatun kayninpa lliphipiyninwan junt'aykuchisunki.

San Mateo 25:31

Maypachachus Runaj Churin kuraj kamachej jina jatun kayninpa lliphipiyninpi, tukuy angelninkuwan jamonqa chaypacha, lliphipej kamachinan tiyanapi tiyaykukonqa.

San Mateo 26:45

Chaymanta kutimuspa, Jesús yachachisqankunata nerqa: Puñushallankichejrajchu? Samarikushankichejrajchu? Ñapis imachus kanan kashan, chay junt'akushanña. Runaj Churenqa juchasapakunaj makinpiña kashan.

Marcos 14:35

Jinapi Jesusqa tumpatawan ñawpajman riytawan, pampakama k'umuykuspa, Diosmanta mañakorqa, atikojtenqa, ñak'arinan karqa, chay p'unchay ama chayamunanta.

Marcos 14:41

Kinsa kutitaña Diosmanta mañakusqanmanta kutimuspa, Jesús yachachisqankunata nerqa: Puñushankichejrajchu? Samarikushankichejrajchu? Jinalla kachun. Chaywanpis imachus kanan kashan, chayqa junt'akushanña, Runaj Churintaj juchasapakunaj makinpiña kashan.

San Juan 12:16

Jesuspa yachachisqankuna chaypacha imachus kashasqanta mana entienderqankuchu. Aswan qhepamanrí, maypachachus Jesús janaj pachaman kutiporqa chaypacha, yuyarikorqanku Jesusta imachus qhatirisqanqa Diospa Qhelqachisqanman jina kasqanta.

San Juan 12:27

Jesús nillarqataj: Kunanqa sonqoy manchay phutisqa kashan. Ima nisajtajri? Ichapis niyman: Tatáy, ñak'arinaymanta kacharichiway ari, nispa. Aswanpis noqaqa ñak'arinaypajpuni jamuni.

San Juan 13:1

Pascua raymiman qayllallaña karqa. Jesustaj kay pachata saqespa Tatanpaman kutipunanpaj p'unchay chayamushasqanta yacharqa. Jinataj kay pachapi ruwananta junt'ashaspa imaynatachus yachachisqankunata munakorqa, ajinata paykunata tukukuykama munakorqa.

San Juan 7:39

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.