Josué 10:3 - DIOSPA QHELQACHISQAN DEUTEROCANONICAL

³ Chayrayku Jerusalenmanta kuraj kamachej Adonisedecqa Hebronta kuraj kamachej Hoanman, Jarmut llajtata kuraj kamachej Piranman, Laquis llajtata kuraj kamachej Jafiaman, Eglonta kuraj kamachej Debirman ima willachimorqa, kay jinata nispa:

Qheshwa Biblia DC

³ Chayrayku Jerusalenmanta rey Adonisedecqa willarachimorqa, Hebrón rey Hohanman, Jarmut rey Pireamman, Laquis rey Jafiaman, Eglón rey Debirman ima, kay jinata:

DIOSPA QHELQACHISQ

³ Chayrayku Jerusalenmanta kuraj kamachej Adonisedecqa Hebronta kuraj kamachej Hoanman, Jarmut llajtata kuraj kamachej Piranman, Laquis llajtata kuraj kamachej Jafiaman, Eglonta kuraj kamachej Debirman ima willachimorqa, kay jinata nispa:

Josué 10:3 ပူးပေါင်းရင်းမြစ်များ

Génesis 23:2

Paytaj Quiriat Arbapi wañuporqa. Arbaqa Canaán jap'iypi, Hebrón llajta kashan. Abrahamqa warmin Sara wañupusqanrayku mayta llakikuspa, anchatataj waqarqa.

Génesis 37:14

Israeltaj nerqa: Rispa, wawqeykikuna, jinataj ovejakuna imaynachus kashasqankuta qhawamuy. Chantá kutimuspa, willawanki, nispa. Ajinata Israelqa churin Joseta Hebrón vallemantapacha kacharqa. Chantá José Sichemman rerqa.

2 Samuel 2:11

Jinamanta Davidqa Hebrón llajtamanta Judá jatun aylluta qanchis wata sojta killayojta kamacherqa.

2 Reyes 18:14

Chantá Judata kuraj kamachej Ezequías Laquis llajtaman uj runata kacharqa, Asiria suyuta kuraj kamachejman ajinata nichispa: Noqaqa pantaykuni. Ama noqawan maqanakoj jamuychu, noqataj pagasqayki, mashkhatachá niwanki, chayta, nispa. Chantá Asiria suyuta kuraj kamachej Ezequiasta nerqa: 9.900 kilo qolqe metalta, 990 kilo qoritawan pagaway, nispa.

2 Reyes 18:17

Chaymanta Asiria suyuta kuraj kamachejqa Ezequiaspa contranpi kamachejkunata kacharqa: Tartanta, Rabsarista, Rabsacesta, chantá ashkha soldadotawan ima. Laquismantapacha Jerusalenta jap'ej rerqanku. Jerusalenman chayaspataj, pata estanqueman yaku pusana larq'a chaynejpi, awa t'ajsanaman ñan rejpi jarakorqanku.

2 Crónicas 11:9

Adorayin, Laquis, Azeca,

Jeremías 34:7

Chaykamataj Babiloniata kuraj kamachejpa soldadonkuna Jerusalenpa contranta maqanakusharqanku, jinallataj Laquis llajtaj contranta, Azeca llajtaj contranta ima. Chaykunalla Judamanta jark'achasqa llajtakunamanta qhepakojkuna kasharqanku.

Miqueas 1:13

Qankuna, Laquis llajtapi tiyakojkuna, israelitakuna jinallataj Diospa contranpi oqharikorqankichej. Qankunanejta Sión llajtapi tiyakojkunata juchallicherqankichej, kunantaj carretaykichejman caballokunata wataychej.

Números 13:22

Chaymanta Neguevnejta rispa, Hebronkama chayarqanku. Chaypi Ajimán, Sesay, Talmay ima tiyakorqanku. Paykunaqa Anacpa mirayninmanta karqanku. Hebrón llajtaqa Egiptopi Soán llajtamanta qanchis wata ñawpajta sayarichisqa kasqa.

Josué 10:1

Jerusalenta kuraj kamachej Adonisedec Josuemanta uyarerqa imaynatachus Hai llajtata jap'isqanta, kuraj kamachejnintataj wañuchisqanta, chantá imaynatachus Jericó llajtata, kuraj kamachejnintawan chinkachisqanta. Uyarillarqataj Gabaón llajtayojkunapis israelitakunawan tratota ruwasqankuta, paykuna ukhupiñataj tiyakushasqankuta.

Josué 10:23

Ajinata israelitakunaqa chay phishqa kuraj kamachejkunata chhanka jusk'umanta orqhomorqanku. Chay kuraj kamachejkuna karqanku Jerusalenmanta, Hebronmanta, Jarmutmanta, Laquismanta, chantá Eglonmanta ima.

Josué 10:34

Chantá Josueqa tukuy israelitakunawan ima Laquis llajtamanta Eglón llajtamanñataj rerqanku. Eglón llajtaman chayaspataj, maqanakorqankupacha.

Josué 10:5

Ajinamanta phishqantin amorreo kuraj kamachejkuna tantaykukorqanku Jerusalenmanta, Hebronmanta, Jarmutmanta, Laquismanta, Eglonmanta ima. Chantá paykunaqa tukuy soldadonkukunata tantaykuytawan, Gabaón llajtaj chimpanpi jarakuspa, llajtata jap'inankupaj wakichikorqanku.

Josué 14:15

Hebronpa ñawpaj sutenqa Quiriat Arbá karqa, imaraykuchus Arbaqa jatunkaray runa Anacpa mirayninmanta karqa. Chaymanta qhepamanqa chay cheqanejpi manaña ni ima maqanaku karqachu.

Josué 15:54

Jumetá, Quiriat Arbá, chayqa Hebrón karqa, Sior ima. Chaykuna jisq'on llajtakuna, juch'uy llajtakunantin ima karqanku.

Josué 15:63

Chaywanpis Judá jatun ayllumanta kajkunaqa Jerusalenpi tiyakoj jebuseokunata mana wijch'uyta aterqankuchu. Chayrayku paykunaqa kunankama Judá jatun aylluwan khuska Jerusalenpi tiyakushanku.

Josué 18:28

Selá, Elef, Jebús ima, chayqa Jerusalén llajta karqa. Chantá Gabaa, Quiriat llajta ima kallarqataj. Tukuyninpi chunka tawayoj llajtakuna, juch'uy llajtakunantin ima karqanku. Chaymin Benjamín jatun aylluman rikuchipusqan jallp'a karqa.