Josué 4:7 - DIOSPA QHELQACHISQAN DEUTEROCANONICAL

⁷ Chaypacha qankuna ninkichej: Maypachachus Tata Diospa trato ruwasqan arca Jordán mayuta chimparqa chaypacha, yakoqa arcaj ñawpaqenpi iskayman p'itikorqa. Kay tawqasqa rumeqa kaypi imachus kasqanta wiñaypaj yuyarikunanchejpaj kanqa, nispa.

Qheshwa Biblia DC

⁷ Chaypacha qankuna ninkichej: Mayk'ajchus Señorpa trato ruwasqan cajón Jordán mayuta chimpamorqa. Yakutaj chay cajompa ñaupaqempi iskayman p'itikorqa. Kay tauqasqa rumisqa kashan kaypi imachus kasqanta yuyarikunankupajpuni.

DIOSPA QHELQACHISQ

⁷ Chaypacha qankuna ninkichej: Maypachachus Tata Diospa trato ruwasqan arca Jordán mayuta chimparqa chaypacha, yakoqa arcaj ñawpaqenpi iskayman p'itikorqa. Kay tawqasqa rumeqa kaypi imachus kasqanta wiñaypaj yuyarikunanchejpaj kanqa, nispa.

Josué 4:7 ပူးပေါင်းရင်းမြစ်များ

Salmos 111:4

Tata Diospa sumaj ruwasqanqa mana qonqanapaj jinachu. Tata Diosqa wawa sonqo, khuyakuyniyojtaj,

Éxodo 12:14

Chay p'unchayqa qankuna yuyarikunaykichejpaj kanqa. Watan watanta qankuna sutiypi kay raymita ruwankichej. Jinallataj chay raymita qankuna Tata Diospaj miraymanta miray wiñaypaj ruwankichej.

Éxodo 28:12

Chantá iskaynin rumikunata unkuta watanaman churanki, israelitakunamanta yuyarikuna rumi kananpaj. Ajinata Aaronqa Tata Diospa ñawpaqenpi sayaspa, sapa lijranpi israelitakunamanta yuyarikunanpaj sutinkuta apanqa.

Éxodo 30:16

Israelitakuna ama wañunankupaj, sapa uj qhari pagasqanku qolqe metalta qan jap'inki. Chantá Dioswan Tinkukuna Toldopi Diosta yupaychanapaj qonki. Chay jinapi Tata Dios yuyarikonqa israelitakuna ama wañunankupaj pagasqankuta, nispa.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Números 16:40

40 (17.5) Ajinata ruwarqa tukuy israelitakuna yuyarikunankupaj, mana pillapis Tata Diosman inciensota q'oshñichispa jaywayta atisqankuta, manachayqa Aaronpa ayllunmanta kajkunalla. Wajkuna chay jinallataj ruwankuman chayqa, Coré, chantá payta qhatejkuna imaynatachus wañorqanku, jinallatataj wañonqanku. Ajinata Eleazar Tata Dios Moisesnejta kamachisqanman jina, ruwarqa.

Números 17:5

5 (20) Chaypitaj ajllakusqay runaj varanta t'ikarichisaj. Ajinamanta israelitakuna noqaj ñawpaqeypi manaña qankunaj contraykichejta rimanqankuchu, nispa.

1 Corintios 11:24

Diosta pachis niytawantaj, chay t'antata yachachisqankunaman rak'ispa, nerqa: Kaymin ukhoyqa, chaytaj qankunarayku jaywasqa kanqa. Kay t'antata mikhuychej, noqamanta yuyarikuspa, nispa.

Deuteronomio 16:3

Uywa ñak'asqaj aychantaqa mana levadurayoj t'antatawan mikhunkichej. Mana levadurayoj t'antata qanchis p'unchayta mikhunkichej, imaraykuchus chay t'anta niyta munan “ñak'ariy t'anta”. Qankunaqa Egiptomanta usqhay usqhayta llojsimorqankichej, chayrayku kawsanaykichejkama mayk'ajchus Egiptomanta llojsimusqaykichejta yuyarikunkichej.

Josué 4:6

Chay rumikunaqa qankuna yuyarikunaykichejpaj señal jina kanqa. Qhepanejman wawaykichejkuna tapusojtiykichej: Kay rumikuna, ima niytataj munanri? nispa.