San Juan 10:28 - DIOSPA QHELQACHISQAN DEUTEROCANONICAL

²⁸ Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

Qheshwa Biblia DC

²⁸ Noqa paykunaman wiñay kausayta qoni; manataj jayk'ajpis chinkanqankuchu, makisniymantapis mana pipis qhechuwanqachu.

DIOSPA QHELQACHISQ

²⁸ Noqaqa paykunaman wiñay kawsayta qoni, manataj jayk'ajpis chinkanqankuchu. Makiymantataj paykunata mana pipis qhechuwayta atenqachu.

Quechua South Bolivia: Dios Parlapawanchej

²⁸ Wiñay causayta paycunaman koni. Nitaj jayc'ajpis wiñaypaj chincaponkancuchu. Maquiymantapis ni pi ovejasniyta khechuwankachu.

San Juan 10:28 ပူးပေါင်းရင်းမြစ်များ

Job 17:9

Allin runakunaqa nisqankumanta mana kuyurinkuchu, mana suwakojkunataj sumajta kallpachakunku.

Salmos 31:5

5 (6) Makiykiman kawsayniyta jap'ichikamuyki. Cheqan kaj Tata Diosníy, qhespichiway.

Salmos 37:28

Chayqa ajina, imaraykuchus Tata Dios cheqan kajta munakun. Payqa nisqanta junt'ajkunamanta mana qonqapunchu, paykunamanta qhawarinpuni. Millayta ruwaspa purejkunaj wawankurí chinkachisqa kanqanku.

Proverbios 24:16

Cheqan runaqa qanchis kutita urmanqa chaypis, payqa qanchis kutillatataj sayarikun. Mana allinta ruwaj runakunarí jatun llakiypi urmaspa, manaña ujtawan sayarenqankuchu.

Proverbios 4:18

Cheqan runakunaj kawsayninkoqa inti llojsimushaj jina k'ancharin, p'unchayamusqanman jinarí astawan k'ancharirin.

Isaías 27:3

Noqa Tata Dios chay huertata qhawani, sapa kutitaj qarpani. Tuta p'unchay waqaychani, ama pipis imanananpaj.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Isaías 54:17

Chaywanpis qanta chinkachinanpaj armata mana pipis ruwayta atenqachu. Pichus contraykita parlajtaqa juezpa ñawpaqenpi ch'inyachillankipuni. Chaykunata kamachiypi kajkunaman qoni, noqataj paykunata qhespichisaj. Ajinata noqa Tata Dios nini.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Jeremías 23:4

Chantá waj michejkunata paykunata michinankupaj churasaj, ovejaykunataj mana manchachikonqankuchu, nitaj ni ujpis chinkanqachu. Noqa Tata Diosmin chayta nini.

Jeremías 31:3

Unay Tata Diosqa Israelta nerqa: Noqa mana jayk'aj tukukoj munakuywan munakorqayki. Chayrayku khuyakuynillaywanpuni qanta qhawasqayki.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Jeremías 32:40

Jinallataj paykunawan uj tratota wiñaypaj ruwasaj: Noqa paykunawan tukuy tiempo kasaj, yanapasajtaj. Chantá paykunaman noqata may jatun respetowan qhawanawankuta yachachisaj, ama noqamanta karunchakunawankupaj.

Marcos 13:22

Ajinamanta llulla cristokuna, mana cheqanta sut'inchajkuna ima rikhurimonqanku. Paykunataj runaj mana jayk'aj rikusqan t'ukunata, waj t'ukuna imakunata ima ruwaspa, runata pantachenqanku. Atispaqa, Diospa ajllakusqankunatapis pantachinkuman.

San Lucas 23:46

Jinapi Jesusqa sinch'ita qhaparerqa: Tatáy, makiykiman kawsayniyta jap'ichikamuyki, nispa. Chayta nispataj, Jesús wañuporqa.

San Juan 10:29

Chay ovejakunata qowaj Tatayqa tukuymanta astawan atiyniyoj. Chayrayku paypa makinmanta mana pipis paykunata qhechuyta atinmanchu.

San Juan 11:25

Jesustajrí payta nerqa: Noqamin wañusqakunata kawsarichej kani, kawsayta qojtaj. Pichus noqapi atinikojqa, wañuchunpis kawsanqa.

