Jeremías 3:12 - DIOSPA QHELQACHISQAN DEUTEROCANONICAL

¹² Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Qheshwa Biblia DC

¹² Rispa willamuy, wichaynejman qhawaspa: Señorqa nillantaj: Noqaman kutirimuy mana kasukoj Israel. Mana phiña uyaywanchu qanta jap'isqayki, nitaj qampaj phiñakuyneyqa wiñaypajchu kashan, imaraykuchus noqaqa k'acha khuyakoj kani. Noqa Señormin niykichej.

DIOSPA QHELQACHISQ

¹² Chayrayku, wichaynejman rispa, kayta Israelman willamuy: Tata Dios nin: Noqaman kutimpuway, wasanchawaj Israel. Mana phiñasqachu qanta qhawasqayki, nitaj phiñakuyneyqa wiñaypajchu kanqa, imaraykuchus noqaqa khuyakuyniyojmin kani. Noqa Tata Diosmin chayta niykichej.

Jeremías 3:12 ပူးပေါင်းရင်းမြစ်များ

Génesis 4:7

Sichus allinta ruwawaj chayqa, mana k'umuykachaspa puriwajchu. Manachus allin kajta ruwanki chayrí, juchaqa jap'erqosunanpaj jina suyaykushasunki. Ama qanqa juchalliyta munanawan atipachikuychu, nispa.

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

2 Reyes 17:23

Chantá Tata Diosqa paymanta sut'inchajkunanejta nisqanman jina, israelitakunata ñawpaqenmanta wijch'orqa. Israelitakunaqa Asiria suyuman preso jina apasqa karqanku. Chaypitaj kunankama kashanku.

2 Reyes 17:6

Oseas jisq'on watataña kamachishajtin, Asiria suyuta kuraj kamachejqa Samariata jap'erqa, chaypi tiyakoj israelitakunatataj Asiriaman aparqa. Chaypi paykunata Jalajman, Jaborman, Gozán mayu qayllaman, medokunaj llajtankuman ima churarqa.

2 Reyes 18:1

Eláj churin Oseas Israel suyuta kinsa watataña kamachishajtin, Ajazpa churin Ezequías Judá suyuta kamachiyta qallarerqa.

2 Crónicas 29:10

Noqatajrí Israelpa Tata Diosninwan tratota ruwasaj, chay k'araj phiñakuyninta noqanchejmanta karunchananpaj.

2 Crónicas 30:9

Sichus qankuna Tata Diosman kutirikunkichej chayqa, aylluykichejkunata, wawaykichejkunata preso apajkunaqa paykunamanta khuyarikuspa, llajtankuman kutimpojta saqenqanku, imaraykuchus Tata Diosninchejqa may munakuyniyojmin, khuyakuyniyojtaj. Manataj qankunata qhesachasonqachejchu sichus qankuna payman kutiripunkichej chayqa, nispa. Ajinata kuraj kamachej Ezequías cartapi israelitakunata nerqa.

Salmos 103:17

Tata Diospa khuyakuyninrí wiñay wiñaypaj payta may jatun respetowan qhawajkunapaj. Justicianpis tukuy tiempo runakunapaj mana tukukuyniyoj

Salmos 103:8

Tata Diosqa k'acha khuyaj sonqoyoj, mana usqhayllata phiñakoj, may jina khuyakuyniyojtaj.

Salmos 103:9

Mana sapa kutichu k'amiwanchej, nitaj wiñaypajchu phiñakun.

Salmos 145:8

Tata Diosqa wawa sonqoyoj, khuyakuyniyojtaj. Mana phiñakullanchu, nitaj munakuyninpis tukukunchu.

Salmos 79:5

Tata Dios, mayk'ajkamataj phiñasqa kankiri? Celoso kayniykeqa nina jinachu k'ajarenqa?

Salmos 86:15

Qanrí, Tukuyta Kamachej Dios, khuyakoj sonqoyoj kanki, mana usqhayta phiñarparikoj, may jina munakuyniyoj, cheqa kajtaj.

Salmos 86:5

Tukuyta Kamachej Dios, qan k'acha kanki, runaj juchanta qhespichiyta yachanki, qanta wajyakojkunapajtaj jatun munakuyniyoj kanki.

Proverbios 28:13

Pichus juchanta pakajtaqa mana allinchu renqa. Pichus juchanta rimarispa saqejpatarí, juchan pampachasqa kanqa.

Isaías 31:6

Diospa ayllun israelitakuna, Tata Diosman kutirikamuychej ari, pejpa contrantachus oqharikorqankichej, chayman.

Isaías 44:22

Noqa juchaykita, contraypi oqharikusqaykita ima phuyuta jina chinkachini. Noqaman kutirikamuy, imaraykuchus noqamin pagota qospa kacharicherqayki.

Jeremías 11:6

Chantá Tata Diosqa nillawarqataj: Judá suyupi kay willayta qhaparimuy, jinallataj Jerusalén llajtapipis. Chay runakunamantaj ajinata niy: Imaynachus kay trato ruwasqa kasqanta uyariychej, chantá junt'aychejtaj.

Jeremías 12:15

Jinaytawankamataj, paykunamanta watej khuyakullasajtaj. Chantá sapa ujninkuta suyunkuman, chayaqenkuman ima kutichimusaj.

