Jeremías 7:23 - DIOSPA QHELQACHISQAN DEUTEROCANONICAL

²³ Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Qheshwa Biblia DC

²³ Imatachus kamacherqani chayta kasunallawankuta; jinamantataj noqa Diosniykichej kanaypaj, qankunatajrí ayllusniy kanaykichejpaj. Nillarqanitaj: Qankunachus allin munasqay ñanta rikuwajchej chayqa, allinmin qankunata risonqachej.

DIOSPA QHELQACHISQ

²³ Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Jeremías 7:23 ပူးပေါင်းရင်းမြစ်များ

Job 36:11

Sichus Diosta kasukunku, k'umuykunkutaj chayqa, kusiy kawsayta rikonqanku, wañupunankukamataj kusisqa kanqanku.

Salmos 119:3

Diosta kasojkunaqa millay kajta mana ruwankuchu, manachayqa Tata Diospa yachachisqanta kasuspa purinku.

Salmos 40:6

6 (7) Qanqa uywa ñak'asqa q'olachinata mana munankichu, nitaj ch'aki mikhuy jaywanatapis. Mana uywa ñak'asqa q'olachisqata mañakorqankichu, nitaj jucha pampachanapaj uywa ñak'asqa jaywanatapis. Aswanpis ninriyta uyarinaypaj kichariwarqanki.

Salmos 81:13

13 (14) Aylluychus uyariwanman karqa chayqa, Israeltajchus nisqayman jina purinman karqa chayqa,

Éxodo 15:26

Chantá Tata Dios paykunaman nerqa: Sichus Tata Diosniykichej parlasqanta tukuy sonqo uyarinkichej, ñawpaqenpitaj cheqanta ruwankichej, chantá kamachisqantataj kasunkichej chayqa, Egipto llajtayojkunaman kachaykorqani, chay onqoykunata mana qankunaman kachaykamusqaykichejchu. Noqa Tata Diosmin qhaliyachisojniykichej kani, nispa.

Éxodo 16:32

Chaymanta Moisés israelitakunata nerqa: Tata Dios ajinata kamachin: Maná nisqata iskay kilota waqaychaychej, wawaykichejkuna yachanankupaj Egiptomanta qankunata orqhomushaspa, ima t'antatachus mikhuchisqayta, nispa.

Isaías 3:10

Cheqanta kawsaj runakunata niychej, paykunata tukuy imapi allin rinanta, imaraykuchus ruwasqankuman jina Tata Dios paykunaman kutichiponqa.

Jeremías 11:4

Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Jeremías 11:7

Maypachachus ñawpa tataykichejkunata Egiptomanta orqhomorqani, chaymantapacha kunankama paykunaman mayta nerqani: Kasuwaychej, nispa.

Jeremías 13:11

Imaynatachus pipis chumpinta ñañu wasanman mat'iykukun, ajinallatataj Israel aylluywan, Judá aylluywanpis ruwarqani, noqaman sumaj ujchasqa kanankupaj. Ajinata ruwarqani aylluy kanankupaj, sutiyta jatunchaj kanankupaj, yupaychasqa, jatunchasqataj kanaypaj. Chaywanpis, mana kasuwarqankuchu. Ajinata Tata Dios nin.

Jeremías 22:21

Tukuy ima allillanraj rishasojtin, parlapayarqayki, qantajrí mana uyariwayta munarqankichu. Qanqa wayna kasqaykimantapacha ajinapuni karqanki. Nisqaytataj manapuni uyariyta munarqankichu.

Jeremías 22:3

Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Jeremías 24:7

Jinallataj allin yuyayta paykunaman qosaj, noqa Tata Dios kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus paykuna tukuy sonqowan kutimpuwanqanku.

Jeremías 31:33

Aswan qhepamanrí Israelwan tratota ruwasaj, chay tratotaj kay jina kanqa: Kamachisqayta yuyayninkuman churasaj, sonqonkupitaj qhelqaykusaj. Noqa Diosninku kasaj, paykunataj aylluy kanqanku. Noqa Tata Diosmin chayta nini.

Jeremías 32:23

Paykunataj qosqayki jallp'aman yaykuspa, dueñochakorqanku. Chaywanpis mana kasusorqankuchu nitaj kamachisqaykita junt'arqankuchu. Manallataj paykuna kamachisqaykita ruwarqankuchu. Chayraykumin kay tukuy ñak'ariykunata paykunaman kachaykamorqanki.

Jeremías 38:20

Jeremiasrí kuticherqa: Mana judiokunaj makinman chayankichu. Tata Diospa nisqanta willasusqayta kasuy. Ajinamanta allinmin risonqa, manataj wañunkichu.

Jeremías 42:6

Tata Diospa nisqan allinpis kachun manapis, nisqanta kasusqaykupuni, pimanchus parlanaykita nerqayku, chayta, jinamanta allin rinawaykupaj, nispa.

Sofonías 3:2

Tata Diospa parlasqanta mana uyariyta munarqankuchu, nitaj k'amisqantapis jap'ikorqankuchu. Tata Diospi mana atinikorqankuchu, nitaj payman chimpaykorqankuchu.

