Jeremías 7:9 - DIOSPA QHELQACHISQAN DEUTEROCANONICAL

⁹ Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Qheshwa Biblia DC

⁹ Qankunaqa suwankichej, wañuchinkichej, qhenchachakunkichej, manakajmanta jurankichej, Baalkunasman inciensota q'osñichinkichej. Qankunaqa mana rejsisqa lantista yupaychankichej.

DIOSPA QHELQACHISQ

⁹ Chantá qankuna suwankichej, runatataj wañuchinkichej, khuchichakunkichej, qhasillata tilunkichej, Baal lantiman inciensota q'oshñichinkichej, mana rejsisqa lantikunatapis yupaychallankichejtaj.

Jeremías 7:9 ပူးပေါင်းရင်းမြစ်များ

1 Reyes 18:21

Chantá Eliasqa tukuy runaman chimpaykuspa, nerqa: Mayk'ajkamataj iskayrayaspa kankichejri? Sichus Tata Diosqa cheqa kaj Dios kanman chayqa, payta qhatiychej. Baal cheqa kaj dios kajtinrí, paypa ruwananpi kaychej, nispa. Runakunatajrí mana imatapis kuticherqankuchu.

Éxodo 20:3

Noqamanta jawa ama waj dioskuna kapusuchunchu.

Isaías 1:13

Amaña qhasi manakaj jaywanata apamuwaychejchu. Inciensoykichejpa q'oshñinta millachikuni. Killa qallariy raymi ruwasqaykichej, samarina p'unchay waqaychasqaykichejpis qhasi manakaj. Raymi ruwasqaykichejqa millay, manaña rikuyta atinichu.

Isaías 58:2

Paykunaqa sapa p'unchay mask'awanku. Kamachisqayta rejsiyta munanku, cheqanta ruwaj ayllupis kankuman jina, Diosninkoj kamachisqanta manapis saqenkumanchu karqa jina. Jinallataj paykuna cheqan justiciata ruwanayta mañawanku, noqaman qayllaykamuwaspataj, kusikunku.

Jeremías 1:16

Chay jasut'i judiokunapaj kananta kamachisaj, noqata wasanchaspa saqerpariwasqankumanta. Paykunaqa inciensota q'oshñichispa, makinkuwan ruwakusqanku mana rejsisqa dioskunata yupaycharqanku.

Jeremías 11:13

Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 11:17

Tukuy Atiyniyoj Tata Diosmin, pichus kay jallp'aman churasorqachej, pay Israelpa contranpi ñak'ariykuna jamunanta kamacherqa. Israel suyupi, jinallataj Judá suyupi tiyakojkuna millay ruwasqaykichejrayku pay jasut'iykunata kachaykamonqa, imaraykuchus qankuna Baalman inciensota q'oshñichispa, Tata Diosta phiñacherqankichej.

Jeremías 13:10

Millayta ruwaj runakunaqa kamachisqayta mana uyariyta munankuchu, manachayqa k'ullukuspa, sonqonkoj yuyasqanta ruwanku. Paykunaqa waj dioskunaj qhepankuta purinku paykunaj munayninkuta ruwanankupaj, chantá yupaychanankupaj ima. Ajinata ruwasqankurayku kay ismusqa chumpi jina mana imapaj walejchu kanku.

Jeremías 18:15

Chaywanpis aylluy qonqarparipuwanku, jinataj qhasi manakaj dioskunaman inciensota q'oshñichinku. Paykunaqa qallariymantapacha yachachisqayta mana kasunkuchu. Chayrayku paykunaqa k'ullku ñankunata purinku, manataj jatun ñantachu.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 32:29

Caldeokuna kay llajtaman yaykuspa, ninawan jap'iykuchenqanku. Maypichus israelitakuna noqata mayta phiñachiwaspa, Baalman inciensota q'oshñichej kanku, jinataj mana rejsisqa dioskunaman vinota jaywaj kanku, chay wasikunatapis ruphaykuchillanqankutaj.

Jeremías 44:3

Chay karqa paykuna mana allinta ruwasqankurayku. Paykunaqa waj dioskunata yupaychaspa, inciensota q'oshñichispa ima phiñachiwarqanku, mayqenkunatachus mana ñawpa tataykichejkuna nitaj qankunapis rejserqankichejchu, chay lantikunaman.

Jeremías 44:8

Imaraykutaj millayta ruwasqaykichejwan phiñachiwankichej, Egiptopi kay waj dioskunaman inciensota q'oshñichispari? Chayta ruwaspaqa, qankunapis chinkachisqa kanallaykichejpajtaj mask'akushankichej. Chay kajtin, tukuypa rikunanta maldicisqa kankichej, tukuy suyu ukhupitaj k'umuykachachisqa kankichej.