San Juan 14:19

Uj chhikamantawan Diosman mana kutirikojkunaqa manaña rikuwanqankuchu. Qankunarí rikuwankichej. Noqa kawsasqayraykutaj qankunapis kawsallankichejtaj.

San Juan 17:2

Churiykiman qan atiyta qorqanki, tukuy runata kamachinanpaj, wiñay kawsaytataj qonanpaj, pikunatachus payman qorqanki, chaykunaman.

San Juan 18:9

Ajina karqa Jesuspa kay nisqan junt'akunanpaj: Tatáy, pikunatachus qowarqanki, chaykunamanta mana ujtapis chinkacherqanichu, nispa.

San Juan 3:36

Pichus Diospa Churinpi atinikojqa wiñay kawsayniyoj. Churipi mana atinikuyta munajrí mana wiñay kawsayman yaykonqachu, aswanpis Diospa phiñakuynin paypa patanpi kashan.

San Juan 4:14

Noqaj qosqay yakuta ujyajrí manaña jayk'ajpis ujtawan ch'akichikonqachu. Aswanpis noqaj qosqay yakoqa paypi mana ch'akej pujyu jina kanqa, chay yakutaj payman wiñay kawsayta qonqa, nispa.

San Juan 5:24

Kaytapis nillaykichejtaj: Sichus pipis parlasqayta uyarispa, kachamuwaj Tataypi atinikun chayqa, payqa wiñay kawsayniyoj, manataj juicio p'unchaypi juchachasqachu kanqa. Pay mana jayk'ajpis juchachasqachu kanqa, imaraykuchus wañuymanta kawsayman chimpapunña.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

San Juan 6:37

Chaywanpis Tataypa tukuy qowasqan runakuna noqaman jamonqanku, noqataj pikunachus noqaman jamojkunata mana qhesachasajchu.

San Juan 6:47

Noqataj kayta sut'ita niykichej: Pichus noqapi atinikojqa wiñay kawsayniyoj.

San Juan 6:68

Chantá Simón Pedro kuticherqa: Wiraqochi, pimantaj riyta atiykumanri? Qanpa parlasqaykeqa wiñay kawsayman pusawayku.

Hechos 7:59

Chay jinata payta ch'anqaykushajtinku, Estebanqa Diosmanta mañakuspa, nerqa: Tukuyta Kamachej Jesusníy, almayta jap'ikapuy, nispa.

Romanos 5:17

Uj runaj juchanraykulla wañuy atiyniyoj karqa. Jesucristoj ruwasqanrí aswan atiyniyojmin. Chayrayku tukuy pikunachus uj runarayku Diospa qhasilla k'acha yanapayninta, chantá cheqan kaynintawan ashkhamanta jap'ejkunaqa wiñay kawsayniyoj kasunchej. Chay runataj Jesucristomin.

Romanos 5:2

Chantá Jesucristopi atinikusqanchejrayku, Dioswan allinpi kawsayman yaykunchej, mana chaypaj jina kashajtinchej. Chaypi sinch'ita sayaspataj, kusikunchej, Diospa jatun kayninpa k'anchayninpi paywan khuska kayta suyakuspa.

Romanos 5:21

Ajinaqa jucha atiyniyoj karqa tukuy runakuna wañuyta rejsinankupaj. Ajinallataj kunanqa Diospa qhasilla k'acha yanapayninpis atiyniyojllataj, runa Diospa ñawpaqenpi cheqanpaj qhawasqa kananpaj. Chantá Jesucristonejta Dioswan allinyachisqa kasqanchejrayku noqanchej wiñay kawsayta jap'inchej.

Romanos 5:9

Ajinaqa, sichus Cristo wañusqanrayku Diosqa cheqan runapaj qhawawarqanchej chayqa, kunanqa astawanraj Cristonejta Diospa k'araj phiñakuyninmanta qhespichillasqataj kasunchej.

Romanos 6:23

Juchaqa pagota jina wañuyta qon. Diostajrí Tukuyta Kamachej Jesucristonejta wiñay kawsayta qhasilla qon.

Romanos 8:1

Chayrayku pikunachus Cristo Jesusman ujchasqa kajkunaqa manaña ni imamanta juchachasqachu kasunchej.

