Jeremías 2:2 - DIOSPA QHELQACHISQAN DEUTEROCANONICAL

² Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Qheshwa Biblia DC

² Riy parlamuy Jerusalén llajtaman; Qhapariy allinta uyarinankupaj jina: Ajinata nin Señorqa: Yuyarikuni maypachachus qan sipasllaraj kashajtiyki noqaman allin kawarqanki, maypachachus warmiypaj aysarikorqayki chaypacha munakuwaj karqanki, ch'in pampasnejta, mana jayk'aj tarpusqa jallp'asnejta qhatiwarqanki.

DIOSPA QHELQACHISQ

² Rispa, Jerusalén llajtapi tiyakojkunaman willamuy, allinta uyarinankupaj jina sinch'ita qhapariy: Tata Dios kay jinata nin: Imaynatachus qan sipasllaraj kashaspa, noqallata munakuwasqaykita yuyarikuni. Maypachachus warmiypaj aysarikorqayki chaypacha, manchayta munakuwasqaykita yuyarikuni. Ch'in pampanejta, mana jayk'aj tarpusqa jallp'anejta qhepayta jamusqaykita yuyarikullanitaj.

Jeremías 2:2 ပူးပေါင်းရင်းမြစ်များ

Salmos 129:1

(1b) Kunan israelitakuna nichunku: Wayna kasqaymantapacha awqaykuna sinch'ita llakichiwarqanku.

Éxodo 14:31

Chaypacha israelitakunaqa Tata Dios Egipto llajtayojkunaj contrankuta may jina t'ukunata ruwasqanta rikorqanku. Chayrayku payta may jatun respetowan qhawarqanku. Chantá Tata Diospi, jinataj kamachin Moisespipis atinikorqanku.

Éxodo 16:8

Moisés nillarqataj: Tata Diosqa manaraj inti yaykuyta mikhunaykichejpaj aychata qosonqachej, tutamantataj ashkha t'antata qosonqachej. Chayta ruwanqa, imaraykuchus Diosqa paypa contranpi thutusqaykichejta uyarisunkichej. Noqaykurí, pitaj kayku? Qankunaqa mana noqaykoj contraykutachu thutorqankichej, manachayqa Tata Diospa contranta, nispa.

Proverbios 1:20

Yachayqa uj warmipis kanman jina ñankunapi, plazakunapiwan ima jatunmanta parlan.

TAKIYKUNA 3:11

Sión llajtamanta sipaskuna, llojsimuychej kuraj kamachej Salomonta qhawaj. Payqa umanpi k'acha pilluwan kashan. Chay pilluta maman casarakunanpaj ruwaporqa, tukuy kawsayninpi manchayta kusikunan p'unchaypaj.

TAKIYKUNA 3:6

Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

Isaías 58:1

Tata Dios niwarqa: Ama samarispa, kunka llik'ikuyta qhapariy, pututu jina qhapariy. Jacobpa miraynin aylluypa juchanta sut'iman orqhoy.

Jeremías 11:6

Chantá Tata Diosqa nillawarqataj: Judá suyupi kay willayta qhaparimuy, jinallataj Jerusalén llajtapipis. Chay runakunamantaj ajinata niy: Imaynachus kay trato ruwasqa kasqanta uyariychej, chantá junt'aychejtaj.

Jeremías 19:2

Chaymantataj paykunawan khuska Ben Jinón valleman riychej, K'analla Punku nisqa qayllaman, chaypitaj imatachus willasqayki, chayta paykunaman willanki.

Jeremías 2:1

Tata Dios nillawarqataj:

Jeremías 2:6

Judapi tiyakojkunaqa manaña noqamanta tapukunkuchu: Maypitaj kashan Tata Dios, pichus Egipto suyumanta orqhomuspa, ch'inkunanejta, may wayq'orara ch'in jallp'anejta orqhomuwarqanchej, chay Diosrí? Pay pusamuwarqanchej mana yakuyoj jallp'anejta, mana pejpa purisqan, nitaj tiyakusqan, may manchachikuna jallp'anejta, nispa.

Jeremías 3:4

Manaraj unaychu niwasqaykeqa: Tatay kanki, sipas kashaspa munakusqay kanki, nispa.

Jeremías 7:2

Temploypa pationman yaykuna punkupi sayaspa, kayta willamuy: Judá suyupi tiyakojkuna, qankuna pikunachus kay punkunejta Tata Diosta yupaychanaykichejpaj yaykushankichej chaykuna, kayta uyariychej:

Ezequiel 16:22

Chhika millayta purisqaykiwan, ujwan ujwantaj khuchichakusqaykiwan ima mana wawa kasqaykimanta yuyarikorqankichu. Manallataj yuyarikorqankichu imaynatachus mana p'achayoj q'alalla karqanki, kikin yawarniykipitaj sunt'ichasharqanki, chaymantapis.

