Jeremías 3:1 - DIOSPA QHELQACHISQAN DEUTEROCANONICAL

¹ Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Qheshwa Biblia DC

¹ Señorqa nin: Sichus uj qhari warminmanta t'aqakun, chay saqerpayasqa warmitaj waj qhariwanñataj tantakun chayqa, ñaupaj kaj qosanwan mana watejmanta kutinakullanqatajchu. Jina kanman chayqa, llajtantinta ch'ichichanman. Chaywampis, qanqa Israel, ashkha munasqasniykiwan qhenchachakorqanki, kunanraj noqaman kutirimuyta munashanki. Noqa Señormin chayta nini.

DIOSPA QHELQACHISQ

¹ Tata Dios nillantaj: Sichus uj qhari warminmanta t'aqakunman, chay warmitaj waj qhariwanñataj casaranman chayqa, ñawpa qosanwan manaña ujtawan casarayta atinchu. Sichus kutikapunman chayrí, tukuy runapaj p'enqay kanman. Qanrí Israel, ashkha qhariykikunawan khuchichakorqanki. Chaywanpis kunan noqaman kutirimpuyta munashankiraj. Noqa Tata Diosmin chayta nini.

Jeremías 3:1 ပူးပေါင်းရင်းမြစ်များ

Salmos 106:38

Mana juchayojkunata wañuchispa, Canaanmanta dioskunaman jaywarqanku. Chayrayku jallp'anku yawar jich'asqankuwan ch'ichichasqa karqa.

Isaías 24:5

Kay pachaqa chaypi tiyakojkunanejta ch'ichichasqa, imaraykuchus yachachisqanta mana junt'ankuchu, nitaj Tata Diospa kamachisqankunata kasunkuchu, wiñaypaj ruwasqa tratotapis p'akillankutaj.

Jeremías 2:20

Tata Dios Israelta nillantaj: Unaymantaña qanqa contraypi oqharikorqanki, manataj kasuwarqankichu. Chantá nillarqankitaj: Mana payta yupaychayta munanichu, nispa. Jinaqa tukuy orqo patapi, thansa sach'aj uranpi ima phisu warmi jina juchallerqanki.

Jeremías 2:23

Imaynatataj niyta atiwaj: Mana ch'ichichakunichu, nitaj chay qhasi manakaj dioskunata yupaychanichu, nispari? Qhawarikuy imatachus vallepi ruwarqanki, chayta. Qanqa allinta reparakuy tukuy ruwasqaykita, china camello jina usqhayta rispa maymanpis thaskiykusqallaykita.

Jeremías 2:7

Noqamin kay sumaj jallp'aman pusamorqaykichej, chaypi sumaj poqosqanmanta mikhunaykichejpaj. Qankunarí chayman yaykuytawan, jallp'ayta ch'ichicharqankichej. Millayta ruwasqaykichejwantaj kay jallp'ayta millachikunaman tukucherqankichej.

Jeremías 22:20

Qan, Jerusalén, Líbano orqoman wicharispa, qhapariy. Basán orqokunapi jatunmanta waqay. Abarín orqomantapacha qhapariy, imaraykuchus qanman tukuy sayakusqa kajkuna atipasqaña kanku.

Jeremías 3:22

Tata Diosrí paykunata nin: Mana kasukoj churikuna, noqaman kutirimpuwaychej, noqataj contrayta oqharikoj sonqollapuni kasqaykichejmanta qhaliyachisqaykichej, nispa. Qankuna niwankichej: Arí, watejmanta kutimpusqayku, imaraykuchus qanllamin Diosniyku Tata Dios kanki.

Jeremías 3:9

Israelqa imatachus ruwasqanta pujllakunata jinalla qhawaspa, tukuy suyuntinta ch'ichicharqa. Pay t'aqakuwaspa, rumikunata, k'ullukunatawan yupaychaj churakorqa.