Zacarías 6:15

Chantá runakuna karumanta jamonqanku Tata Diospa Templonta ruwayta yanapanankupaj. Jinamanta yachankichej Tukuy Atiyniyoj Tata Dios qankunaman kachamuwasqanta. Chay tukuy imataj kanqa, maypachachus qankuna Tata Diosniykichejpa nisqanta uyarinkichej, kasunkichejtaj, chaypacha.

Zacarías 7:7

Manachu Tata Dios ñawpa sut'inchajkunaman kikillantataj nerqa, maypachachus Jerusalén ashkha runayoj llajta karqa, manataj ni ima ch'ajwapis karqachu Judea jap'iypi kaj llajtakunapi, Neguevpi, chantá Sefela pampakunapipis, chaypacha? nispa.

Romanos 16:26

Chay willayqa Diosmanta sut'inchajkunaj qhelqasqankupi rejsichisqaña karqa, wiñaypaj kawsaj Diospa kamachisqanman jina. Kunantajrí chay pakasqa yachayqa rejsichisqaña runakuna jap'ikunankupaj, kasunankupajtaj.

2 Corintios 10:5

Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.

Deuteronomio 11:27

Allin risonqachej sichus Tata Diosniykichej kamachisqanta kunan qoshaykichej, chayta kasunkichej chayqa.

Deuteronomio 13:4

4 (5) Qankunaqa Tata Diosniykichejta qhatikuspa, payllata yupaychaychej. Kamachisqanta junt'aychej, paypa nisqantataj uyariychej. Payllaman k'askakuychej, amataj payta wasanchaychejchu.

Deuteronomio 13:5

5 (6) Chay sut'inchajta, chayrí mosqoykunamanta willajtaqa wañuchinkichej, Tata Diosniykichejpa contranta ruwanaykichejta yuyaychasqanrayku. Qankuna Egiptopi wata runa kashajtiykichej, Tata Diosniykichejqa preciota pagaspa kacharichisorqachej. Chay runatajrí, Tata Diospa kamachisqanta mana kasunaykichejta yuyaychaspa, Diosmanta karunchakunaykichejta munarqa. Ajinata ruwaspa, qankuna ukhumanta chay mana allin kajta chinkachinkichej.

Deuteronomio 30:2

Chantá sichus qanwan, churiykikuna ima Tata Diosman kutirikunkichej, tukuy sonqowan, tukuy almataj payta kasunkichej, imaynatachus kunan kamachishaykichej ajinata chayqa,

Deuteronomio 30:20

Jinallataj Tata Diosniykichejta munakuychej, kasuychej, chantá payta mana wasanchaspa qhatikuychej ima. Ñawpa tataykichej Abrahamman, Isaacman, Jacobman ima Tata Dios tiluspa qonanta nisqan jallp'api unayta kawsanaykichejpajqa, qankunamantamin kashan, nispa.

Deuteronomio 30:8

Qankunaqa Tata Diosman kutirikunkichej, kunan kamachishaykichej, chaykunata kasuspataj, junt'ankichej.

Deuteronomio 4:10

Sinaí orqopi Diosniykichejpa ñawpaqenpi kashajtiykichej, Tata Dios niwarqa: Nisqayta uyarinankupaj israelitakunata tantay. Chantá kawsanankukama noqata manchachikuwaspa puriyta yachanqanku, jinallataj wawankutapis noqata manchachikuspa kawsayta yachachenqanku, nispa.

Deuteronomio 4:40

Kunan p'unchay kay kamachisqaykunata, yachachiykunata ima qoshaykichej, chayta junt'aychej. Kasojtiykichej, qankunata, jinallataj mirayniykichejtapis allin risonqachej. Tata Diosniykichej wiñaypaj qosonqachej, chay jallp'apitaj unayta kawsankichej, nispa.

Deuteronomio 5:16

Tata Diosniyki kamachisusqanman jina, tataykita, mamaykitapis jatun respetowan qhawakunki. Ajinata ruwanki chayqa, Tata Diosniyki jallp'ata qosonqa chaypitaj unayta kawsanki, chantá allillan risonqa.

Deuteronomio 5:29

Mayta munayman ajinallatapuni yuyanankuta, noqatataj yupaychanawankuta, kamachisqaytapis sapa p'unchay kasunankuta. Ajinata ruwaspa, paykuna jinataj wawankupis wiñaypaj kusiy kawsayta rikonqanku.

Deuteronomio 5:33

Qankunaqa Tata Diosniykichejpa kamachisusqanta kasuspa, allinta puriychej, Tata Dios qosonqachej chay jallp'api unayta kawsakunaykichejpaj, chantá allin rinasuykichejpaj.

Deuteronomio 6:3

Chayrayku ari, israelitakuna, kasukuspa ruwaychej. Uyarikunkichej chayqa, lechewan, abeja misk'iwan yaku jina purishaj chay jallp'api allin risonqachej, ashkhatataj mirankichej, ñawpa tataykichejkunaj Tata Diosnin nisusqanman jina.

Hebreos 5:9

Ajinamanta Cristo Diospa tukuy kamachisqanta junt'asqanrayku, Dios payta churarqa ajinamanta payta kasojkunaman wiñay kawsayta qonanpaj.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.