Josué 22:5 - DIOSPA QHELQACHISQAN DEUTEROCANONICAL

⁵ Chaywanpis kayllata mañakuykichej: Tata Diospa kamachin Moisés imatachus kamachisusqanta sumajta junt'aychej. Tata Diosniykichejta munakuychej, munasqanta ruwaspataj, puriychej. Kamachisqantapis kasuychejpuni. Jinataj tukuy sonqowan, tukuy kayniykichejwan ima munaynintapuni ruwaychej, nispa.

Qheshwa Biblia DC

⁵ Kunanqa kayllata mañakuykichej, kamachiykunata, Señorpa kamachin Moisés ima kamachiytachus qosorqachej chaykunata sumajtapuni junt'aychej. Niyta munani, Señor Diosniykichejta munakuychejpuni, ñankunasnintapuni puriychej, kamachisqasninta kasuychejpuni. Payta qhatiychejpuni, tukuy sonqowan, tukuy almawantaj kamachisusqaykichejta ruwaychej.

DIOSPA QHELQACHISQ

⁵ Chaywanpis kayllata mañakuykichej: Tata Diospa kamachin Moisés imatachus kamachisusqanta sumajta junt'aychej. Tata Diosniykichejta munakuychej, munasqanta ruwaspataj, puriychej. Kamachisqantapis kasuychejpuni. Jinataj tukuy sonqowan, tukuy kayniykichejwan ima munaynintapuni ruwaychej, nispa.

Josué 22:5 ပူးပေါင်းရင်းမြစ်များ

Salmos 106:3

Cheqan justiciata ruwajkuna kusisqa kachunku, imaraykuchus paykuna cheqan kajtapuni ruwanku.

Salmos 78:7

Ajinamanta paykunapis Diospi atinikuyta yachankuman, jinallataj paypa ruwasqanmanta mana qonqapunkumanchu. Manachayqa Diospa kamachisqankunata junt'ankuman,

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Éxodo 20:6

Kamachisqayta junt'ajkunata, munakuwajkunatarí, mirayninkumanta waranqa waranqata noqa khuyakuywan qhawasaj.

Éxodo 23:13

Tukuy kamachisqayta kasuychej. Ama jayk'ajpis waj dioskunaman k'umuykuychejchu, nitaj sutillankutapis oqharinkichejchu.

Éxodo 23:25

Qankunaqa noqa Tata Diosnillaykichejta yupaychawankichej, noqataj mikhunata, yakutapis may chhikata qosqaykichej. Tukuy onqoymantataj qankunata jark'asqaykichej.

Proverbios 4:23

Tukuy imamanta astawanqa imatachus yuyasqaykiyta sumajta qhaway, imaraykuchus runaj tukuy ruwasqan chaymantamin jamun.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Jeremías 12:16

Paykunaqa aylluyman Baalpa sutinrayku tiluyta yachacherqanku. Kunanrí aylluy ukhupi tiyakunankupaj yachachisqayta jap'ikunanku tiyan, sutiyraykutaj tiluyta yachananku tiyan: Tata Diospa sutinrayku tiluni, nispa.

San Mateo 22:37

Jesustaj kuticherqa: Tukuyta Kamachej Diosniykitaqa tukuy sonqoykiwan munakunki, tukuy almaykiwan, tukuy yuyayniykiwantaj.

San Mateo 4:10

Jesustajrí kuticherqa: Riy kaymanta, Supay Satanás, imaraykuchus Diospa Qhelqachisqanpi nin: Tukuyta Kamachej Diosniykita yupaychanki, paypa munaynillantataj ruwanki, nispa.

San Mateo 6:24

Mana pipis iskay patronkunaj kamachiyninpi ujllapi kayta atinchu, imaraykuchus ujninta chejnenqa, ujnintataj munakonqa. Chayrí, ujnin patronman k'askakonqa, ujnintataj qhesachanqa. Manallataj qankunapis ujllapi qolqetawan, Diostawan aswanpaj qhawayta atinkichejchu.

San Lucas 1:74

Ajinamanta mana manchachikuspa, Diospa munaynintapuni ruwayta atisunchej,

San Juan 12:26

Qankunamanta pillapis kamachiy kayta munajqa kasunawan tiyan. Pikunachus kamachiy kajkunataj, maypichus noqa kasaj, chayllapitaj kanqanku. Tataytaj tukuy kamachiykunata jatunchanqa, nispa.

San Juan 14:15

Jesús yachachisqankunata nillarqataj: Munakuwankichejchus chayqa, kamachisqaykunata kasuychej.

