Josué 1:14 - DIOSPA QHELQACHISQAN DEUTEROCANONICAL

¹⁴ Chayrayku Jordán mayumanta inti llojsimuynejpi, maypichus Moisés jallp'ata qosorqachej, chaypi warmiykichejta, wawaykichejta, uywaykichejtapis saqenkichej. Tukuy qhari maqanakupaj jina kajkunataj armaykichejta oqharikuspa, wawqeykichejkunata yanapanaykichejpaj Jordán mayuta chimpanaykichej tiyan.

Qheshwa Biblia DC

¹⁴ Chayrayku saqeychej warmisniykichejta, wawasniykichejta, uywasniykichejtapis; Moisés qosorqachej chay jallp'api manaraj Jordán mayuta chimpashaspa. Tukuynin qharistaj maqanakupaj jina kajkuna, maqanakunasniykichejta oqharikuspa wauqesniykichejpa ñaupaqenta riychej, ajinamanta yanapanaykichejpaj.

DIOSPA QHELQACHISQ

¹⁴ Chayrayku Jordán mayumanta inti llojsimuynejpi, maypichus Moisés jallp'ata qosorqachej, chaypi warmiykichejta, wawaykichejta, uywaykichejtapis saqenkichej. Tukuy qhari maqanakupaj jina kajkunataj armaykichejta oqharikuspa, wawqeykichejkunata yanapanaykichejpaj Jordán mayuta chimpanaykichej tiyan.

Josué 1:14 ပူးပေါင်းရင်းမြစ်များ

Éxodo 13:18

Chayrayku Diosqa israelitakunata ch'innejta muyurichimorqa, Puka Mama Qochaman rej ñannejta. Israelitakunataj Egiptomanta sumaj wakichisqa llojserqanku.

Números 32:26

Warmiyku, juch'uy wawayku, chantá tukuy uywaykukuna ima Galaadpi jatarichisqayku llajtakunapi qhepakonqanku.

Deuteronomio 20:8

Chay jawa kurajkunaqa soldadokunata nillanqankutaj: Sichus mayqenniykichej manchachikun, q'ewakuntaj chayqa, wasinman kutipuchun, soldado masinkunata ama iskayrayachinanpaj, nispa.

Deuteronomio 3:19

Chaywanpis qorqaykichej chay llajtakunapeqa warmiykichej, wawaykichej, chantá uywaykichej imalla qhepakonqanku, imaraykuchus yachani qankunaqa ashkha uywayoj kasqaykichejta.

Deuteronomio 33:21

Aswan sumaj kaj jallp'ata paypaj ajllakorqa. Kamachejman jina payman jallp'ata qorqanku. Ayllu masinkunaj ñawpaqenkuta jallp'aman yaykorqa. Tata Diospa kamachisqanta junt'arqa, Israel ayllu ukhupitaj cheqanta ruwarqa, nispa.

Josué 1:13

Yuyarikuychej Tata Diospa kamachin Moisés imatachus nisorqachej, chayta. Chaypacha nerqasunkichej: Tata Diosniykichej qankunaman kay jallp'ata qosunkichej chaypi tiyakunaykichejpaj, nispa.

Josué 1:15

Ajinata Tata Dios paykunamanpis qankunaman jina tiyakunankupaj jallp'ata qonankama ruwankichej, imaynatachus qankunaman qosorqachej, ajinata. Ajinamanta paykunapis Tata Diosniykichej jallp'a qosqanmanta dueño kanqanku. Chaymantataj Tata Diospa kamachin Moisés Jordán mayumanta inti llojsimuynejpi jallp'ata qorqasunkichej, chayman kutimpuyta atinkichej, jap'isqaykichej jallp'api tiyakunaykichejpaj, nispa.

Josué 4:12

Jinataj paykunawan khuska maqanakunankupaj sumaj wakichisqa kajkunapis chimpallarqankutaj Rubén jatun ayllumanta, Gad jatun ayllumanta, Manasés khuskan jatun ayllumanta ima. Paykunaqa Moisespa kamachisqanman jina israelitakunaj ñawpaqenkuta risharqanku.

Apocalipsis 17:4

Chay warmeqa kulli yanaraw p'achawan p'achallisqa karqa, qoriwan k'achanchasqa, k'achituta lliphirishaj rumiwan, chantá walqawan ima. Makinpeqa qorimanta vasota jap'isharqa millay imakunawan junt'asqata, khuchichakuspa ch'ichichakusqanwan ima.