Josué 13:11 - DIOSPA QHELQACHISQAN DEUTEROCANONICAL

¹¹ Paykunallapajtaj Galaad jap'iy karqa, gesureokunaj jap'iyninku, macateokunaj jap'iyninku ima, jinallataj Hermón Orqo, tukuy Basán jap'iy Salcakama karqa.

Qheshwa Biblia DC

¹¹ Paykunallapajtaj karqa Gaalad, gesureospa jallp'asnin, maacateospa jallp'asnin, Hermón orqos, tukuy Basán jallp'as ima Salcakama.

DIOSPA QHELQACHISQ

¹¹ Paykunallapajtaj Galaad jap'iy karqa, gesureokunaj jap'iyninku, macateokunaj jap'iyninku ima, jinallataj Hermón Orqo, tukuy Basán jap'iy Salcakama karqa.

Josué 13:11 ပူးပေါင်းရင်းမြစ်များ

Génesis 37:25

Chantá Joséj wawqenkuna mikhunankupaj tiyarikorqanku. Mikhushaspataj, qhatuwan purej ismaelitakunata Galaadmanta jamushajta rikorqanku. Paykuna camellonkunapi sumaj q'apashaj jawinata, balsamota, mirrata ima Egiptoman apasharqanku.

1 Crónicas 2:23

Gesurwan, Aramwanqa Yairpata, chantá Kenatpata ima llajtankuta, chantá muyuyninpi kaj llajtitakunatawan jap'ikaporqanku, tukuyninpi sojta chunka llajtakuna karqanku. Tukuy paykunaqa Galaadpa tatan Maquirpa mirayninmanta karqanku.

1 Crónicas 5:11

Gadpa mirayninmanta kajkunaqa Rubén jatun ayllumanta kajkunaj chimpanpi, Basán chaynejmantapacha Salca llajtakama tiyakorqanku.

Números 32:29

Gad jatun ayllumanta kajkuna, Rubén jatun ayllumanta kajkuna ima maqanakunapaj sumaj wakichisqa, qankunawan khuska Jordán mayuta chimpananku tiyan. Chantá sichus Tata Diospa kamachisqanman jina jallp'ata jap'inkichej chayqa, qankuna Galaad jallp'ata paykunajta kananpaj qonkichej.

Deuteronomio 3:10

Tukuy chay pampapi llajtakunata, tukuynin Galaadta, Basantawan, Salcakama, chantá Edreykama ima jap'ikaporqanchej. Chay llajtakunaqa Basanta kamachej Ogpa kamachiyninpi karqanku.

Josué 11:3

Willachillarqataj inti llojsimuynejpi tiyaj cananeokunaman, inti yaykuynejpi kajkunaman, amorreokunaman, heteokunaman, ferezeokunaman, orqo kinraykunapi tiyakoj jebuseokunaman, Mispá jap'iypi Hermón orqo k'uchupi tiyakoj heveokunaman ima tantakuspa, uj tratota ruwanankupaj.

Josué 13:10

Jinallataj amorreokunaj kuraj kamachejninku Sijonpa tukuy llajtantinta, amonitakunaj jap'iyninku tinkuykama jap'erqanku. Sijonqa Jesbonpi kamacherqa.

Josué 13:2

Jap'inaraj kashan, chay jallp'aqa kaykuna kanku: Filisteokunajta chantá gesureokunajta tukuy jallp'anku,

Josué 13:25

Paykunamantaj Galaad jap'iymanta kaj tukuy llajta, chantá Jazerpa jap'iynin ima chayarqa, chantá amonitakunaj khuskan jap'iyninku ima, chaytaj Rabá chimpapi Aroer llajtakama karqa.

Josué 17:5

Ajinata Manasés jatun aylloqa chunka suyutawan jap'erqa. Chantá Jordán Mayoj inti llojsimuynej chimpapi Galaad jap'iyta, Basán suyuta ima jap'illarqataj.

1 Samuel 13:7

Paykunamanta wakinkunataj Jordán mayuta chimpaspa, Gadman jinataj Galaad chaynejman ayqerqanku. Saulrí Gilgal llajtapi kasharqa, paywan kashaj soldadokunataj sinch'i mancharisqa kasharqanku.