Joel 1:2 - DIOSPA QHELQACHISQAN DEUTEROCANONICAL

² Israelita kurajkuna, jinallataj kay suyupi tukuy tiyakojkuna, kayta allinta uyariychej: Qankuna jayk'ajpis kayman rijch'akojta rikorqankichejchu? Tataykichejkuna tiemponkupi kayman rijch'akojta jayk'ajpis rikorqankuchu?

Qheshwa Biblia DC

² Kurajkuna kaytaqa allinta uyariychej, jinallataj qankunapis kay llajtapi tiyakojkuna. Qankuna rikorqankichejchu jayk'ajpis kayman rijch'akojta? Tatasniykichejqa tiemponkupi kayman rijch'akojta rikojchu kanku?

DIOSPA QHELQACHISQ

² Israelita kurajkuna, jinallataj kay suyupi tukuy tiyakojkuna, kayta allinta uyariychej: Qankuna jayk'ajpis kayman rijch'akojta rikorqankichejchu? Tataykichejkuna tiemponkupi kayman rijch'akojta jayk'ajpis rikorqankuchu?

Joel 1:2 ပူးပေါင်းရင်းမြစ်များ

Job 12:12

Machu runakunaqa yachayniyoj kanku, unayta kawsasqanku paykunata yachachin.

Job 15:10

Noqaykoqa yuyayniyoj runaña kayku, tataykimantapis astawan yachayniyoj.

Job 21:7

Imaraykutaj millayta ruwajkuna kawsallankupuniri, machuyanankukamataj qhapajyallankupuniri?

Job 8:8

Ñawpa runakunata tapurikuy, ñawpa runakunaj yachasqankumantataj yachakuy.

Salmos 49:1

1 (2) Tukuy runa, kayta allinta uyariychej, kay pachapi tukuy tiyakojkunataj, kayta uyariychej.

Isaías 34:1

Tukuy suyukuna, llajtakuna ima, qayllamuychej allinta uyarinaykichejpaj: Kay pachapi tukuy ima kajpis sumajta noqaj nisqayta uyarichun.

Isaías 7:17

Chay qhepamanrí Tata Dios jatun llakiykunata apachimusonqa qanman, aylluykiman, tataykej ayllunman ima. Chay jina llakiykuna ni jayk'aj karqachu, Efraín ayllu Judá suyumanta t'aqakusqanmantapacha. Tata Dios Asiriaj kuraj kamachejninta contraykipi kachaykamusonqa.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 5:21

Wampukuna, mana yuyayniyoj Israel ayllu, kayta uyariychej: Ñawiyoj kankichej, manataj rikunkichejchu. Ninriyoj kankichej, manataj uyarinkichejchu.

Daniel (hebreo) 12:1

Chantá Israel suyuta qhawaj angelkunata kamachej Miguel rikhurimonqa. Chaypachaqa may sinch'i llakiy kanqa. Chay jina llakeyqa runa kasqanmantapacha manapuni jayk'ajpis karqachu. Chaywanpis chaypachaqa Israel aylluykimanta pikunachus p'anqapi sutinku qhelqasqa kajkuna qhespichisqa kanqanku.

Oseas 4:1

Israelitakuna, Tata Diospa nisqanta uyariychej. Payqa kay suyupi tukuy tiyakojkunawan quejaman yaykun, imaraykuchus qankuna payta wasanchankichej, nitaj khuyakuyniyoj kayta yachankichejchu, nillataj Diostapis rejsinkichejchu.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Joel 1:14

Tukuy runata tantaspa, ayunanankuta niychej. Tata Diosniykichejpa Templonpi tantaychej kurajkunata, kay suyupi tiyakojkunatawan, chaypitaj Tata Diosmanta mañakuychej.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Amós 3:1

Israelitakuna, Tata Diospa nisqanta uyariychej. Egiptomanta orqhomusqan runakunaj contranta ajinata nin:

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 5:1

Israelitakuna, qankunaj contraykichejpi llakiy yarawita takisqayta uyariychej.

Miqueas 1:2

Tukuy runakuna, kayta uyariychej: Tukuyta Kamachej Tata Diosmin may llimphu Templonmantapacha testigo jina qankunaj contraykichejpi sayanqa.

Miqueas 3:1

Kunan uyariychej, Israelta kamachejkuna, jinataj kurajkuna: Manachu qankuna yachanaykichej kashan imachus justicia kasqanta?

Miqueas 3:9

Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.

San Mateo 13:9

Pichus nisqayta jap'ikuyta munajqa allinta uyarichun, nispa.

San Mateo 24:21

Chay jina llakeyqa mana jayk'ajpis karqachu, Dios kay pachata ruwasqanmantapacha kunankama, nillataj qhepamanpis kanqachu.

Apocalipsis 2:7

Pichus nisqayta jap'ikuyta munajqa imatachus Santo Espíritu iglesiakunaman nisqanta uyarichun. Chantá noqa pichus atipajman kawsay sach'amanta mikhuchisaj, mayqenchus Diospa janaj pacha huertanpi kashan, chaymanta.