Jeremías 22:3 - DIOSPA QHELQACHISQAN DEUTEROCANONICAL

³ Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Qheshwa Biblia DC

³ Kay llajtapi ruwaychej allin kajta, cheqan kajtataj. Chay ñak'arejkunata sajra runaspa ñaupaqenmanta kacharichiychej, ama k'umuykachachiychejchu, nitaj ñak'arichiychejchu waj llajtayojkunata, Amataj wajcha wawasta, warmi sapastapis. Ama wañuchiychejchu mana juchayoj runastaqa.

DIOSPA QHELQACHISQ

³ Tata Dios nin: Kay llajtapi justiciata ruwaychej, cheqan kajtataj. Ñak'arichisqa kajkunata runaj yawarninta ch'onqaspa kawsajkunaj makinkumanta kacharichiychej. Chantá waj llajtayoj runakunata, wajcha wawakunata, warmisapakunata ima ama k'umuykachachiychejchu, nitaj ñak'arichiychejchu. Amataj mana juchayoj runakunata wañuchiychejchu.

Jeremías 22:3 ပူးပေါင်းရင်းမြစ်များ

2 Samuel 23:3

Israelpa Diosnin parlarqa, Israelpa waqaychajnintaj niwan: Pichus cheqanta ruwaspa runakunata kamachin, pichus Diosta manchachikuspa kamachej,

2 Reyes 24:4

Chayrayku Tata Diosqa Judá suyuta manapuni qhespichiyta munarqachu, Jerusalenpi ashkha mana juchayojkunata Manasés wañuchichisqanrayku.

Job 22:9

Warmisapakunata ch'usaj makillata kachapoj kanki. Wajcha wawakunamantapis tukuy imankuta qhechuraj kanki.

Job 24:9

Millayta ruwajkunaqa warmisapakunaj wawankuta paqarejtinkama qhechunku. Pisi tiyapuyniyojkunaj wawankuta prendata jina jap'inku.

Salmos 68:5

5 (6) Ajllakusqan wasipi tiyakoj Diosqa mana tatayoj mana mamayoj wawakunaj tatanku, warmisapakunaman kutikojtaj.

Salmos 82:4

Pisi kallpayojkunata kacharichiychej. Pisichikojkunatapis librallaychejtaj, millayta ruwajkunaj makinmantataj jark'aychej.

Salmos 94:21

Jinallataj cheqan runaj contranpi oqharikunku, mana juchayoj runatataj wañuchisqa kananpaj juchachanku.

Salmos 94:6

Warmisapakunata, waj llajtayojkunatawan ima wañurachinku, jinallataj wajcha wawakunatapis.

Éxodo 22:21

21 (20) Waj llajtayojtaqa ama ñak'arichinkichejchu, nitaj waqachinkichejchu, imaraykuchus qankunapis Egipto suyupi waj llajtayoj jina karqankichej.

Éxodo 22:22

22 (21) Ama warmisapakunata nitaj wajcha wawakunatapis waqachinkichejchu.

Proverbios 23:10

Ama ñawpa mojonkunata suchuchinkichu, nitaj wajcha wawakunaj jallp'ankumanpis yaykukapunkichu.

Proverbios 6:17

May kasqankuta yuyakoj runakunata, llullakuspa parlajkunata, mana juchayojta wañuchejkunata ima.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Isaías 58:6

Manachu yachankichej imayna ayunotachus munasqayta? Noqa munani qankuna manakajmanta ñak'arichisqa kajkunata kacharichinaykichejta, yugopi watasqa jina runakunatataj phaskaranaykichejta. Munallanitaj llakichisqa kajkunata kacharinaykichejta, kallpankupi atinikuspa ñak'arichej runakunatataj chinkachinaykichejta.

Isaías 58:7

Munani yarqhasqakunaman mikhunaykichejmanta jaywarinaykichejta, mana wasiyojkunatataj wasiykichejman wajyarikunaykichejta. Munallanitaj mana p'achayojkunata p'achallichinaykichejta, pisichikoj runa masiykichejmantapis ama pakakunaykichejta.

Jeremías 19:4

Chayta ruwasaj, imaraykuchus qankuna saqerpariwarqankichej, kay cheqatataj millachikunayman tukucherqankichej. Kaypi dioskunaman inciensota q'oshñicherqankichej, mayqenkunatachus mana tataykichejkuna, ni qankuna, nitaj Judamanta kuraj kamachejkuna rejserqankuchu, chaykunaman. Chantá kay cheqapi mana juchayoj runakunata wañuchillarqankichejtaj.

Jeremías 21:12

Qankuna kuraj kamachej Davidpa miraynin, Tata Diospa nisqanta uyariychej: Sapa p'unchay justiciata ruwaychej, jinallataj ñak'arichisqa kajkunata kacharichiychej runaj yawarninta ch'onqaspa kawsajkunamanta. Pajtataj millayta ruwasqaykichejrayku phiñakuyniy nina jina jap'iykukunman, manataj pipis thasnuyta atishanmanchu, nispa.

Jeremías 22:17

Qanrí, Joacín, mana allinta ruwaspa qolqe jap'inallamanta wañushanki. Mana juchayojkunata wañuchinki, mana pagaspa runaykikunatapis ñak'arichinki, nispa.

Jeremías 26:16

Chantá kurajkuna, tukuy runakuna ima sacerdotekunata, jinataj sut'inchajkunata ima nerqanku: Kay runata wañuchinapaj jina mana ima juchanpis kanchu. Payqa Diosninchej Tata Diospa sutinpi parlawarqanchej, nispa.