Jeremías 31:22

Mayk'ajkamataj mana kasukoj sipas jina kayman jaqayman purinkiri? Noqa Tata Diosrí, kay pachapi mana jayk'aj rikusqaykichejta ruwani: Warmeqa qharita muyupayanqa, nispa.

Jeremías 4:1

Tukuyta Kamachej Dios nillantaj: Israel, sichus kutimpuyta munanki chayqa, noqaman kutimpuway. Chay millay lantiykikunata wijch'uy, noqamantataj amaña karunchakuychu.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Lamentaciones 1:2

Jerusalén llajta runa jina tukuy tuta sonqo nanayta waqan, waqayninpis uyanta sururin. Waynankunamanta ni mayqen sonqochaykurej kanchu. Tukuy kawsaqenkuna wasancharqanku, awqanmantaj tukorqanku.

Ezequiel 16:26

Qayllaykipi kajkunawan mayta khuchichakorqanki, Egipto llajtayoj qachilo qharikunawan. Astawan, astawan khuchichakuspataj, mayta phiñachiwarqanki.

Ezequiel 16:30

Noqa Tukuyta Kamachej Tata Dios nini: Sonqoykiwan apachikojlla kasqaykirayku, mana p'enqakuyniyoj phisu warmi jina purerqanki.

Ezequiel 16:35

Chayrayku qan, phisu warmi, Tata Diospa nisqanta uyariy:

Ezequiel 33:11

Chayrayku paykunata niy: Noqa Tukuyta Kamachej Tata Dios sutiyrayku tiluspa nini: Mana munanichu mana allinta ruwaj runa juchanrayku wañunanta. Astawanpis munani millay ruwananmanta kutirikuspa, kawsananta. Israelitakuna, millay kawsayniykichejmanta kutirikamuychej. Imaraykutaj qankuna wañuyta munankichejri? nispa.

Oseas 1:2

Tata Diosqa Israel suyuman Oseasnejta parlayta qallarispa, kay jinata nerqa: Israel suyoqa noqamanta t'aqakuspa, khuchichakun. Ajinallataj qanpis riy warmillikamuy uj khuchi warmiwan, chay warmipi wawayojtaj kay, jinamanta khuchichakoj warmej wawankuna nisqa kanankupaj, nispa.

Oseas 2:2

2 (4) Chaywanpis Tata Dios nin: Israel mamaykichejta uyanpi nipuychej, imaraykuchus payqa manaña warmiychu, nitaj noqapis qosanñachu kani. Pay saqechun ujwan ujwantaj khuchichakuyta, jinallatataj amaña waj qharikunawan puñuykuchunchu.

Miqueas 2:10

Chayrayku jatarispa, puririychej, kayqa mana samarikunaykichej cheqañachu. Kay cheqaqa juchawan ancha ch'ichichasqa, chayraykutaj chinkachisqa kanqa.

Zacarías 1:3

Chayrayku, kunan Israel aylluman kay jinata willay: Kutirikamuwaychej, noqapis qankunaman kutirikamusaj, nispa, nisunkichej Tukuy Atiyniyoj Tata Dios.

San Mateo 5:31

Ajinallatataj ñawpajta kamachisqa karqa: Pillapis warminmanta t'aqakojqa t'aqanakuy papelta qopuchun, nispa.

Deuteronomio 22:21

tatanpa wasinmanta jawaman orqhospa, llajtanmanta qharikuna rumiwan ch'anqaykuspa chay warmita wañuchenqanku, chay jina millayta Israel ukhupi ruwasqanrayku, chantá ayllunta p'enqaypi rikhurichisqanraykutaj. Ajinata ruwaspa, qankuna ukhumanta chay jina millay ruwanata chinkachinkichej.

Jueces 19:2

Chantá chay warmi phiñakuspa riporqa Judapi Belén llajtaman tatanpa wasinman, tawa killatataj chaypi qhepakorqa.