Génesis 9:4 - DIOSPA QHELQACHISQAN DEUTEROCANONICAL

⁴ Kayllata mana mikhunaykichejchu tiyan: Yawarniyoj aychata, imaraykuchus yawarpi kawsay kashan.

Qheshwa Biblia DC

⁴ Uj imallata mana mikhunaykichejchu tiyan: Yawarniyoj aychata, imaraykuchus chay yawarpi kausayqa kashan.

DIOSPA QHELQACHISQ

⁴ Kayllata mana mikhunaykichejchu tiyan: Yawarniyoj aychata, imaraykuchus yawarpi kawsay kashan.

Génesis 9:4 ပူးပေါင်းရင်းမြစ်များ

Ezequiel 33:25

Chayrayku paykunata niy: Tukuyta Kamachej Tata Dios kay jinata nisunkichej: Qankunaqa aychata yawarnintinta mikhunkichej, lantikunata yupaychankichej, runatapis wañuchinkichej. Ajina kashaspa, kay suyuta jap'ikapuyta yuyashankichejchu?

Levítico 19:26

Ama imatapis yawarniyojta mikhunkichejchu. Ama adivinaj kankichejchu, nillataj layqapis.

Levítico 3:17

Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

Levítico 7:26

Maypichá tiyakunkichej, chaypi phuruyoj uywaj yawarninta, nitaj animalpa yawarnintapis mikhunkichejchu.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Hechos 15:25

Chayrayku tukuyniyku uj yuyaylla tantakuspa, noqayku ukhumanta wakin wawqekunata ajllarqayku. Chantá paykunatawan munasqa wawqenchej Bernabetawan, Pablotawan qankunaman kachamushayku.

Hechos 15:29

Ama lantikunaman jaywasqa aychata mikhuychejchu, nitaj yawarta, nillataj jeq'eqasqa chayrí sipisqa uywakunaj aychantapis. Amallataj khuchichakuychejchu. Chaykunamanta karunchakuspa, allinta ruwankichej. Tinkunakama kachun, nispa.

Deuteronomio 12:16

Chaywanpis yawartaqa amapuni mikhunkichejchu, manachayqa yakuta jina jallp'aman suruchinkichej.

Deuteronomio 12:23

Chaywanpis yawartaqa ni ima kashajtin mikhunkichejchu, imaraykuchus kawsayqa yawarpimin kashan. Ajinaqa amapuni yawarta aychawan khuskataqa mikhunkichejchu.

Deuteronomio 14:21

Payllamanta wañoj animalta amapuni mikhunkichejchu, imaraykuchus qankunaqa Tata Diosniykichejpata kanaykichejpaj t'aqasqa ayllun kankichej. Qankunaj llajtaykichejpi tiyakoj karu llajtayojman chay aychata qoyta atinkichej chayri vendeyta, paykunataj mikhuyta atillanqanku. Ñuñushaj cabra uñataqa ama mamanpa lechenpi chayachinkichejchu.

Deuteronomio 15:23

Chaywanpis yawarnintaqa amapuni mikhunkichu, manachayqa jallp'aman yakuta jina sururichinki.

1 Timoteo 4:4

Diospa tukuy ruwasqanqa sumajmin, manataj imapis qhesachanapaj jinachu, sichus pachis nispa mikhusun chayqa.

1 Samuel 14:32

Chantá israelitakunaqa awqankumanta qhechusqanku uywakunata jap'ispa, ovejata, wakata, waka uñakunata ima ñak'arqanku, chantá aychata yawarnintillanta mikhuyta qallarerqanku.