Jeremías 3:23 - DIOSPA QHELQACHISQAN DEUTEROCANONICAL

²³ Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Qheshwa Biblia DC

²³ Cheqamanta mana imapaj allinchu karqa orqo puntasman wicharisqaykoqa, nitaj chay orqospi qhaparqachasqaykupis. Señor Diosnillaykupimin Israelqa salvacionta tarin.

DIOSPA QHELQACHISQ

²³ Cheqapuni qhasi kasqa orqo pataman lantikunata yupaychaj wicharisqaykoqa, jinallataj orqokunapi qhaparqachasqaykupis. Diosniyku Tata Diosllamin Israel suyuta yanapawasqayku.

Jeremías 3:23 ပူးပေါင်းရင်းမြစ်များ

Salmos 3:8

8 (9) Tata Diosníy, qanllamin yanapawayta atinki. Aylluykitataj saminchay ari.

Salmos 62:7

7 (8) Qhespichisqa kanay, waqaychasqa kanaypis Diosllapi. Payllamin pakakunay chhanka, waqaychawajniypis.

Proverbios 21:31

Runaqa maqanakuman rinanpaj caballonta wakichin. Maqanakupirí Tata Dioslla pitapis yanapan atipananpaj.

Isaías 10:20

Chaypacha Israelpi pisi qhepakojkunaqa, Jacobpa mirayninmanta puchoj israelitakuna manaña paykunata ñak'arichejpichu atinikonqanku, manachayqa israelitakunaj May Llimphu Kaj Tata Diospi tukuy sonqo atinikonqanku.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Isaías 43:11

Noqamin Tata Dios kani, noqamanta jawataj mana waj qhespichejpis kanchu, nispa.

Isaías 44:9

Lantikunata ruwajkuna qhasi manakaj kanku, may jina munasqa ruwasqankupis qhasi manakajlla. Chaykunata yupaychajkunaqa ñawsa kanku, nitaj imatapis yachankuchu. Chayrayku p'enqachisqa kanqanku.

Isaías 45:15

Cheqapuni Israelpa Diosnin kanki, qhespichej Diostaj. Qanqa mana rikukoj Dios kanki.

Isaías 45:17

Tata Dios israelitakunata wiñaypaj qhespichenqa. Paykunataj manaña jayk'ajpis p'enqachisqachu nitaj k'umuykachachisqachu kanqanku.

Isaías 45:20

Tantakuspa, kayman jamuychej. Tukuy suyupi wañuymanta llusp'ejkuna qayllamuwaychej. K'ullumanta ruwasqa lantikunata oqharispa apajkunaqa imatachus ruwashasqankuta mana yachankuchu. Mana qhespichiyta atej diosmanta qhasillata yanapananta mañakunku.

Isaías 63:1

Pitaj Edom suyumanta jamushanri? Pitaj Bosra llajtamanta jamushan puka p'achayojri? Pitaj sumaj p'achallisqa atiyniyoj thaskejri? Chaymin noqa Tata Dios kani, pichus qhespichinapaj atiyniyoj kaspa, atipanaytapuni willani, chay.

Isaías 63:16

Qanlla tatayku kanki, tatayku Abraham mana rejsikuwajtiykupis. Ñawpa tatayku Israel mana yuyarikuwajtiykupis, qanpuni tatayku kanki, Tata Dios. Wiñaymantapacha pagaspa kacharichiwajniyku kanki.

Jeremías 14:8

Qanmin Israelpa suyakuynin kanki, ñak'arina p'unchaypitaj qhespichiwajniyku kanki. Imaraykutaj kay suyuykupi uj karu llajtayoj runa jinalla kankiri? Imajtintaj, imaynatachus ñan purej uj ch'isillata puñukoj qheparikun, ajinata qheparikunkiri?

Jeremías 17:14

Tata Dios, qan jampiway, qhaliyachisqataj kasaj. Qan qhespichiway, kacharichisqataj kasaj, imaraykuchus Tata Dios, qanllata yupaychayki.

Jeremías 17:2

Wawaykikunaqa altarninkumanta yuyarikunku, Asera lantita yupaychana k'ullumanta ima. Chaykunaqa thansarara sach'akunaj qayllanpi kashanku, chay orqokunaj patanpi ima.

Jeremías 3:6

Kuraj kamachej Josías kamachishajtin, Tata Dios nillawarqataj: Mana kasukoj Israel ayllu imatachus ruwasqanta rikunkichu? Payqa tukuy orqo patapi khuchichakunaman qokorqa, jinallataj tukuy thansarara sach'a urapipis khuchichakullarqataj.

Jeremías 31:7

Tata Dios nin: Jacobpa ayllunrayku kusikuspa takiychej. Munasqa suyurayku kusiywan qhapariychej. Yupaychaspa, kay jinata niychej: Tata Diosqa ayllunta kacharichin, Israelmanta puchojkunatataj kacharichin, nispa.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Oseas 1:7

Judá suyumantarí khuyakusaj. Tata Diosninku jina noqa paykunata kacharichisaj mana maqanakuwanchu, nitaj flechawanchu, nitaj espadawanchu, nillataj caballokunapi purejkunawanchu, nispa.

San Juan 4:22

Samaritanokunaqa pitachus yupaychasqaykichejta mana yachankichejchu. Noqaykurí pitachus yupaychasqaykuta yachayku, imaraykuchus Qhespichejqa judiokuna ukhumanta rikhurimonqa.