Génesis 7:23 - DIOSPA QHELQACHISQAN DEUTEROCANONICAL

²³ Chaywanpis Noé, chantá jatun barcopi kajkuna imalla kawsarqanku. Jatun barcoman mana yaykojkunarí, tukuyninku wañorqanku: Runakuna, uywakuna, phawajkuna, qhatatakuspa purejkuna ima.

Qheshwa Biblia DC

²³ Noella kausarqa, pikunachus arcapi karqanku chaykunallawan khuska. Chay ujkunaqa tukuyninku chinkaporqanku: Runas, uywas, p'isqos, qhatatakoj animales ima.

DIOSPA QHELQACHISQ

²³ Chaywanpis Noé, chantá jatun barcopi kajkuna imalla kawsarqanku. Jatun barcoman mana yaykojkunarí, tukuyninku wañorqanku: Runakuna, uywakuna, phawajkuna, qhatatakuspa purejkuna ima.

Génesis 7:23 ပူးပေါင်းရင်းမြစ်များ

Génesis 6:17

Chantá noqaqa kay pachaman manchay sinch'itapuni parachimusaj, yaku kay pachata p'ampaspa, tukuy kawsajta chinkachinanpaj. Jallp'a patapi tukuy kawsayniyojpis wañullanqankutaj.

Génesis 8:18

Ajinata Noeqa jatun barcomanta llojserqa warminwan, churinkunawan, ñojch'ankunawan ima.

Job 5:19

Ashkha kutita jatun llakiymanta orqhosonqa, mana allin kajtaj qanman mana chayamusonqachu.

Salmos 91:1

Patapi Kaj Diospa waqaychayninpi kawsakojqa Tukuy Atiyniyoj Diospa llanthuykusqan kawsakonqa.

Salmos 91:7

Lloq'eykinejpi waranqa runakuna wañonqanku, chunka waranqataj pañaykinejpi. Chaywanpis, wañoyqa qanta mana imanasonqachu.

Proverbios 11:4

Juicio p'unchaypi qhapaj kanaqa mana payta yanapanqachu. Cheqan kawsayniyoj runarí wañuymanta kacharichisqa kanqa.

San Mateo 25:46

Chaymantataj paykuna wiñay ñak'ariyman renqanku, cheqan kajta ruwajkunatajrí wiñay kawsayman yaykonqanku, nispa. Ajinata Jesús yachacherqa.

Hebreos 11:7

Jinallataj Noeqa Diospi tukuy sonqo atinikorqa. Chayrayku mana jayk'aj rikusqan kananta Dios sut'inchajtin, Noeqa Diosta kasuspa, uj jatun barcota ruwarqa wasi ayllun ama wañunanpaj. Jinallataj Diospi atinikusqanrayku Noé yachayta qorqa chaypacha kawsaj runakuna juchachanapaj jina kasqankumanta. Chantá Diospi atinikusqannejta pay cheqan runapaj qhawasqa kanata jap'erqa.

1 Pedro 3:20

Chaykunaqa unay Diosta mana kasorqankuchu, maypachachus Noé jatun barcota ruwashajtin Diosqa jatun pacienciawan suyasharqa, chaypacha. Chay jatun barcopitaj, pusaj runalla yakupi jeq'eqaspa wañunamanta qhespichisqa karqanku.

2 Pedro 2:5

Jinallataj Diosqa ñawpa runakunaj juchankutapis manallataj pampacharqachu, maypachachus paywan churanakojkunata jatun musphay parawan chinkacherqa, chaypacha. Manachayqa Diospa cheqan justicianmanta willaj Noeta waqaycharqa, qanchis runakunatawan khuskata.

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.

2 Pedro 3:6

Chay yakullawantaj chaypacha tiyakojkuna yakoj p'ampasqan chinkachisqa karqanku.