Génesis 8:1 - DIOSPA QHELQACHISQAN DEUTEROCANONICAL

¹ Diosqa Noemanta, jinallataj jatun barcopi kasharqanku, chay animalkunamantapis khuyarikorqa. Chayrayku pay kay pachaman wayrachimorqa, yakutaj ch'akiyta qallarerqa.

Qheshwa Biblia DC

¹ Dios yuyarikorqa Noemanta, paywan khuska tukuy animales arcapi kajkunamantawan. Chaymanta wayrachimorqa, chaytaj yakuta ch'akiykucherqa.

DIOSPA QHELQACHISQ

¹ Diosqa Noemanta, jinallataj jatun barcopi kasharqanku, chay animalkunamantapis khuyarikorqa. Chayrayku pay kay pachaman wayrachimorqa, yakutaj ch'akiyta qallarerqa.

Génesis 8:1 ပူးပေါင်းရင်းမြစ်များ

Génesis 19:29

Ajinata Diosqa, maypichus Lot tiyakorqa, chay vallepi llajtakunata chinkarparicherqa. Chaywanpis Abrahammanta yuyarikuspa, chinkarparichinan karqa, chay llajtakunamanta Lotta orqhorqa.

Génesis 30:22

Chantá Diosqa Raquelmanta yuyarikorqa, mañakusqanta uyarispataj, nerqa wawayoj kananta.

Génesis 9:10

Jinallataj qankunawan khuska jatun barcomanta llojsimojkunawan tratota ruwallasajtaj: Phawajkunawan, uywakunawan, k'ita animalkunawan, kay pachapi kaj chhika animalkunawan ima.

Nehemías 13:14

Chantá Diosman parlaspa nerqani: Diosníy, yuyarikuway ari kayta ruwasqaymanta, amataj qonqapuychu Temploykipaj jinataj yupaychanapajpis imatachus ruwasqaymanta.

Nehemías 13:22

Chaymantataj levitakunata kamacherqani Diospa ñawpaqenpi llimphuchakuspa punkukunata qhawaj rinankuta, jinamanta samarina p'unchayta ama manakajman tukuchinankupaj. Chantá Diosman parlaspa, nerqani: Diosníy, kay tukuy ima ruwasqaymanta yuyarikuway, khuyarikuwaytaj k'acha munakuyniykiman jina, nispa.

Nehemías 13:29

Chantá Diosman parlaspa nerqani: Diosníy, paykunata jasut'iy ari sacerdote kayta millaypaj qhawachisqankurayku, jinallataj sacerdotekunawan levitakunawan trato ruwasqaykitapis millaypaj qhawachisqankurayku, nispa.

Nehemías 13:31

Kamachillarqanitaj ima p'unchaykunapichus ruwanankupaj churasqa karqa, chay p'unchaypi llant'ata churanankuta, jinataj chay ñawpaj kaj poqoykunatapis jaywanankuta. Chantá Diosman parlaspa nerqani: Diosníy, ama qonqapuwaspa allinniypaj yanapariway ari.

Job 12:15

Sichus pay mana parachimun chayqa, tukuy ima ch'akipun. Sitajchus sinch'ita parachimun chayqa, jallp'atañataj yaku p'ampaykun.

Job 14:13

Allin kanman jallp'aj sonqonpi pakaykunawayki, sinch'i phiñakuyniyki thasnukunankama. Chantá mayk'ajchus noqamanta ujtawan yuyarikunawaykita niwaj.

Salmos 105:42

Diosqa ñawpa nisqanmanta yuyarikorqa, kamachin Abrahamman tiluspa imatachus nisqanmanta.

Salmos 106:4

Tata Dios, noqamanta yuyarikuway, aylluykipaj allin kajta ruwashaspa. Qhespichej jamuspaqa, noqamanta yuyarikuwaypuni.

Salmos 115:12

Tata Dios yuyarikuwanchej, saminchawasuntaj. Israelitakunata saminchanqa, jinallataj Aaronpa ayllunmanta sacerdotekunatapis.

Salmos 132:1

(1b) Tata Dios, Davidmanta yuyarikuy, chay jinata ñak'arisqanmantawan.

Salmos 136:23

K'umuykuchisqa kashajtinchej noqanchejmanta yuyarikojman pachis niychej, imaraykuchus munakuynenqa wiñay wiñaypajmin.

Salmos 137:7

Tata Dios, edomitakunamanta yuyarikuy. Babiloniokuna Jerusalén llajtata jap'ishajtinku, paykuna nerqanku: Thuñiychej, cimientonkama pampata ruwaychej, nispa.