Hechos 11:23

Bernabetaj Antioquiaman chayaspa, imatachus Dios qhasilla k'acha yanapayninnejta ruwashasqanta rikorqa. Chaymantataj kusikuspa, chay wawqe panakunata yuyaycharqa Tukuyta Kamachej Jesucristota tukuy sonqo kasunallankutapuni.

Hechos 27:23

Chayta niykichej, imaraykuchus kunan ch'isi Diospa angelnin rikhuriwarqa. Noqaqa chay Diospata kani, jinataj paypa munasqantapuni ruwaspa kashani.

Romanos 1:9

Noqaqa tukuy sonqo Diosta kasuni Churinmanta sumaj willayta willaspa. Paytaj yachan imaynatachus mana sayk'uspa qankunarayku mañapusqayta.

Romanos 12:9

Qankuna wajkunata tukuy sonqo munakuychej, ama simillamantachu. Jinataj mana allin kajta chejniychej, allin kajmantataj ch'ipakuychej.

Romanos 8:28

Yachanchej Diosqa payta munakojkunaj allinninkupaj tukuy imata wakichisqanta, pikunatachus pay wajyarqa munasqanman jina, chaykunapaj.

Deuteronomio 10:20

Tata Diosniykichejta may jatun respetowan qhawaychej, pay sapallantataj yupaychaychej, payllatataj qhatikuychej. Tilunaykichej kajtenqa, paypa sutinta oqharispa tiluychej.

Deuteronomio 11:1

Tata Diosniykichejta munakuychej, paypa nisqantataj tuta p'unchay junt'aychej. Kamachisqankunata, yachachisqankunata ima kasuychej.

Deuteronomio 11:13

Ajinaqa qankuna, kunan qoshaykichej chay kamachisqakunata kasunkichej, chantá Tata Diosniykichejta munakunkichej, jinallataj tukuy sonqoykichejwan, tukuy almaykichejwan ima payta yupaychankichej.

Deuteronomio 11:22

Sichus kunan qoshaykichej chay kamachisqakunata allinta kasunkichej, sitajchus Tata Diosniykichejta munakunkichej, munasqanman jina purispataj payta qhatinkichej chayqa,

Deuteronomio 13:4

4 (5) Qankunaqa Tata Diosniykichejta qhatikuspa, payllata yupaychaychej. Kamachisqanta junt'aychej, paypa nisqantataj uyariychej. Payllaman k'askakuychej, amataj payta wasanchaychejchu.

Deuteronomio 4:29

Chaywanpis sichus chaypi tiyakushaspa, tukuy sonqoykichejwan, tukuy almaykichejwan ima Tata Diosniykichejta mask'ankichej chayqa, payta tarinkichej.

Deuteronomio 4:4

Chaywanpis tukuy pikunachus Tata Diosniykichejta kasojkunaqa kawsashankichejraj.

Deuteronomio 4:6

Ajinaqa kasuspa junt'aychej. Ajinatachus ruwankichej chayqa, tukuy yachanqanku yachayniyoj, yuyayniyojtaj kasqaykichejta. Waj llajtayojkuna kay kamachisqakunamanta uyarispa, nenqanku: Kay llajtayoj runakunaqa yachayniyoj, yuyayniyojtaj kanku. Kay suyoqa sumajmin, nispa.

Deuteronomio 4:9

Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.

Deuteronomio 5:10

Pikunachus noqata munakuwaspa, kamachisqayta kasunku chaykunatarí, tukuy wawankuta k'acha kayninwan qhawasaj.

Deuteronomio 6:17

Tata Diosniykichej qosusqan kamachisqanta, yachachiyninta, yuyaychayninta ima allinta kasunkichej.

Hebreos 12:15

Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

Josué 23:8

Manachayqa Tata Diosniykichejtapuni qhatikunkichej, imaynatachus kunankama ruwashankichej, ajinata.

Apocalipsis 15:3

Jinapi paykuna Diospa kamachin Moisespa takiyninta, chantá Corderoj takiyninta ima takisharqanku: Tukuyta Kamachej, Tukuy Atiyniyoj Dios, ruwasqaykeqa ancha jatun, t'ukunapajtaj. Tukuy imatachus ruwasqaykeqa cheqanmin, cheqataj. Qanqa tukuy suyuta Kamachejmin kanki.

1 Samuel 12:20

Samueltaj kuticherqa: Ama manchachikuychejchu. Cheqamanta qankunaqa jatunta juchallerqankichej. Chaywanpis Tata Diosmanta ama t'aqakuychejchu, manachayqa tukuy sonqowan Tata Diosta yupaychaychej.

1 Samuel 12:24

Qankunaqa Tata Diosta yupaychakuychej. Tukuy sonqowantaj payllata yupaychaychej, Tata Dios qankunarayku sumaj imakunata ruwapususqaykichejta yuyarikuspa.

1 Samuel 7:3

Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.