Génesis 4:4 - DIOSPA QHELQACHISQAN DEUTEROCANONICAL

⁴ Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

Qheshwa Biblia DC

⁴ Abelpis apallarqataj Señorman jaywanata ovejasninmanta uj sumajnin kajta, kuraj kaj uñasmanta. Señortaj may kusisqa Abelta qhawarerqa, jinallatataj oveja apasqan jaywanantapis.

DIOSPA QHELQACHISQ

⁴ Abelpis Tata Diosman jaywananpaj apallarqataj, ovejanmanta phiwi uñakunamanta aswan sumajnin kajta. Jinapi Tata Diosqa Abelta, chantá jaywasqantapis sonqo junt'asqa jap'ikorqa.

Génesis 4:4 ပူးပေါင်းရင်းမြစ်များ

Génesis 15:17

Laqhayaykuytataj uj horno manchayta q'oshñishaj rikhurerqa, jinallataj lawrashaj nina, chaykunataj uywa ñak'asqaj chawpinta pasasharqa.

Génesis 4:3

Qhepanejman Cainqa jallp'ata llank'aspa, poqochisqanmanta Tata Diosman wakin imakunata jaywarqa.

1 Reyes 18:24

Chaymantataj diosniykichejmanta mañakunkichej, noqapis Tata Diosmanta mañakullasajtaj. Mayqenchari ninata kachaykamonqa, chaymin cheqa kaj Dios kanqa, nispa. Tukuy runataj kuticherqanku: Chay nisqaykeqa sumaj, nispa.

1 Reyes 18:38

Jinallapi Tata Diosmanta nina urayk'amuspa, ujllata q'olaykorqa chay ñak'asqa torota, llant'ata, rumikunata, jallp'ata ima. Larq'api yakutapis ch'akirpayacherqa.

1 Crónicas 21:26

Chaypitaj David Tata Diospaj uj altarta ruwarqa. Chantá uywata ñak'aspa q'olacherqa, jinataj allinyakuy jaywanatawan qorqa. Chaymantataj Tata Diosmanta mañakorqa, Diostaj Davidpa mañakusqanta uyarispa, janaj pachamantapacha ninata kachaykamorqa, chay ninataj altar patapi jaywanata q'olaykorqa.

2 Crónicas 7:1

Salomón mañakuyta tukojtinkama, janaj pachamanta nina urmamuspa, chay q'olachinapaj jaywasqa uywata, waj ñak'asqa uywakunatawan ruphaykorqa. Chantá Tata Diospa jatun kayninpa lliphipiynin Temploman junt'aykorqa.

Salmos 20:3

3 (4) Tukuy jaywasqaykimanta yuyarikuchun, tukuy sonqotaj altarpi uywa ñak'asqa q'olachisqaykita jap'ikuchun.

Éxodo 13:12

qankuna Tata Diosman tukuy kuraj kaj churiykichejta qopunkichej, jinallataj tukuy uywaykichejkunamanta phiwi uñanmanta orqo kajtawan. Tukuy chaykunaqa Tata Diospata kanqa.

Proverbios 3:9

Tukuy kapuyniykiwan Tata Diosta jatunchay, jinallataj chajraykej ñawpaj kaj poqoyninwan ima.

Eclesiastés 4:4

Chantá rikullanitaj anchata llank'ana, jinataj imata ruwasqanpipis allin risqanqa runata envidiawan jap'inachisqanta. Chaypis qhasi manakajlla, wayra jap'iyta munay jinalla kasqanta repararqani.

Levítico 9:24

Chaymantataj Tata Diospa ñawpaqenmanta nina llojsimuspa, altarpi aychata, wiratawan ima q'olaykorqa. Chayta rikuspataj, tukuy israelitakuna kusikuspa qhaparerqanku, chantá pampakama k'umuykorqanku.

Números 16:15

Chantá Moisés maytapuni phiñakorqa, Tata Diosmantaj nerqa: Tata Dios, ama jaywasqankuta jap'ikuychu. Noqaqa paykunamanta mana burrollankutapis qhechunichu, nitaj paykunata ima sajratapis ruwanichu, nispa.

Números 16:35

Chay jawa Tata Diosqa ninata kachaykamullarqataj. Chay ninataj, inciensota q'oshñichisharqanku, chay 250 runakunata ruphaykuspa, wañurparicherqa.

Números 18:12

Chantá israelitakuna ñawpajta poqochisqankumanta sapa wata noqa Tata Diosman jaywawasqankuta qanman qollaykitaj: Sumajnin kaj aceiteta, sumajnin kaj vinota, trigotawan ima.

Números 18:17

Chaywanpis kay uywakunaj phiwi uñankuta mana pagaspa kacharichiyta atenqankuchu: Wakaj uñanta, ovejaj uñanta, chantá cabraj uñantawan ima. Chaykunaqa noqapaj t'aqasqamin kanku. Chaykunata ñak'aspa, yawarninwan altarta ch'ajchunki. Wirantataj ima munayta q'apashaj jaywanata jina noqa Tata Diospaj q'olachinki.

Hebreos 11:4

Abelpis Diospi atinikusqanrayku Cainmanta nisqaqa aswan allin kaj jaywanata Diosman jaywarqa. Abel chayta Diosman jaywaspa, yachayta qorqa pay cheqan runa kasqanta, Diostaj jaywasqanta allinpaj qhawarqa. Ajinaqa Abelpa wañusqan unayña kashan chaypis, noqanchej Diospi atinikuspa imaynatachus kawsasqanmanta yachakuyta atinchej.

Hebreos 9:22

Diospa kamachisqaman jina, ñawpaqenpi imapis llimphuchasqa kananpaj, uywa ñak'asqaj yawarninta ch'ajchunanku karqa. Yawar mana ch'ajchusqa kajtinrí, manallataj ima juchapis pampachasqachu karqa.

Apocalipsis 13:8

Kay pachapi tukuy runataj chay waj sierpeta yupaycharqanku. Kay pacha manaraj ruwasqa kashajtin, pichus wañuchisqa kanan karqa, chay Corderoqa kawsay p'anqapi qhelqasqa, pikunachus wiñay kawsayniyoj kananku karqa, chay sutinkuta. Kay ujkunaj sutinkurí mana chay p'anqapi qhelqasqachu karqa.

Jueces 6:21

Jinapi angelqa varawan chay aychata, jinataj chay t'antata llankhajtinkama, chay chhankamanta nina lawray llojsimuspa, aychata, t'antatapis q'olaykorqa. Chaymantaqa Tata Diospa angelnin chinkariporqa.

1 Samuel 15:22

Chantá Samuel kuticherqa: Imataj astawan Tata Diospa sonqonta kusichinri? Uywata ñak'aspa q'olachinachu, chayrí kamachisqanta kasunachu? Cheqamanta aswan allin payta kasuna, uywata ñak'aspa q'olachinamanta nisqaqa. Jinataj nisqanta uyarina aswan allin, corderoj wiranta jaywanamanta nisqaqa.