Jeremías 5:28

Paykunaqa sumaj wira llusq'olla karishanku. Chay millay ruwasqankoqa yupay mana atina. Mana piniyoj wajcha wawakunata mana qhawarinkuchu, nitaj wajcha runakunaman sayakunkuchu justiciata ruwanankupaj.

Jeremías 7:23

Manachayqa kayta paykunaman kamacherqani: Noqata kasuwaychej. Sichus kasuwankichej chayqa, noqa Diosniykichej kasaj, qankunataj aylluy kankichej. Qankuna kamachisqayman jinapuni puriychej allin risunaykichejpaj, nispa.

Jeremías 9:24

24 (23) Sichus pipis runaykachayta munanman chayqa, noqata rejsiwasqanmanta, kasuwasqanmanta ima runaykachachun. Noqa Tata Dios pichus kasqayta yachachun. Noqaqa kay pachapi imatapis ruwani khuyakuywan, justiciawan, cheqa kaywantaj, imaraykuchus chaymin sonqoyta kusichin. Noqa Tata Diosmin chayta nini.

Lamentaciones 3:36

Tata Dios nillataj walej ninchu, pikunachus justiciata q'ewinku, chaykunata.

Ezequiel 18:12

Wajcha runakunata, pisi tiyapuyniyojkunata ima ñak'arichinman, suwakunman, manachayrí manumanta ima jap'isqantapis mana kutichipunmanchu. Lantikunatapis yupaychanman, millaytaj ruwanman.

Ezequiel 18:7

Mana pitapis ñak'arichinchu. Manukojman prenda saqesqanta qopun, manataj pimantapis suwanchu. Yarqhachikojman mikhunata qon, mana p'achayojtataj p'achallichin.

Ezequiel 22:7

Jerusalén llajta, qanpi tiyakojkunaqa tatankuta, mamankutapis pisipaj qhawanku. Karu llajtayoj runakunatapis ñak'arichinku. Wajcha wawakunamanta, warmisapakunamantataj ch'uskinku.

Ezequiel 45:9

Tukuyta Kamachej Tata Dios kay jinata nin: Israelta kamachejkuna, kaykamalla kachun. Amaña mana allin kajta ruwaychejchu, nitaj kallpaman atinikuspa runakunata waqachiychejchu. Cheqan kajman jina kawsaychej, justiciatataj ruwaychej. Amaña runaykunamanta jallp'ankuta qhechuychejchu. Noqa Tukuyta Kamachej Tata Dios chayta nini.

Joel 3:19

19 (4.19) Egipto suyurí laqayallaña kanqa, Edom suyutaj ch'inman tukuchisqa kanqa, imaraykuchus paykunaqa Judapi tiyakojkunawan maqanakoj yaykorqanku, jallp'ankupitaj mana juchayojta wañucherqanku.

Levítico 19:15

Qan juez kaspaqa, cheqanta ruwanki, ama wajchaman sayakuspa, nitaj qhapajman. Justiciataqa cheqantapuni ruwanki.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Amós 5:24

Aswanpis justiciata ruwayqa yaku jina purichun, cheqan sonqo kaytaj mayupi mana tukukoj yaku jina kachun.

Miqueas 3:11

Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Miqueas 6:8

Ayllúy, Tata Dios nisunkiña imachus allin kasqanta. Payqa kayta ruwanaykita munan: Cheqan kajta ruwanaykita, khuyakuyniyoj kanaykita, chantá k'umuykukoj sonqowan payta kasunaykita ima.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

San Mateo 23:23

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa sapa chunkamanta ujta Diosman qonkichej mentamanta, anismanta, cominomanta ima. Chaywanpis kamachisqakunamanta aswan kuraj kajtarí mana kasunkichejchu. Chaykuna kanku: Cheqan kay, khuyapayakoj kay, jinallataj Diosta mana wasanchay ima. Chay kuraj kamachisqakunataqa ruwanaykichejpuni tiyan, mana chay ujkunata qonqaspa.

Deuteronomio 10:18

Payqa wajcha wawapaj, warmisapapajpis justiciata ruwan. Jinallataj waj llajtayojkunata munakuspa, p'achata, mikhunata ima paykunaman qon.

Deuteronomio 24:17

Ama waj llajtayojkunata, nitaj wajcha wawakunatapis mana allinta ruwaspa waqachinkichejchu. Amallataj warmisapamantapis p'achankuta prendata jina jap'inkichejchu.

Deuteronomio 24:7

Sichus mayqellanpis llajta masinta suwaspa, wata runa kananpaj, chayrí vendenanpaj apanman, jap'ichikunmantaj chayqa, chay runa suwataqa wañuchinkichej. Ajinata ruwaspa, chay jina millay ruwanata qankuna ukhumanta chinkachinkichej.

Deuteronomio 25:1

Sichus iskay runakuna ima jawa ch'ajwachinakunku chayqa, justiciata tarinankupaj juezkunaman richunku. Juezkuna mana juchayojta mana juchachanqankuchu, juchayojtataj juchayoj kasqanta nenqanku.

Deuteronomio 27:19

Levitakuna nillanqankutaj: Maldicisqa kachun pikunachus waj llajtayojkunaj contranpi, chayrí warmisapaj, chayrí wajcha wawakunaj contranta ima justiciata q'ewejkuna, nispa. Tukuy israelitakunataj nenqanku: Ajina kachun, nispa.

Santiago 1:27

Diospa ñawpaqenpi munasqanta ruwaspa purinaqa llimphu, mana ch'ichiyoj kanan tiyan. Chaytaj kay jina: Wajcha wawakunata khuyarina, warmisapakunata yanapana, chantá Diosman mana kutirikojkunaj millay ruwasqankuwan mana ch'ichichakuna ima.