Jeremías 23:8

Manachayqa tilonqanku: Tata Diospa sutinpi tiluyku, pichus wichaynej suyumanta, chantá tukuynin waj suyukunamantapis, ch'eqerasqa kasharqanku, chay israelitakunata pusakamporqa, chayrayku, nispa. Chantá paykuna kikin suyunkupi tiyakonqanku, nispa.

Jeremías 3:1

Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 3:14

Tata Dios nillantaj: Contrayta oqharikoj churiykuna, noqaman kutirimuychej, imaraykuchus noqa qankunaj dueñoykichej kani. Noqa sapa llajtamanta ujta ajllakusaj, sapa ayllumantataj iskayta, jinaspataj, Sionman ujtawan kutichimusaj.

Jeremías 3:18

Chay p'unchay chayamojtin, Judá aylloqa Israel aylluwan khuska tantakonqa. Iskayninkutaj wichaynej suyumanta kutimonqanku, ñawpa tataykichejkunaman chayaqepaj qorqani, chay jallp'aman.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 3:5

Qanqa nishawankiraj: Phiñasqallapunichu kanki? Wiñaypajchu noqapaj phiñasqa kanki? nispa. Chayta nishawaspapis, qanqa atisqaykita millay kajta ruwashallankipuni, nispa.

Jeremías 3:7

Noqa yuyarqani chay tukuy imata ruwaytawan, watej noqaman kutimpunawanta, manataj kutimpuwarqachu. Chay ruwasqanta mana kasukoj ñañan Judapis rikullarqataj.

Jeremías 30:11

Noqa Tata Dios nillanitaj: Qankunawan kashani kacharichisunaykichejpaj, nispa. Tukuy suyukunata kantumanta tukuchisaj, mayqenkunamanchus ch'eqeracherqaykichej, chaykunata. Jinapis qankunata mana tukuchisqaykichejchu. Juchallikusqaykichejman jina jasut'isqaykichej. Mana jasut'isuspaqa manapuni saqesqaykichejchu. Noqa Tata Diosmin chayta nini.

Jeremías 31:20

Noqapaj Efrainqa munasqa waway, aswan munasqa kaj churiy. Payta kutin kutinta k'amini chaypis, manapuni paymantaqa qonqapunichu. Sonqoypis wawayan, maytataj paymanta khuyakuni. Ajinata noqa Tata Dios nini.

Jeremías 31:21

Munasqa Israel ayllúy, risqayki ñanta señalakuy. Allinta qhawarikuy purisqayki ñankunata watej tarikapunaykipaj. Kutimpuy munasqay sipas Israel, llajtaykikunaman kutimpuy.

Jeremías 31:8

Noqa paykunata wichaynej suyumanta kutichimusaj, jinallataj kay pachaj tukuy k'uchunmantapacha paykunata tantaykullasajtaj. Paykunawan lerq'okuna, wist'u chakiyojkuna, wijsallisqa warmikuna, onqokoj warmikuna ima jamonqanku. Manchay ashkhapuni kutimonqanku.

Jeremías 33:26

Kikillantataj mana jayk'ajpis Jacobpa mirayninta, nitaj kamachiy Davidpa mirayninmanta kamachinanpaj qhesachasajchu. Paykuna ukhumanta Abrahampa, Isaacpa, Jacobpa mirayninta kamachinanpaj jatarichisaj. Paykunamanta khuyakuspa, watej kay suyuman kutichimpusaj, nispa.

Jeremías 4:1

Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

Lamentaciones 3:22

Tata Diospa khuyakuynenqa mana jayk'ajpis tukukunchu, munakuyninpis mana tukukuyniyojchu.

Ezequiel 11:17

Noqaj sutiypi paykunaman nillaytaj: Kay jinata Tata Dios nin: Noqa Tukuyta Kamachej Tata Diosmin paykunata tantaykamusaj waj suyukunamanta, karu llajtakunamanta ima, maykunamanchá paykunata ch'eqeracherqani, chaykunamanta. Israelitakuna, qankunata tantaykamuspa, suyuykichejta kutichipusqaykichej.

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Ezequiel 39:25

Chayrayku noqa Tukuyta Kamachej Tata Dios nillanitaj: Kunanqa Jacobpa mirayninta kutichimpusaj. Israel ayllumantaqa tukuyninkumanta khuyakusaj, manataj may llimphu sutiyta ch'ichichanankuta saqesajchu.

Oseas 6:1

Jamuychej, Tata Diosman kutirikunachej. Paymin mitharpariwarqanchej, jinapis payllataj jampikapuwasunchej. Pay k'iriwarqanchej chaypis, payllataj qhaliyachiwasun.

Levítico 26:40

Chaypacha qankuna, jinataj tataykichejkuna millayta ruwaspa purisqaykichejta rimarinkichej, wasanchawaspa noqaman sayaykuwasqaykichejtapis.

Zacarías 1:4

Ama ñawpa tataykichejkuna jina kaychejchu. Noqamanta ñawpa sut'inchajkunaqa paykunata sutiypi nerqanku: Millay kawsayta saqeychej, mana allin kajta ruwanamantataj t'aqakuychej, nispa. Paykunatajrí mana uyariwarqankuchu nitaj nisqayta kasuwarqankuchu. Noqa Tukuy Atiyniyoj Tata Diosmin chayta niykichej.

Deuteronomio 30:2

Chantá sichus qanwan, churiykikuna ima Tata Diosman kutirikunkichej, tukuy sonqowan, tukuy almataj payta kasunkichej, imaynatachus kunan kamachishaykichej ajinata chayqa,