Jeremías 44:9

Ñawpa tataykichejkunaj tukuy millay ruwasqankuta qonqapunkichejñachu? Judata kuraj kamachejkuna, chantá qoyankupis mana allin ruwasqankuta, jinallataj qankuna, warmiykichejpis tukuy Judá suyupi, jinataj Jerusalenpa callenkunapipis millay ruwasqaykichejta qonqapunkichejñachu?

Jeremías 48:35

Tata Dios nillantaj: Noqaqa Moabmanta runakunata chinkachisaj, imaraykuchus paykuna orqo patapi lantinkuman uywa ñak'asqa q'olachinata jaywanku, inciensotapis diosninkukunaman q'oshñichinku.

Jeremías 5:2

Paykuna llullakuspa, tilunku: Tata Diospa sutinrayku tiluni, nispa, nitaj nisqankuta junt'ankuchu, nispa.

Jeremías 5:7

Tata Dios nillantaj: Israel, imaynatataj kay jina juchallisqaykita pampachasajri? Wawaykikunaqa saqerpariwanku, qhasi manakaj diosninkukunaj sutinraykutaj tilunku. Noqaqa sajsakunankukama paykunata mikhucherqani. Chaywanpis paykuna wasanchawarqanku, tukuyninkutaj, maypichus phisu warmikuna sayanku, chay wasiman rerqanku.

Jeremías 7:6

Amallataj chawpiykichejpi tiyakoj waj llajtayojkunata, nillataj wajcha wawakunata, warmisapata ima ñak'arichiychejchu. Jinallataj kay cheqapi mana juchayoj runakunata ama wañuchiychejchu. Amallataj waj dioskunata yupaychaychejchu, imaraykuchus imatachus ruwasqaykichejqa qankunallapajtaj mana allinchu kanqa.

Ezequiel 18:18

Tatanrí runa masinta ñak'aricherqa, suwakorqa, runakuna ukhupitaj mana allin imakunata ruwarqa. Chayrayku pay millayta ruwasqanmanta wañonqapuni.

Ezequiel 20:30

Chayrayku israelitakunaman niy: Tukuyta Kamachej Tata Dios nisunkichej: Qankunapis ñawpa tataykichej jinachu ch'ichichakuyta munankichej? Noqamanta karunchakuspa, millay lantikunata yupaychaspa khuchichakuytachu munankichej?

Ezequiel 23:39

Maypachachus wawankukunata q'olachispa lantinkukunaman jaywarqanku, chay kikin p'unchayllapitaj noqapaj t'aqasqa cheqaman yaykuspa, Temployta ch'ichicharqanku.

Ezequiel 5:11

Chantapis noqa Tukuyta Kamachej Tata Dios tiluspa nini: Noqapaj t'aqasqa Temployta chhika millayta ruwaspa ch'ichichasqaykichejrayku qankunata qhesachasqaykichej. Manataj saminchasqaykichejchu, nitaj khuyakusqaykichejchu.

Oseas 2:13

13 (15) Payqa lantikunata yupaychaspa, inciensota q'oshñicherqa. Chantá jaluchukunawan, walqakunawan ima t'ikanchaykukuspa, waynankunaj qhepanta rerqa. Noqarí, mashkha kutitachus pay noqamanta qonqaspa, chayta ruwasqanman jina payta jasut'isaj. Noqa Tata Diosmin chayta nini.

Oseas 6:9

Sacerdotekunapis wateqaj suwakuna kankuman jina, Sichem llajtaman rina ñanpi wateqaspa, runata wañuchinku. Chay jinata ruwasqankoqa p'enqaymin.

Amós 4:5

Pachis nispa, jaywanata jina mana levadurayoj t'antata q'olachiychej. Sonqomanta munaspa, jaywanata apamusqaykichejmantapis tukuyman willaramuychej. Chayta ruwaspa, manchayta kusikunkichej, icharí? Noqa Tukuyta Kamachej Tata Diosmin chayta nini.

Sofonías 1:5

Chantá pikunachus wasi patapi kaj patioman wicharispa ch'askakunata yupaychajkunata chinkachisaj. Jinallataj pikunachus ujllapi noqaj sutiypi, jinataj Milcón diosninkoj sutinpipis qonqorikuspa tilojkunatapis chinkachillasajtaj.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Romanos 2:2

Aswanpis yachanchej Diospa juicionqa millayta ruwajkunaj contranpi cheqa kajman jina kananta.

Deuteronomio 32:17

Diosman uywata ñak'aspa jaywanankutaqa, supaykunallaman jaywarqanku. Mana jayk'aj rejsisqanku dioskunaman, chaypachalla ruwasqa dioskunaman, tatankoj ni jayk'aj yupaychasqanku lantikunaman jaywarqanku.

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

Jueces 5:8

Israelitakuna waj dioskunata ajllakojtinkoqa, llajta punkunejpi maqanakoqa kallarqapuni. Tawa chunka waranqa israelitakuna ukhupeqa mana karqachu ni uj jark'akuna escudo, nitaj uj t'ojsina lanzallapis.