Josué 7:26 - DIOSPA QHELQACHISQAN DEUTEROCANONICAL

²⁶ Chaymantataj patanman ashkha rumita tawqaykorqanku, chaytaj kunankama kashan. Chayrayku chay cheqata Acor Valle nispa suticharqanku. Tata Diostajrí Israelpa contranpi manaña phiñasqachu karqa.

Qheshwa Biblia DC

²⁶ Chaymantataj patanman ashkha rumiswan qontuykorqanku, chay rumi qontoqa kunankama kashan. Chayrayku chay cheqataqa Acor valle nispallapuni sutichashanku. Ajinamanta Israelpa contrampi Señorpa k'ajaj phiñakuynenqa thasnukorqa.

DIOSPA QHELQACHISQ

²⁶ Chaymantataj patanman ashkha rumita tawqaykorqanku, chaytaj kunankama kashan. Chayrayku chay cheqata Acor Valle nispa suticharqanku. Tata Diostajrí Israelpa contranpi manaña phiñasqachu karqa.

Josué 7:26 ပူးပေါင်းရင်းမြစ်များ

2 Samuel 18:17

Chaypacha Absalonpa ayanta, chay montepi uj jatun jusk'u karqa, chayllaman wijch'uykorqanku, patanmantaj rumita may chhikata qolluykorqanku. Tukuy israelita soldadokunataj sapa uj wasinkuman ayqerqanku.

2 Samuel 21:14

Saulpa tullunta, jinataj Jonatanpatapis p'amparqanku Saulpa tatan Cispa covachanpi, Benjaminpa jap'iyninpi, Selá nisqa llajtapi. Tukuy imatataj kuraj kamachej kamachisqanman jina ruwarqanku. Chayta ruwasqankuraykutaj Diosqa israelitakunamanta khuyakorqa, tukuy imataj watejmanta poqorqa.

2 Crónicas 29:10

Noqatajrí Israelpa Tata Diosninwan tratota ruwasaj, chay k'araj phiñakuyninta noqanchejmanta karunchananpaj.

Esdras 10:14

Aswan allin kanman noqaykoj kurajniykukuna cuentaykumanta qhepakunankoqa. Chantá tukuy pikunachus llajtankupi tiyakunku, waj llajtayoj warmikunawantaj casararqanku, chaykunaqa señalasqa p'unchaypaj, wajyachisqaman jina jamuchunku kamachejninkunawan juezninkunawan khuska. Chay jinamanta Diospa k'araj phiñakuynin tiyaykukonqa, nispa.

Salmos 85:4

4 (5) Qhespichiwajniyku Dios, kunan ujtawan ñawpajta kasqaykuman kutichiwayku ari, amañataj noqaykupaj phiñasqa kaychu.

Éxodo 32:12

Egipto llajtayojkunaqa ninkumanchari: Diosqa israelitakunata mana allin sonqowan kaymanta orqhon, ch'innejpi wañuchispa kay pachamanta chinkachinanpaj, nispa. Chayrayku sonqoykita tiyaykuchikuspa, aylluykita ama jasut'iychu, ari.

Isaías 40:2

K'acha simiwan Jerusalenman parlaykuspa, wata runa kananku tukukapusqanta niychej. Willallaychejtaj juchanku pampachasqaña kasqanta. Tata Diosqa chay juchankumanta uj jinatawan paykunata jasut'inña, nispa.

Isaías 65:10

Mask'awaj kamachiykuna ovejankukunata Sarón pampapi mirachenqanku, wakankutataj Acor vallepi samarichenqanku.

Lamentaciones 3:53

Kawsashajta pujyuman wijch'uykuwanku, pujyutataj rumiwan kirpaykunku.

Oseas 2:15

15 (17) Chantá uva huertantapis kutichipusaj. Llakiynintapis kusiyman tukuchisaj. Chaypi sipasllaraj kashaspa imaynatachus k'askawarqa, ajinata k'askawanqa, maypachachus Egiptomanta llojsimorqa, chay p'unchaypi jina.

Oseas 2:17

17 (19) Siminmanta qhechusaj Baal sutita oqharisqanta, nitaj jayk'aj sutillantapis oqharenqañachu.

Joel 2:13

Sinch'i llakisqa kasqaykichejmanta p'achaykichejta llik'inaykichejtaqa sonqoykichejta p'akikuychej, nispa. Tata Diosniykichejman kutirimpuychej, imaraykuchus Tata Diosqa may khuyakuyniyoj, jatun sonqoyojtaj. Jinallataj pay may pacienciayoj, tukuy munakuyniyojtaj. Jasut'inan kashajtinpis, payqa runaj juchanta pampachan.

Joel 2:18

Chaypacha Tata Dios ayllunman munakuyninta rikuchenqa, suyunpi kajkunamantataj khuyakonqa.

Jonás 1:15

Chantá barcota purichejkuna Jonasta oqhariytawan, mama qochaman wijch'uykorqanku, yakutaj chay jinata qhollchoqeyashaspapis, ujllata tiyaykorqapacha.

Zacarías 6:8

Chay qhepatataj ángel qhaparimuwarqa: Wichaynej suyuman rejkunaqa chay suyupi Tata Diospa phiñakuyninta thasnonqanku, nispa.

Números 25:8

chay runaj qhepanta rerqa. Toldonman yaykuspataj, israelitata, jinataj madianmanta warmitawan wijsankupi t'ojsispa, wañucherqa. Ajinata ruwasqanrayku, israelitakunata wañuchej onqoy sayarqa.

Deuteronomio 13:17

17 (18) Qankunaqa imachus chinkachisqa kananpaj t'aqasqa kashan, chaymanta ama imatapis jap'ikapunkichejchu. Chaykunata mana jap'ikapojtiykichej, Tata Diospa sinch'i phiñakuynin tiyaykonqa, qankunatataj khuyasonqachej, tataykichejman tiluspa nisqanman jinataj ashkhata mirachisonqachej.

Deuteronomio 13:18

18 (19) Ajina kanqa sichus Tata Diosniykichejta kasuspa, kunan kamachisqasuyta junt'ankichej, jinataj paypa ñawpaqenpi cheqan kajta ruwankichej chayqa.

Josué 10:27

Inti chinkaykushajtintaj, Josueqa chay warkhusqa ayakunata urayk'uchichimorqa. Chaymantataj, may jusk'upichus pakakusqanku chayllamantaj wijch'uykamunankuta kamacherqa. Israelitakunataj jusk'uman chay ayakunata wijch'uykamuytawan, punkuta jatuchaj rumikunawan sumajta wisq'aykorqanku. Chaytaj kunankama ajina kashan.

Josué 7:24

Chantá Josuewan, israelitakunawan ima Zeraj churin Achanta jap'ispa, Acor sutiyoj valleman pusarqanku, jinataj mantata, qorita, qolqe pakasqantawan apallarqankutaj. Jinallataj Achanpa churinkunatawan, ususinkunatawan, wakankunatawan, burronkunatawan, ovejankunatawan, toldontawan, imanchá tiyaporqa chaytawan apallarqankutaj.

Josué 8:29

Chaymanta Josueqa Hai llajtamanta kuraj kamachejta uj sach'aman warkhuspa, sipicherqa, ayantaj inti yaykuykama warkhurayarqa. Inti yaykuytataj Josué kamacherqa Hai llajtata kamachejpa ayanta urayk'uchispa, llajtaman yaykuna punkuman wijch'umunankuta. Patanmantaj rumita tawqaykunankuta kamachillarqataj. Chay tawqasqa rumitaj kunankama kashan.