Ezequiel 16:60

Noqatajrí sipas kashajtiyki, qanwan tratota ruwasqaymanta yuyarikusaj, chantá waj tratota qanwan wiñaypaj ruwasaj.

Ezequiel 16:8

Ujtawan qayllaykita purishaspa qhawarqayki, casaranapaj jinaña kasqaykitataj repararqani. Chantá p'achaywan q'ala ukhuykita qhataykorqayki. Tiluspataj, uj tratota qanwan ruwarqani ajinamanta noqajtapuni kanaykipaj. Noqa Tukuyta Kamachej Tata Dios chayta nini.

Ezequiel 23:19

Chaywanpis pay astawan, astawan khuchichakullarqapuni, Egipto suyupi sipasllaraj kashaspa, phisu kawsaypi purisqanta yuyarikuspa.

Ezequiel 23:3

Chantá Egiptopi sipaskunallaraj kashaspa, sajra purikuyman qokusqanku, phisu warmimantaj tukusqanku. Chaypi ñuñunkuta llankharichikusqanku, honrankutataj t'akasqanku.

Ezequiel 23:8

Egiptopi kasqanmantapacha khuchichakuypi purisqanta mana saqerqachu, imaraykuchus sipas kashajtillanraj, ashkha runakuna paywan puñuykorqanku. Honranta t'akaspataj, khuchichakuy munayninkuta paypi sajsakorqanku.

Oseas 11:1

Tata Dios nin: Maypachachus Israel aylluy wawallaraj karqa chaypacha, noqa payta munakorqani, jinataj Egipto suyumanta payta wajyarqani.

Oseas 2:15

15 (17) Chantá uva huertantapis kutichipusaj. Llakiynintapis kusiyman tukuchisaj. Chaypi sipasllaraj kashaspa imaynatachus k'askawarqa, ajinata k'askawanqa, maypachachus Egiptomanta llojsimorqa, chay p'unchaypi jina.

Oseas 2:17

17 (19) Siminmanta qhechusaj Baal sutita oqharisqanta, nitaj jayk'aj sutillantapis oqharenqañachu.

Oseas 2:7

7 (9) Waynankunaj qhepankuta renqa, manataj taripanqachu. Mask'anqa, manataj tarenqachu. Chaypachataj nenqa: Kutipusaj ñawpa qosayman, imaraykuchus paywan aswan allin karqani kunanmanta nisqaqa, nispa.

Oseas 8:1

Waqachiychej cornetata runakuna wakichikunankupaj. Aylluypa awqan anka jina jamurishan, imaraykuchus aylloyqa yachachisqayta mana kasuspa, tratoyta p'akisqanku.

Oseas 9:10

Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Jonás 1:2

Kunanpacha Nínive llajtaman puririy, chaypitaj willamuy noqa chay llajtata chinkarparichinayta, imaraykuchus rikuni ruwasqanku may millay kasqanta, nispa.

San Mateo 11:15

Pichus nisqayta jap'ikuyta munajqa allinta uyarichun, nispa.

San Lucas 12:13

Jinapi runakuna ukhumanta ujnin nerqa: Yachachej Wiraqochíy, wawqeyman niripuway chayaqeykuta rak'inawanta, nispa.

Deuteronomio 2:7

Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Deuteronomio 33:3

Tata Diosqa ayllunta munakun. Tukuy paypaj t'aqasqa kajkuna makinpi kashanku. Paykunaqa ñawpaqenman k'umuykunku, Paypa nisqantataj kasunku.

Deuteronomio 8:2

Qankuna tukuy ch'innejta tawa chunka watata purisqaykichejta yuyarikuychej. Tata Diosniykichej chaynejta pusamusorqachej qankunata k'umuykuchinanpaj, chantá sonqoykichejpi imachus kasqanta yachananpaj.

Santiago 4:4

Uyariychej, Diosta wasanchajkuna: Manachu yachankichej Diosman mana kutirikojkunaj yuyasqankuman jina kawsajqa Diospa contran kasqanta? Pillapis Diosman mana kutirikojkunaj yuyasqankuman jina kawsanata munakojqa Diospa awqanman tukun.

Apocalipsis 2:4

Chaywanpis, kayta contraykipi nini: Qanqa manaña ñawpajta jinachu munakuwanki.