Joel 3:4 - DIOSPA QHELQACHISQAN DEUTEROCANONICAL

⁴ 4 (4.4) Qankunarí Tiropi, Sidonpi tiyakojkuna, jinataj Filisteapi tiyakojkuna ima, noqamanta imatataj munankichejri? Vengakuytachu munankichej? Chayrí pagachikuwaytachu munashankichej? Tumpamantawan noqaqa aylluyta ruwasqaykichejman jina ñak'arichisqaykichej.

Qheshwa Biblia DC

⁴ Qankunarí, imata munankichej noqawanri, Tiropi tiyakoj runas, Sidompi tiyakoj runas, jinataj Filisteapi tiyakoj runaspis? Vengakuytachu munankichej noqawan? Munashankichejchu imallatapis qosunaykichejta? Pisimantawan qopusqaykichej imachus qankunapaj atikusqanta, purisqaykichejman jina!

DIOSPA QHELQACHISQ

⁴ 4 (4.4) Qankunarí Tiropi, Sidonpi tiyakojkuna, jinataj Filisteapi tiyakojkuna ima, noqamanta imatataj munankichejri? Vengakuytachu munankichej? Chayrí pagachikuwaytachu munashankichej? Tumpamantawan noqaqa aylluyta ruwasqaykichejman jina ñak'arichisqaykichej.

Joel 3:4 ပူးပေါင်းရင်းမြစ်များ

2 Crónicas 21:16

Chaymanta Tata Diosqa filisteokunata, Etiopía suyumanta arabekunatawan kuraj kamachej Joranpa contranpi phiñaricherqa.

Isaías 14:29

Filisteamanta runakuna, ama kusikuychejchu qankunata maqana k'aspi p'akikusqanmanta. Chay wañoj katarimanta waj katariñataj rikhurimonqa, chaytaj phawaj nina katari kanqa.

Isaías 34:8

Cheqapuni Tata Diospa vengakunan p'unchay chayamun. Chay watapitaj Tata Diosqa Edomwan pagachikonqa Sionta ñak'arichisqanmanta.

Isaías 59:18

Ajinata wakichikorqa awqankunaman ruwasqankuman jina qopunanpaj. Mayta phiñakuspa tukuy awqankunata, mama qocha kantupi tiyakojkunatawan jasut'enqa.

Jeremías 47:1

Manaraj faraón Gaza llajtata jap'ishajtin, Tata Diosqa Jeremiasman filisteokunata imachus qhatirinanmanta kay jinata nerqa:

Jeremías 47:4

Filisteokunata yanaparej llajtakunapis Tirotawan, jinataj Sidontawan Tata Dios chinkarparichillanqataj. Arí, Tata Diosqa Creta churupi llajtamanta yaykumoj filisteokunata chinkachenqa.

Jeremías 51:6

Babiloniamanta ayqeychej. Pichus atejqa ayqekuchun. Ama qankunapis Babiloniaj millayta ruwasqanrayku wañuchisqachu kaychej, imaraykuchus Tata Diospa vengakunan p'unchay chayamun, paytaj ruwasqankuman jina paykunaman kutichiponqa.

Joel 2:10

Jallp'a kharkatitin paykunaj ñawpaqenkupi. Janajpis chujchurin. Intipis, killapis laqhayaykunku, ch'askakunataj ayphuyaykunku.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

San Mateo 11:21

Nerqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Paykunaqa qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

San Mateo 11:22

Chayrayku niykichej: Juicio p'unchaypeqa, Tiro llajtayojkunapaj, Sidón llajtayojkunapaj ima aswan pisi ñak'ariy kanqa. Qankunapajrí aswan sinch'i ñak'ariy kanqa.

San Lucas 10:13

Jesús nillarqataj: Ay, Corazín llajtayojkuna, qankunamanta imallachus kanqa. Ay imallachus kanqa qankunamantapis, Betsaida llajtayojkuna. Sichus Tiro llajtapi, jinataj Sidón llajtapi pipis qankuna ukhupi kay ruwasqay t'ukunata ruwanman karqa chayqa, maypachaña Diosman kutirikunkuman karqa. Qhashqa p'achata churakuspa, ushpha patapi tiyaspataj, Diosman kutirikusqankumanta yachayta qonkuman karqa.

San Lucas 10:14

Chayrayku niykichej: Juicio p'unchaypeqa, Tiro llajtayojkunapaj, Sidón llajtayojkunapaj ima aswan pisi ñak'ariy kanqa. Qankunapajrí aswan sinch'i ñak'ariy kanqa.

San Lucas 18:7

Diospa ajllakusqankuna tuta p'unchay paymanta justiciata mañakushajtinku, manachu paykunapaj justiciata ruwanqa? Payqa unaytarajchu suyachikonqa? Mana, icharí?

Hechos 9:4

Paytaj pampaman choqakorqa, parlamojtataj uyarerqa: Saulo, Saulo, imaraykutaj qhatiykachashawankiri? nispa.

Deuteronomio 32:35

Vengakunayqa noqajta, noqataj pagapusaj. Maychus wakichisqay p'unchaypi misk'anqanku, sonqo nanayman tukuchisqa kananku p'unchay qayllallapiña. Juzgasqa kanankupis kayllapiña kashan, nispa.

2 Tesalonicenses 1:6

Diosqa cheqanta kajta ruwaj kasqanrayku, qhepanejman pikunachus qankunata ñak'arichejkunata jasut'enqa.

Jueces 11:12

Chantá Jefteqa willajkunata kacharqa amonitakunaj kuraj kamachejninkuman kay jinata tapurinankupaj: Imanarqaykitaj noqa suyuypa contranpi maqanakoj jamunaykipajri? nispa.