Jeremías 2:30 - DIOSPA QHELQACHISQAN DEUTEROCANONICAL

³⁰ Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Qheshwa Biblia DC

³⁰ Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

DIOSPA QHELQACHISQ

³⁰ Qhasillata wawaykichejta jasut'erqani, ni chaywanpis wanarqankuchu. Qankuna kikiykichej phiña leonkuna jina noqamanta sut'inchajkunata wañucherqankichej.

Jeremías 2:30 ပူးပေါင်းရင်းမြစ်များ

1 Reyes 19:10

Paytaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan tratota ruwasqaykita wasanchaspa, altarniykita urmarachinku. Qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 19:14

Eliastaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan trato ruwasqaykita saqerparinku. Altarniykita urmachinku, qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

2 Crónicas 24:21

Chantá paykunaqa Zacariaspa contranpi oqharikuspa, Tata Diospa Templonpa pationpi rumiwan payta ch'anqaykorqanku, kuraj kamachej chayta kamachisqanrayku.

2 Crónicas 28:22

Chay jina llakiywan ñit'isqa kashaspapis, Ajazqa Tata Diosta wasancharqa, contranpitaj juchallillarqapuni.

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Nehemías 9:26

Chaywanpis, Tata Dios, paykunaqa mana kasukojkuna karqanku. Contraykipi oqharikorqanku, kamachisqaykitataj qhesacharqanku. Chantaqa sut'inchajniykikunata wañucherqanku uyankupi qanman kutirikamunankuta k'amisqankurayku. Chaymantataj aswan millayta ruwaspa, sonqoykita nanachisorqanku.

Isaías 1:5

Tata Diospa contranpipuni oqharikuyta munajkuna, imajtintaj ñak'arichisqallapuni kayta munankichejri? Tukuy umaykichejqa k'irisqa, tukuy ukhuykichejpis nanasqa.

Isaías 59:3

Qankunaj makiykichejqa yawarlla, ruk'anaykichejpis millayta ruwanawan ch'ichichasqa kashan. Simiykichejqa llullata parlan, qalluykichejtaj millay kajllata rimarin.

Isaías 9:13

13 (12) Israelitakunarí chay jina jasut'isqa kashaspapis, Diosman manapuni kutirikorqankuchu, nillataj Tukuy Atiyniyoj Tata Diosta mask'arqankuchu.

Jeremías 31:18

Efraín aylloj kay jina waqasqanta uyarini: Noqaqa mana amansasqa torillo jina karqani. Jinapis qan kasukuyta yachachiwarqanki. Qanman kutirichiway, noqataj qanman kutirikamusqayki, imaraykuchus qanmin Diosniy Tata Dios kanki.

Jeremías 46:14

Egipto suyupi Migdol llajtapi, Menfis llajtapipis, chantá Tafnes llajtapipis kayta willaychej: Soldadokuna, maqanakupaj wakichikuychej, imaraykuchus espadaqa muyuyniykichejpi t'ustita ruwanqa.

Jeremías 5:3

Noqataj kuticherqani: Tata Dios, qan cheqanta ruwaj runata mask'ashanki. Qanqa paykunata jasut'erqanki, jinapis paykunata mana nanaykorqachu. Paykunata t'unaykorqanki, manataj cheqan ñanman kutiriyta munarqankuchu. Ancha k'ullu kanku, rumimantapis aswan chuki, manapunitaj allin ñanman kutirikuyta munarqankuchu.

Jeremías 7:28

Chayrayku paykunaman niy: Qankunamin Diosniykichej Tata Diosta mana uyarej suyu kankichej, nitaj k'amisqanta kasunkichejchu. Cheqanta parlanaqa simiykichejpi manaña kanchu, nispa.

Lamentaciones 4:13

Chay jina jasut'i Diosmanta sut'inchajkuna juchallikusqankurayku karqa, sacerdotekuna millay juchata ruwasqankurayku ima. Paykunaqa chay llajtapi mana juchayoj runakunata wañucherqanku.

Ezequiel 22:24

Runaj churin, Israelta niy: Qanqa ch'ichichasqa jallp'a kanki, ch'aki watawan jasut'isqa, mana yakuyojtaj.

Ezequiel 24:13

Jerusalén, khuchichakuspa purisqaykimanta llimphuchasuyta munarqani, qantajrí manapuni ch'ichiykimanta llimphuchakuyta munarqankichu. Kunantajrí manaraj llimphuchasqachu kanki noqa phiñakuyniyta qanpi thasnunaykama.

Daniel (hebreo) 9:13

Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Sofonías 3:2

Tata Diospa parlasqanta mana uyariyta munarqankuchu, nitaj k'amisqantapis jap'ikorqankuchu. Tata Diospi mana atinikorqankuchu, nitaj payman chimpaykorqankuchu.

San Mateo 23:29

Ay qankunamanta, puraj uya fariseokuna, Diospa kamachisqanmanta yachachejkuna ima. Qankunaqa Diosmanta ñawpa sut'inchajkunaj covachankunata sayarichinkichej. Jinallataj, cheqan kaj ñawpa runakunaj covachankunatapis k'achanchankichej.

Hechos 7:52

Diosmanta mayqen sut'inchajtataj ñawpa tatanchejkuna mana qhatiykacharqankuchu ñak'arichinankupaj? Chantá wañuchillarqankutaj pikunachus unaymantapacha willarqanku cheqan kaj runa jamunanta, chaykunata. Pay jamojtintaj, qankunaqa payta wasanchaspa wañuchillarqankichejtaj.

1 Tesalonicenses 2:15

Judiokunamanta wakinkuna Tukuyta Kamachej Jesusta wañuchisqanku, jinallatataj Diosmanta sut'inchajkunatapis. Noqaykutapis qhatiykachaspa, ñak'arichillawarqaykutaj. Paykuna mana Diospa munasqanman jinachu ruwanku, jinallataj tukuy runaj contranpi kashanku.

Apocalipsis 16:9

Runakunaqa intej sinch'i k'ajasqanwan rupharasqa karqanku. Chaywanpis paykuna mana Diosman kutirikorqankuchu, nitaj payta jatuncharqankuchu. Aswanpis Diospaj millayta rimarqanku, pichus chay ñak'ariykunata apachimunanpaj atiyniyoj karqa, chaypaj.