Jeremías 20:2 - DIOSPA QHELQACHISQAN DEUTEROCANONICAL

² Chantá Pasjur Diosmanta sut'inchaj Jeremiasta seq'onankuta kamacherqa, jinallataj Diospa Templon qayllapi wichaynejpi Benjamín sutiyoj punku qayllapi cepoman churanankuta.

Qheshwa Biblia DC

² Chaypacha Pasur kamacherqa Jeremiasta maqaykunankuta, chantá uj kurkumantaj jap'iykuchimunankuta pata kaj Benjamín Punkupi, Diosta yupaychana wasej qayllannejpi.

DIOSPA QHELQACHISQ

² Chantá Pasjur Diosmanta sut'inchaj Jeremiasta seq'onankuta kamacherqa, jinallataj Diospa Templon qayllapi wichaynejpi Benjamín sutiyoj punku qayllapi cepoman churanankuta.

Jeremías 20:2 ပူးပေါင်းရင်းမြစ်များ

1 Reyes 13:4

Diosmanta sut'inchaj Betelpi altarpa contranta parlasqanta uyarispa, kuraj kamachej Jeroboanqa altarmantapacha makinta oqharispa, kamacherqa: Payta presochaychej, nispa. Chantá sut'inchajpa contranpi Jeroboán makinta oqharishajtin, makenqa kikinpi ch'akiykorqa, manañataj oqharikusqanmanta makinta aysayta aterqachu.

1 Reyes 22:27

Paykunata niychej: Ajabqa kamachisunkichej kay runata carcelman wisq'aykunaykichejta, chaypitaj uj chhika t'antallawan, pisi yakullawan ima kachinaykichejta, asiriokunawan maqanakumanta atipaspa kutimunaykama, nispa.

2 Crónicas 16:10

Chayta uyarispa, kuraj kamachej Asaqa sinch'itapuni phiñarikorqa, Jananitataj carcelman wisq'aykucherqa. Jinallatataj chay kutipeqa kamachisqan runakunamanta wakinkunata llakiyta ñak'aricherqa.

2 Crónicas 18:23

Chantaqa Quenanáj churin Sedequiasqa chimpaykuytawan, Micaiasta uyanpi laq'aspa, nerqa: Maynintataj Tata Diospa Espíritun noqamanta llojserqa qanman parlasunanpajri? nispa.

2 Crónicas 24:21

Chantá paykunaqa Zacariaspa contranpi oqharikuspa, Tata Diospa Templonpa pationpi rumiwan payta ch'anqaykorqanku, kuraj kamachej chayta kamachisqanrayku.

Job 13:27

Chakiyta cadenawan watawanki. Ñawillaykipitaj purichiwanki, maymanchus risqaytapis qhawallankitaj.

Job 33:11

Cadenawan chakiyta wataykuwan, ñawillanpi purichiwan, nispa nejta uyarerqayki.

Jeremías 1:19

Paykunaqa qanwan maqanakonqanku, jinapis mana atipasonqankuchu, imaraykuchus noqa yanapasunaypaj qanwan kasaj, nispa. Noqa Tata Diosmin chayta nini.

Jeremías 26:10

Judá ayllumanta kurajkunaqa imachus kasqanta uyarispa, kuraj kamachejpa wasinmanta Diospa Templonman rerqanku. Chaypitaj Mosoj Punku nisqapi tiyaykorqanku.

Jeremías 26:8

Tata Diospa nisqanta parlayta tukojtinkamataj, sacerdotekuna, sut'inchajkuna, tukuy llajtapi kaj runakunapis Jeremiasta jap'iytawan, nerqanku: Kunan wañunki.

Jeremías 29:26

Sacerdote Joyadáj cuentanmanta Tata Dios qanta churarqasunki, Tata Diospa Templonpi kuraj kaj sacerdote kanaykipaj. Sichus pipis uma t'ojpisqa runa sut'inchaj jina parlaj churakunman chayqa, noqa kamachiyki: Payta cepoman churay, cadenawantaj watay, nispa.

Jeremías 36:26

Aswanpis kuraj kamachejqa churin Yeramelta, Azrielpa churin Seraiasta, Abdelpa churin Selemiasta ima kamacherqa Diosmanta sut'inchaj Jeremiasta, chantá qhelqerin Baructawan jap'imunankuta. Tata Diostajrí paykunata pakaykorqa.

Jeremías 37:13

Jinapis maypachachus Benjaminpa Punkun nisqaman chayasharqa chaypacha, uj runa Irías sutiyoj chaypi kasharqa. Pay karqa Selemiaspa churin, Jananiaspa allchhin, qhawajkuna ukhumanta kuraj kaj. Chantá payqa Jeremiasta jap'ispa, nerqa: Qanqa Caldeamanta runakunaman chimpapuyta munashanki, nispa.

Jeremías 37:21

Chantá kuraj kamachej Sedequías kamacherqa Jeremías kuraj kamachejpa wasinta qhawajkunaj pationpi wisq'asqa kananta. Kamachillarqataj sapa p'unchay t'antata ruwajkunamanta payman t'antata jaywanankuta, llajtapi t'anta kanankama. Ajinata chay llajtapi t'anta tukukunankama ruwarqanku. Ajinatamin Jeremías kuraj kamachejpa wasinta qhawajkunaj pationpi qhepakorqa.

Zacarías 14:10

Chantá Jerusalenmanta uraynejpi, Gebamanta Rimonkama tukuy kay suyu pampaman tukonqa. Jerusalén llajta may uyarisqa kanqa, chaynejpitaj runakuna Benjamín Punkumantapacha Esquina Punku nisqakama tiyakonqanku, maypichus ñawpa punku karqa, chaykama. Jinallataj tiyakonqanku Jananelpa Torrenmantapacha kuraj kamachejpata uva sarunan cheqakama.

San Mateo 21:35

Chay llank'ajkunarí, kamachikunata jap'iytawan, ujninta maqaykusqanku, ujnintataj wañuchisqanku, ujnintataj rumiwan ch'anqaykusqanku.

Hechos 4:3

Chayrayku Jesuspa chay kuraj kachankunata jap'ispa, q'ayantinkama carcelman wisq'aykucherqanku, ch'isiña kasqanrayku.

Hechos 5:18

Jinataj Jesuspa kuraj kachankunata jap'ichiytawan, carcelman wisq'aykucherqanku.

Hechos 5:40

Chantá tukuyninku Gamalielta kasorqanku. Jinataj Jesuspa kuraj kachankunata wajyaspa, jasut'icherqanku, paykunatataj kamacherqanku Jesuspa sutinpi amaña parlanankuta. Chaymantataj paykunata kachariporqanku.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

Apocalipsis 17:6

Repararqanitaj chay warmeqa Diospa ajllakusqankunaj yawarninkuwan, chantá Jesusmanta willajkunaj yawarninkuwan ima machasqa kasqanta. Payta rikuspa, noqa maytapuni t'ukorqani.

Apocalipsis 2:10

Chaywanpis imatachus ñak'arinaykimanta ama manchachikuychu, imaraykuchus Kuraj Supay qankunamanta wakinta wisq'achenqa, cheqatapunichus noqapi atinikusqaykichejta yachananpaj. Chaypacha, chunka p'unchayta ñak'arichisqa kankichej. Qanrí wañunaykikama kasuwaspallapuni puriy, noqataj wiñay kawsayta t'inkata jina qosqayki.