Jeremías 3:2 - DIOSPA QHELQACHISQAN DEUTEROCANONICAL

² Q'ara orqokunata allinta qhawariy: Mana mayqen orqo kanchu mana khuchichakusqaykeqa. Ch'innejpi Arabiamanta runakuna jina chukuykuspa, qhariykita ñan patallapi suyaj kanki. Kay suyutataj khuchichakusqaykiwan, chantá millay ruwasqaykiwan ima qhenchacharqanki.

Qheshwa Biblia DC

² Lomasta allinta qhawariy: Maynejpitaj qampa qhenchachakusqayki mana kanchuri? Ch'in pampaspi árabe warmi jina chukuykuspa qharisniykita ñan cantospi suyaj kanki. Kay llajtata ch'ichichakusqasniykiwan, sajra ruwasqasniykiwantaj qhenchacharqanki.

DIOSPA QHELQACHISQ

² Q'ara orqokunata allinta qhawariy: Mana mayqen orqo kanchu mana khuchichakusqaykeqa. Ch'innejpi Arabiamanta runakuna jina chukuykuspa, qhariykita ñan patallapi suyaj kanki. Kay suyutataj khuchichakusqaykiwan, chantá millay ruwasqaykiwan ima qhenchacharqanki.

Jeremías 3:2 ပူးပေါင်းရင်းမြစ်များ

Génesis 38:14

Jinapi Tamarqa luto p'achanta lluch'ukuspa, umanta suk'umpaykukorqa, ama pipis payta rejsinanpaj. Chantá Enayin llajtaman yaykuna punkupi tiyaykukorqa. Chayqa Timnatman rej ñanpi karqa. Tamar yacharqa Selaqa waynaña kasqanta, yachallarqataj Judaqa nisqanman jina, mana sullk'a churinwan payta casarachisqanta.

1 Reyes 11:3

Tukuyninpi warminkunaqa 700 karqanku, waj warminkunataj 300. Chay warminkunataj paypa sonqonta Tata Diosmanta karunchacherqanku.

2 Reyes 23:13

Ajinallatataj kuraj kamachej Josiasqa Jerusalén llajtaj chimpanpi orqo patapi altarkunatapis millachikunaman tukuchillarqataj. Chantá Olivoyoj orqoj pañannejpi kaj altarkunapis millachikunaman tukuchillarqataj. Chay altarkunata Israelta kuraj kamachej Salomonqa millay lantikunata yupaychanapaj ruwachisqa, sidoniokunaj lantinku Astoretpaj, moabitakunaj lantinku Quemospaj, chantá amonitakunaj lantinku Milconpajwan ima.

Salmos 106:38

Mana juchayojkunata wañuchispa, Canaanmanta dioskunaman jaywarqanku. Chayrayku jallp'anku yawar jich'asqankuwan ch'ichichasqa karqa.

Proverbios 23:28

Chay warmeqa suwa jina wateqan, ashkha qharikunata juchallichinanpaj.

Proverbios 7:11

Payqa qhalincha mana kasukoj warmi, wasinpi mana kakuyta atej karqa.

Jeremías 12:12

Tukuy ch'in orqokunapi tukuy imata phirej wapu soldadokuna jamorqanku, imaraykuchus noqa Tata Diospa espaday tukuy runata wañurachin, kay suyoj ujnin k'uchunmanta ujnin k'uchunkama. Jinataj allin kawsay mana pipajpis kanchu.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 2:7

Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Jeremías 3:1

Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 3:13

Millay juchayoj kasqaykita reparakuy. Noqa Tata Diospa contrayta oqharikusqaykita, mana rejsisqayki qharikunawan tukuy thansarara sach'a urapi khuchichakusqaykita, kamachisqayta mana kasusqaykita ima reparakuy. Rimariy kamachisqayta mana kasusqaykita. Noqa Tata Diosmin chayta nini.

Jeremías 3:21

Ch'in orqokunapi qhaparisqanku uyarikun. Chayqa kashan khuyakuyta mañakuspa israelitakunaj waqasqanku. Paykuna cheqan ñanmanta pantaykorqanku, jinataj Diosninku Tata Diosmanta qonqaporqanku.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Jeremías 7:29

Jerusalenpi tiyakojkuna, chujchaykichejta k'utuspa, wijch'uychej. Llakiy yarawita ch'in lomakunapi takiychej, imaraykuchus Tata Dios may phiñasqa contraykichejpi kaspa, qankunata qhesachasunkichej, wijch'usunkichejtaj.

Ezequiel 16:16

Chay p'achaykikunawantaj orqokunapi yupaychana toldokunata sayacherqanki, chaykunapitaj khuchichakorqanki. Ajinata ruwana mana jayk'ajpis karqachu, nitaj kanqachu.

Ezequiel 20:28

Noqaqa tiluspa, chay cheqata paykunaman qonayta nerqani. Chayman pusaykojtiytajrí, paykunaqa tukuy orqokunata, chayrí tukuy thansa sach'akunata rikuytawan, chaypi uywa wañuchisqata q'olacherqanku, jinataj jaywanatapis jaywarqanku. Ajinata lantinkukunata yupaychaspa, mayta phiñachiwarqanku. Chayllapitaj k'achituta q'apaj inciensota q'oshñicherqanku, vinowantaj ch'allaykorqanku.

Oseas 2:5

5 (7) Mamanku khuchichakorqa. Paykunata paqarichikojqa uyanpi mana yawarniyoj jina nerqa: Rispa, mask'amusaj ñawpa qhariykunata. Paykuna mikhunata qowanqanku, linomanta, millmamanta ruwasqa p'achata ima. Sumaj q'apashaj jawinawantaj jawiykuwanqanku, chantá mayta kusichiwanqanku, nispa.

San Lucas 16:23

Chaymanta qhapaj runaj almanqa, maymanchus wañusqakuna rinku, chay ñak'ariyman chayarqa. Chantá qhawarispa, karupi Abrahamta rikorqa, Abrahampa qayllanpitaj Lazarota tiyashajta.

Deuteronomio 12:2

Chay jallp'aman yaykuspaqa, chaypi llajtayojkunaj lantinkuta, chantá yupaychananku cheqakunata phirinkichej. Jinallataj jatuchaj orqokunapi, lomakunapi, chantá thansarara sach'a urapi kajkunata ima phirillankichejtaj.