Génesis 4:5 - DIOSPA QHELQACHISQAN DEUTEROCANONICAL

⁵ Caintarí, jinallataj imatachus jaywasqantapis Dios mana sonqo junt'asqachu qhawarqa. Chayrayku Cainqa maytapuni phiñakorqa, uyanpis uj jinayarqa.

Qheshwa Biblia DC

⁵ Caintari mana jinatachu qhawarerqa, nillataj jaywanantapis. Chaymanta Caenqa maytapuni phiñarikorqa, uyampis uj jinayarqa.

DIOSPA QHELQACHISQ

⁵ Caintarí, jinallataj imatachus jaywasqantapis Dios mana sonqo junt'asqachu qhawarqa. Chayrayku Cainqa maytapuni phiñakorqa, uyanpis uj jinayarqa.

Génesis 4:5 ပူးပေါင်းရင်းမြစ်များ

Génesis 31:2

Chantá Jacob reparallarqataj Labanqa payta manaña ñawpajta jinachu parlapayasqanta.

Génesis 31:5

Chayajtinkutaj, nerqa: Reparani tataykichejqa manaña ñawpajta jinachu qhawawasqanta. Chaywanpis tataypa Diosnenqa noqata yanapashawan.

Génesis 39:19

Ajinata kamachiykeqa noqata ruwawan, nispa. Potifarqa warmin imatachus willasqanta uyarispa, Josepaj maytapuni phiñakorqa.

Job 15:13

Imaraykutaj chay jinatapuni Diospaj phiñakunkiri? Imaraykutaj mana allinta qhawarikuspa imatapis parlarparillankiri?

Job 5:2

Cheqapuni wamputaqa sinch'i phiñakuy wañuchin. Pichus payllapaj imatapis munajtaqa envidia tukuchin.

Salmos 20:3

3 (4) Tukuy jaywasqaykimanta yuyarikuchun, tukuy sonqotaj altarpi uywa ñak'asqa q'olachisqaykita jap'ikuchun.

Proverbios 19:3

Runaj wampu kaynenqa pay kikinta cheqan ñanmanta pantachin. Chaywanpis Tata Diosta juchachaspa sonqonpi paypaj phiñakun.

Proverbios 29:10

Runa wañuchejkunaqa cheqan runakunata chejnikunku, wañuchiytataj munanku.

Eclesiastés 4:4

Chantá rikullanitaj anchata llank'ana, jinataj imata ruwasqanpipis allin risqanqa runata envidiawan jap'inachisqanta. Chaypis qhasi manakajlla, wayra jap'iyta munay jinalla kasqanta repararqani.

Isaías 3:9

Paykunaj uyallankutaj imaynachus kasqankuta willashan. Sodomamanta runakuna jina, mana manchachikuspa tukuypa rikunanta juchallinku. Imachus paykunamanta kanqapis, paykunallataj jasut'ita mask'akunku.

Números 16:15

Chantá Moisés maytapuni phiñakorqa, Tata Diosmantaj nerqa: Tata Dios, ama jaywasqankuta jap'ikuychu. Noqaqa paykunamanta mana burrollankutapis qhechunichu, nitaj paykunata ima sajratapis ruwanichu, nispa.

San Mateo 20:15

Manachu qolqeywan munasqayta ruwayta atini? Chayrí, k'acha kasqayraykuchu sajra ñawiwan qhawashawanki? nispa.

Hechos 13:45

Judiokunaj kurajninkukunatajrí chay chhika runata rikuspa, Pablowan chhoqonakorqanku, paywan siminakuspataj, payta maldicerqanku.

Hebreos 11:4

Abelpis Diospi atinikusqanrayku Cainmanta nisqaqa aswan allin kaj jaywanata Diosman jaywarqa. Abel chayta Diosman jaywaspa, yachayta qorqa pay cheqan runa kasqanta, Diostaj jaywasqanta allinpaj qhawarqa. Ajinaqa Abelpa wañusqan unayña kashan chaypis, noqanchej Diospi atinikuspa imaynatachus kawsasqanmanta yachakuyta atinchej.

Judas 1:11

Ay mana cheqanta yachachejkunamanta imallachus kanqapis. Paykuna Cainpa ruwasqanta ruwaspa purinku. Jinallataj qolqerayku Balaam jina runata q'otiyanku, Chantá Coré jina Diospa contranpi oqharikullasqankupitaj chinkachisqa kanqanku.

1 Samuel 16:7

Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.