Joel 2:2 - DIOSPA QHELQACHISQAN DEUTEROCANONICAL

² Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Qheshwa Biblia DC

² Chay p'unchayqa tuta, laqhataj. Phuyusqa p'unchay, llanthusqataj kanqa. May atiyniyoj, yupay mana atinataj orqos pataman mast'alla junt'aykamunku, sut'iyayta jina k'ancharispa. Chayman rijch'akojqa mana jayk'ajpis karqachu, nitaj jayk'ajpis kanqañachu.

DIOSPA QHELQACHISQ

² Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Joel 2:2 ပူးပေါင်းရင်းမြစ်များ

Salmos 10:6

Sonqonpi nin: Noqaqa mana jayk'aj urmasajchu, llakiypis mana jayk'aj chayamuwanqachu, nispa.

Salmos 97:2

Sinch'i yanayarishaj phuyu paypa muyuyninpi kashan, paytaj cheqa kajwan, justiciawan ima kamachin.

Éxodo 10:14

Phinki phinkeqa tukuy Egipto suyuman phuyu jina tiyaykorqa. Chay chhika phinki phinkeqa mana jayk'ajpis karqachu, nitaj jayk'ajpis kanqachu.

Éxodo 10:6

Phinki phinkeqa wasiykiman, kamachiykikunaj wasinkuman, jinataj tukuy Egipto llajtayojkunaj wasinkukunaman junt'aykonqa. Chay jinataqa, tatayki, nitaj jatun tataykipis kasqankumantapacha kunankama ni jayk'aj rikorqankuchu, nispa. Jinata faraonta niytawantaj, Moisesqa kutirispa, faraonpa kamachinan wasimanta llojsiporqa.

Éxodo 20:21

Israelitakuna karullapi kashanankukamarí, Moisés laqhayarishaj phuyuman qayllaykorqa, maypichus Dios kasharqa, chayman.

Isaías 5:30

Chay p'unchay chayamojtin, chay suyumanta kaj soldadokunaqa mama qocha jina Israelpa contranpi qhaparenqanku. Pillapis suyuntinta qhawarejqa llakiywan laqhayaykushajta rikonqa. Janajpi k'anchajkunatapis yana phuyu laqhayaykuchenqa.

Isaías 8:22

Jallp'ata qhawarispataj, rikonqanku llakiyllata, laqhayayllata, may waqaytataj. Jinataj tuti laqha ukhuman wijch'usqa kanqanku.

Jeremías 13:16

Tata Diosniykichejta jatunchaychej, manaraj laqhayayta apachimushajtin, laqhayaykojtintaj montepi misk'awajchej. Qankunaqa k'anchayta suyashankichej, paytajrí chay k'anchayta tuti laqhaman tukuchenqa.

Jeremías 13:6

Chaymanta unayninman Tata Dios nillawarqataj: Ujtawan Éufrates mayuman rispa, pakamuy nerqayki, chay chumpita apamuy, nispa.

Lamentaciones 1:12

Qankuna kay ñanta purejkuna, manachu sonqoykichej nanasunkichej noqata rikuwaspa? Sayarispa, qhawariwaychej. Kay ñak'arisqaymanta astawan sinch'i ñak'ariy kanmanchu? Kay jina ñak'ariyta Tata Dios k'arajta phiñakuspa, apachimuwan.

Ezequiel 32:7

Chantá qanta wañuchiytawan, janaj pachata laqhayachisaj, ch'askakunaj k'anchaynintataj wañuchisaj. Intitapis phuyuwan p'ampaykusaj, killapis manaña k'anchanqachu.

Ezequiel 34:12

Imaynatachus ovejakunata michej ch'eqerasqa ovejankunata tantaykuspa michin, ajinata noqapis ovejaykunata michisaj. Maykunamanchus phuyusqa laqha p'unchaypi ch'eqerarqanku, chaykunamanta paykunata tarikampusaj.

Ezequiel 38:9

Qantajrí chay suyuman phuyu jina junt'aykunki ashkha soldadoykiwan, pikunachus ashkha suyukunamanta qanwan tantakorqanku, chaykunawan khuska, nispa.