Romanos 8:29

Pikunatachus Dios ñawpajmantapacha rejserqa, chaykunata pay qallariypi churarqa Churin jina kanankupaj, ajinapi Churenqa ashkha wawqekuna ukhupi kuraj kaj kananpaj.

Deuteronomio 33:3

Tata Diosqa ayllunta munakun. Tukuy paypaj t'aqasqa kajkuna makinpi kashanku. Paykunaqa ñawpaqenman k'umuykunku, Paypa nisqantataj kasunku.

Filipenses 1:6

Jinataj kayta allinta yachani: Diosqa qankunapi ima allin ruwaytachus qallarerqa, chayta sumaj tukusqa kanankama junt'anqa, Jesucristo kutimunan p'unchaykama.

2 Tesalonicenses 2:13

Diospa munakusqan wawqe panakuna, noqayku qankunamanta Diosta pachis ninaykupuni tiyan. Diosqa qankunata qallariymantapacha ajllakusorqachej qhespichisqa kanaykichejpaj Santo Espíritu llimphuchasqannejta, chantá cheqa kajta jap'ikusqaykichejnejta ima.

1 Timoteo 1:16

Ajina kashajtiypis, Dios khuyarikuwarqa, ajinamanta Jesucristo noqapiraj jatun paciencianta rikuchinanpaj. Ajinata ruwarqa, pikunachus aswan qhepanejman paymanta jap'ikuspa wiñay kawsayniyoj kananku karqa, chaykunapaj.

2 Timoteo 1:12

Chayraykumin kay carcelpi wisq'asqa ñak'arishani. Chaywanpis mana p'enqakunichu, imaraykuchus pipichus atinikusqayta allinta yachani. Yachallanitaj pay atiyniyoj kasqanta chay imatachus qowasqanta jamoj p'unchaykama waqaychananpaj.

Hebreos 7:25

Chayrayku pay wiñaypaj qhespichiyta atin, pikunachus paynejta Diosman qayllakojkunata, imaraykuchus pay wiñaypaj kawsallanpuni paykunarayku Diosmanta mañapunanpaj.

1 Pedro 1:5

Diospi atinikusqaykichejrayku qankunapis Diospa atiyninwan waqaychasqallataj kankichej, tukuy imamanta qhespichisqa kanata jap'inaykichejkama. Chayqa qhepanejman rikuchisqa kananpaj wakichisqa kashan.

1 Juan 1:2

Kawsayta qojmin rikuchikorqa, noqaykutaj payta rikorqayku. Kunantaj rikojkuna jina qankunaman chay wiñay kawsaymanta willayku. Payqa Tata Dioswan karqa, noqaykumantaj rejsichikuwarqayku.

1 Juan 2:19

Paykunaqa noqaykuwan khuska karqanku. Chaywanpis mana noqaykumantapunichu karqanku. Noqaykumantachus kankuman karqa chayqa, paykunaqa noqaykuwan qhepakunkuman karqa. Jinapis llojsipuspa, mana jayk'ajpis noqaykumantachu kasqankuta yachayta qorqanku.

1 Juan 2:25

Chaymá chay wiñay kawsayqa, mayqentachus kikin Jesucristo qonawanchejta nerqa, chay.

1 Juan 5:11

Tata Diospa sut'inchasqanqa kay jinamin: Diosqa wiñay kawsayta qowasqanchej, chay wiñay kawsaytataj Churinpi atinikuspa jap'inchej.

Judas 1:1

Noqa Judas kani, Jesucristoj wata runan, chantá Santiagoj wawqen. Kay cartatataj Tata Diospa wajyasqankunaman apachimuni, pikunatachus Tata Dios munakun, Jesucristotaj waqaychan, chaykunaman.

Judas 1:21

Chantá Diospa munakuyninpi kallaychejpuni, jinallataj Tukuyta Kamachej Jesucristo wiñay kawsayman pusanawanchej p'unchayta suyaychej, imaraykuchus pay may jinata khuyakuwasunchej.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.

1 Samuel 2:9

Diosqa payta kasojkunaj puriyninkuta qhawan. Mana kasukojkunatajrí llakiywan ñit'isqa wañunku, imaraykuchus mana pipis kallpanraykullaqa atipanqachu.