San Juan 1:17 - DIOSPA QHELQACHISQAN DEUTEROCANONICAL

¹⁷ Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

Qheshwa Biblia DC

¹⁷ Moisesnejta leyqa qosqa karqa; Diospa khuyakuynin cheqawan, Jesucristonejta chayamuwanchej.

DIOSPA QHELQACHISQ

¹⁷ Diosqa kamachisqankunata Moisesnejta qorqa. Chaywanpis Diospa mana tukukuyniyoj munakuyninta, cheqa kaynintawan Jesucristonejta qowanchej.

Quechua South Bolivia: Dios Parlapawanchej

¹⁷ Unayñamin Dios camachiskasninta Moisesnejta israelcunaman korka. Astawanpis cunanka c'acha yanapayninta cheka cajtapis Jesucristonejta kowanchej.

San Juan 1:17 ပူးပေါင်းရင်းမြစ်များ

Génesis 22:18

Nisusqayta kasuwasqaykiraykutaj noqa kay pachapi tukuy runata mirayniykinejta saminchasaj, nispa.

Génesis 3:15

Noqataj qantawan, warmitawan jap'inachisqaykichej. Jinallataj mirayniykiwan, mirayninwanpis chejninakonqanku. Warmej mirayninmanta kajqa umaykita sarusonqa, qantaj chaki talonninmanta khaninki, nispa. Ajinata Diosqa katarita nerqa.

Salmos 85:10

10 (11) Munakuywan, cheqa kajwan tinkonqanku, cheqan kaywan, sonqo tiyaykusqa kaywantaj much'anakonqanku.

Salmos 98:3

Payqa Israel ayllunrayku khuyakuyninta, cheqa kaynintawan ima mana qonqarqachu. Tukuy kay pachapi runakunaqa Diosninchejpa atipasqanta rikorqanku.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

San Juan 1:14

Chay Simi Nisqaqa runaman tukorqa, jinataj noqayku ukhupi tiyakorqa. Chantá noqayku jatun kayninpa lliphipiyninta rikorqayku, chaytaj Tata Diospa uj k'ata Churin jatun kayninpa lliphipiynin karqa. Paypitaj munakuywan, chantá cheqa kajwan ima may jinapuni karqa.

San Juan 14:6

Chantá Jesús kuticherqa: Noqa ñan kani, cheqa kajtaj, kawsaytaj. Mana pipis Tata Diosman chayayta atinchu, mana noqanejta rispaqa.

San Juan 18:37

Chaymanta kamachej Pilato payta taporqa: Chantá qanqa kuraj kamachejchu kanki? nispa. Jesustaj kuticherqa: Qan nishanki noqa kuraj kamachej kasqayta. Noqatajrí kay pachaman jamorqani cheqa kajmanta willanaypaj. Cheqa kajta tukuy kasojkunaqa nisqayta uyarinku, nispa.

San Juan 5:45

Ama yuyaychejchu noqa Tataypa ñawpaqenpi qankunata juchachanayta. Qankunata juchachajqa wajmin, chaytaj Moisés. Qankunataj paypi atinikuspa, qhespichisqa kayta suyashankichej.

San Juan 7:19

Moisés qankunaman kamachisqakunata qosorqachej, icharí? Chaywanpis chay kamachisqakunata ni mayqenniykichej junt'ankichejchu. Chantá imaraykutaj wañuchiwayta munashankichejri? nispa.

San Juan 8:32

Jinataj Diosmanta cheqa kajta yachasqaykichejqa cheqatapuni kacharichisonqachej, nispa.

San Juan 9:29

Noqayku yachayku Diosqa Moisesman parlasqanta. Chaywanpis chay runa maymantachus kasqanta mana yachaykuchu, nispa.

Hechos 28:23

Chaymanta Pablowan parlanankupaj judío kurajkuna uj p'unchayta ajllarqanku. Chaymantaj aswan ashkha runakuna jamorqanku, Pablo tiyakusharqa, chay wasiman. Chantá paqarinmantapacha ch'isiyanankama Pabloqa paykunaman Diospa kamachiyninmanta yachacherqa. Atisqantataj Jesusmanta yachacherqa imaynatachus Moisespa kamachisqanmanta qhelqasqapi, Diosmanta sut'inchajkunaj qhelqasqankupi ima Jesusmanta willasqanta.

Hechos 7:38

Jinallataj israelitakuna ch'innejpi tantasqa kashajtinku, Sinaí orqopi ángel imatachus Moisesman nerqa, chayta pay ñawpa tatanchejkunaman willarqa. Payllataj Diosmanta kawsayta qoj simi nisqata jap'erqa, noqanchejman willanawanchejpaj.

Romanos 6:14

Juchaqa manaña patronniykichejchu munasqanta ruwachisunaykichejpajqa, imaraykuchus manaña Moisespa kamachisqankunaman jinachu kawsankichej, manachayqa Diospa qhasilla k'acha yanapayninman jina.

2 Corintios 1:20

Jinapi Cristo Jesusnejta imatachus Dios qonawanchejta nisqanta, arí nispa, nisqanta junt'an. Chayrayku Jesucristonejta Diosta jatunchaspa, noqanchej ninchej: Ajina kachun, nispa.

Gálatas 3:17

Chaywanqa kayta niyta munani: Ñawpajta Dios Abrahamwan tratota ruwaspa, nerqa imatachus qonanta. Moisespa kamachisqantajrí 430 watamanña churasqa karqa. Chayrayku Moisespa kamachisqanqa Diospa nisqanta mana chinkachiyta atinchu, nitaj yanqhayachiyta.

Deuteronomio 33:4

Moisés kamachisqakunata qowarqanchej, Jacobpa mirayninpa chayaqen kananpaj.

Deuteronomio 4:44

Moisés kay kamachisqakunata israelitakunaman rejsicherqa.

Deuteronomio 5:1

Moisés tukuy israelitakunata tantaspa, nerqa: Israelitakuna, kamachisqakunata, yachachiykunata ima kunan willashaykichej, chaykunata uyariychej. Sumajta yachaqaychej, chaykunaman jinataj ruwaychej.

Hebreos 9:22

Diospa kamachisqaman jina, ñawpaqenpi imapis llimphuchasqa kananpaj, uywa ñak'asqaj yawarninta ch'ajchunanku karqa. Yawar mana ch'ajchusqa kajtinrí, manallataj ima juchapis pampachasqachu karqa.