Génesis 4:6 - DIOSPA QHELQACHISQAN DEUTEROCANONICAL

⁶ Chantá Tata Diosqa Cainta nerqa: Imaraykutaj chay jina phiñasqa, uj jinataj kashankiri?

Qheshwa Biblia DC

⁶ Señortaj nerqa: Imaraykutaj jinata phiñakunkiri, uyaykipis uj jinayanri?

DIOSPA QHELQACHISQ

⁶ Chantá Tata Diosqa Cainta nerqa: Imaraykutaj chay jina phiñasqa, uj jinataj kashankiri?

Génesis 4:6 ပူးပေါင်းရင်းမြစ်များ

Génesis 4:7

Sichus allinta ruwawaj chayqa, mana k'umuykachaspa puriwajchu. Manachus allin kajta ruwanki chayrí, juchaqa jap'erqosunanpaj jina suyaykushasunki. Ama qanqa juchalliyta munanawan atipachikuychu, nispa.

Job 5:2

Cheqapuni wamputaqa sinch'i phiñakuy wañuchin. Pichus payllapaj imatapis munajtaqa envidia tukuchin.

Isaías 1:18

Tata Dios nillantaj: Jamuychej, kay imamanta parlarisunchej: Mana allin ruwasqaykichej may jina pukapis kachun, rit'ita jina yurajyachisaj. May jina kullipis kachun, yuraj millmata jina yurajyachisaj.

Jeremías 2:31

Qankuna israelitakuna, noqa Tata Diospa nisqayta allinta uyariychej: Israel, noqa qanpaj sansarej ch'in q'ara pampa jinachu karqaniri? Chayrí, manchachikuna jallp'a jinachu karqani? Ayllúy, imajtintaj ninkichej: Munasqaykuman jina kawsakusqayku, ni jayk'aj qanman kutimusqaykuñachu, nispari?

Jeremías 2:5

Ajinata Tata Dios nisunkichej: Ñawpa tataykichejkuna ima mana allin kajtataj noqapi tarerqanku, noqamanta karunchakunankupajri? Qhasi manakaj dioskunata yupaychaspa, paykunapis qhasi manakajllamantaj tukorqanku.

Jonás 4:4

Tata Diostajrí kuticherqa: Ajinata phiñakuspa, yuyankichu allinta ruwashasqaykita? nispa.

Jonás 4:9

Chantá Tata Diosqa Jonasta nerqa: Chay jinatapunichu phiñakunki, mathi yura ch'akirpayasqanmanta? nispa. Jonastaj kuticherqa: Arí, rabiawan wañushaniña, nispa.

San Mateo 20:15

Manachu qolqeywan munasqayta ruwayta atini? Chayrí, k'acha kasqayraykuchu sajra ñawiwan qhawashawanki? nispa.