Daniel (hebreo) 12:1

Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

Daniel (hebreo) 9:12

Chay jatun llakiyta apachimuspaqa, qan junt'ashanki imatachus niwasqaykuta noqaykuman, jinallataj kuraj kamachejniykukunamanpis. Jerusalenpa patanman urmamun, chay jina llakiytaj mana jayk'ajpis tukuy kay pachapi karqachu.

Joel 1:6

Ashkha phinki phinkikuna may atiyniyoj soldadokuna jina, suyuyman junt'aykamunku. Paykunaj kirunkoqa leonpa kirun jina, k'amankutaj china leonpata jinallataj.

Joel 2:25

Tata Dios nin: Noqa qankunaj contraykichejpi chajraykichejta tukuykunankupaj kachamorqaykichej soldadokunata jina may chhika phinki phinkikunata. Chaywanpis imatachus mikhukapusqankuta kutichipusqaykichej.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Joel 2:5

Orqonejpi phawasqankoqa maqanakupi carretakunaj takanakusqanman rijch'akun. Imaynatachus ch'aki laqhe ruphajtin sonarin, ajinata sonarinku. Ashkha atiyniyoj soldadokuna jina maqanakoj yaykunankupaj wakichisqa kanku.

Joel 3:4

4 (4.4) Qankunarí Tiropi, Sidonpi tiyakojkuna, jinataj Filisteapi tiyakojkuna ima, noqamanta imatataj munankichejri? Vengakuytachu munankichej? Chayrí pagachikuwaytachu munashankichej? Tumpamantawan noqaqa aylluyta ruwasqaykichejman jina ñak'arichisqaykichej.

Amós 4:13

Tata Diosmin orqokunata, wayratapis ruwarqa. Runamanpis imatachus yuyasqanta rejsichillantaj. Payqa k'anchayta laqhaman tukuchin, kay pachaj aswan patanejtataj purin. Sutenqa Tukuy Atiyniyoj Tata Diosmin.

Sofonías 1:7

Tukuyta Kamachej Tata Diospa ñawpaqenpi ch'inlla kaychej, imaraykuchus Tata Diospa p'unchaynenqa chayamushanña. Tata Diosqa uj jaywanata wakichin, wajyakusqankunapis t'aqasqaña kashanku.

Zacarías 14:6

Chay p'unchay chayamojtin, mana k'anchay kanqachu, nillataj chiripis ni qhasapis.

San Mateo 24:21

Chay jina llakeyqa mana jayk'ajpis karqachu, Dios kay pachata ruwasqanmantapacha kunankama, nillataj qhepamanpis kanqachu.

Marcos 13:19

imaraykuchus chay p'unchaykunapeqa manchay llakiykuna kanqa. Chay jina llakeyqa mana jayk'ajpis rikukorqachu, Dios kay pachata ruwasqanmantapacha kunankama, nillataj qhepamanpis kanqachu.

Deuteronomio 32:7

Ñawpa watakunamanta yuyarikuychej, unaypi tiyakojkunamantataj unanchaychej. Tataykichejta, kurajniykichejkunatapis tapukuychej, paykunataj willasonqachej.

Hebreos 12:18

Qankunaqa mana israelitakuna jina llankhay atina lawrashaj orqoman qayllarqankichejchu, nitaj laqhayaymanpis, nitaj tutayajmanpis, nitaj sinch'i wayramanpis.

Judas 1:13

Jinallataj imaynatachus mama qochaj qhollchoqeyasqan phosoqota wijch'un, ajinallatataj paykunapis p'enqay millay ruwasqankuta sut'iman orqhonku. Jinallataj paykuna mana ñanniyoj purej ch'askakuna jina kanku. Chaywanpis paykunapaj wiñaypaj tuti laqhayay wakichisqa kashan.

Apocalipsis 9:2

Chantá chay ch'aska ukhu pachata kicharejtin, chaymanta q'oshñi llojsimorqa, imaynatachus jatun hornomanta q'oshñi llojsin jinata. Chay q'oshñitaj intita, kay pachata ima laqhayaykucherqa.