Salmos 29:10

Tata Diosqa Kuraj Kamachejmin, paytaj wiñaypaj kamachin. Pay parata munasqanta ruwananpaj kamachin.

Salmos 36:6

6 (7) Justiciaykeqa jatuchaj orqokuna jina, kamachisqakunata orqhosqaykitaj ukhu mama qocha jinapuni. Qan, Tata Dios, tukuy runata, jinallataj animalkunatapis waqaychanki.

Éxodo 14:21

Chantá Moisés mama qochanejman makinta oqharerqa. Tata Diostaj tukuy chay tuta inti llojsimuynejmanta sinch'ita wayrachimuspa, mama qochapi yakuta iskayman khallarparerqa. Ajinapi qochaqa iskayman t'aqasqa rikhurerqa, pampantaj ch'akiman tukorqa.

Éxodo 15:10

Qantajrí, kallpawan yakuta phukuspa, paykunata mama qochaman p'ultiykorqanki. Oqharikoj yakumantaj titi jina chinkaykorqanku.

Éxodo 2:24

Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Proverbios 25:23

Wichaynejmanta wayramojtin, para chayamunpuni. Ajinallataj runaj wasallanmanta parlajqa runata phiñachinpuni.

Isaías 44:27

Noqaqa mama qochata ch'akichiyta atini, jinallataj mayukunatapis.

Jeremías 50:38

Yakuyoj mayunkupis ch'akipuchun, imaraykuchus Babiloniaqa millay lantikunayoj suyumin, chay lantikunaraykutaj yuyayninta chinkachikun.

Amós 8:7

Tata Diostajrí, piraykuchus Jacob jatunchasqa kashan, chay sutinrayku tiluspa nin: Mana jayk'ajpis qonqasajchu chay jina ruwasqankutaqa, nispa.

Jonás 4:11

Noqarí Nínive llajtamanta manachu astawanraj khuyakunay karqa? Chay llajtapi tiyan 120.000 wawakuna, pikunachus mana yachankuchu allin kajta, mana allin kajta. Jinallataj ashkha uywakunapis kallantaj, nispa.

Nahúm 1:4

Payqa k'amispa, mama qochatapis ch'akirparichin. Ch'akichillantaj mayukunapi yakutapis. Basán pampapi, jinallataj Carmelo orqopipis qhorakuna qawipunku, Libanopi t'ikakunapis qawipullankutaj.

Habacuc 3:2

Tata Diosníy, may uyarisqa kasqaykimanta yachaspa, ruwasqaykimantapis uyarispa, tukuy sonqowan yupaychayki. Chayrayku ñawpa tiempopi imatachus ruwasqaykita, kunanpis kikillantataj ruway noqaykupis chayta rejsinaykupaj. Phiñakushaspapis, khuyakuyniykita rikuchiwayku.

Zacarías 10:11

Paykuna Egiptoj mama qochanta chimpanqanku, noqataj yaku oqharikojtapis sayachisaj. Nilo mayutapis ukhukama ch'akichisaj. Jinallataj Asiriaj may runaykachasqanta pampata ruwasaj, Egiptoj atiynintapis chinkachisaj.

Números 10:9

Sichus suyuykichejpi kashajtiykichej, pipis qankunawan maqanakoj jamunman chayqa, jatunmanta trompetata waqachinkichej. Chantá noqa Tata Diosniykichej qankunamanta yuyarikusaj, awqaykichejmantataj kacharichisqaykichej.

Números 22:32

Tata Diospa angelnintaj Balaamta nerqa: Ima nispataj burroykita kinsa kutita maqarqankiri? Noqa jark'asoj jamuni, imajtinchus Moabman rishasqayki mana allinchu rijch'awan.

Apocalipsis 16:19

Jatun llajta Babiloniataj kinsaman t'aqakorqa, tukuy kay pachapi llajtakunapis thuñisqa karqanku. Jinapi Dios chay jatun llajta Babiloniaj juchallisqanmanta yuyarikorqa, jinataj k'araj phiñakuyninwan sinch'ita jasut'erqa.

Apocalipsis 18:5

Juchallisqanqa janaj pachaman chayanankama tawqaykukun, Diostaj tukuy millay ruwasqanta mana qonqanchu.

1 Samuel 1:19

Q'ayantin paqarin tutamanta, Elcanawan, wasi ayllunwan ima Tata Diosta yupaychaytawankama, Ramapi wasinkuman kutiporqanku. Chay qhepatataj Elcanaqa warmin Anawan puñuykorqa, Tata Diostaj Anaj mañakusqanmanta yuyarikorqa.