Génesis 4:2 - DIOSPA QHELQACHISQAN DEUTEROCANONICAL

² Ujtawan wijsallikuspataj, Evaqa Cainpa sullk'antañataj paqarichikorqa, suticharqataj “Abel”, nispa. Abelqa ovejata uywaj karqa. Caintaj jallp'ata llank'aj karqa.

Qheshwa Biblia DC

² Chay qhepaman onqokullarqataj Caimpa wauqen Abeltañataj. Abelqa ovejasta michej, Caintaj jallp'ata llank'aj.

DIOSPA QHELQACHISQ

² Ujtawan wijsallikuspataj, Evaqa Cainpa sullk'antañataj paqarichikorqa, suticharqataj “Abel”, nispa. Abelqa ovejata uywaj karqa. Caintaj jallp'ata llank'aj karqa.

Génesis 4:2 ပူးပေါင်းရင်းမြစ်များ

Génesis 3:23

Chayrayku Tata Diosqa runata Edén huertamanta qharqorqa, churarqataj jallp'ata llank'ananpaj, jallp'amanta ruwasqa kasqanrayku.

Génesis 37:13

Chantá Israelqa Joseta nerqa: Wawqeykikuna Sichempi ovejata michishanku, noqataj munani paykunata waturikoj rinaykita, nispa. Josetaj nerqa: Ya risaj, nispa.

Génesis 4:1

Adanqa warmin Evawan puñuykorqa, Evataj onqoj rikhurispa, uj qhari wawata paqarichikorqa. Suticharqataj “Caín” sutiwan: Tata Diospa yanapayninwan qhari wawayoj kani, nispa.

Génesis 4:3

Qhepanejman Cainqa jallp'ata llank'aspa, poqochisqanmanta Tata Diosman wakin imakunata jaywarqa.

Génesis 47:3

Faraontaj paykunata taporqa: Imatataj ruwayta yachankichejri? nispa. Paykunataj kuticherqanku: Noqaykoqa ñawpa tatayku jina ovejata uywaspa kawsayku.

Génesis 9:20

Chaymanta qhepata Noé jallp'ata llank'ayta qallarerqa, chantá uva huertata ruwarqa.

Salmos 127:3

Wawakunaqa Tata Diospa qosqanmin kanku, warmimanta paqarejtaj may munasqa t'inka.

Éxodo 3:1

Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Amós 7:15

Chaywanpis ovejata michikushajtiy, Tata Dios niwarqa: Rispa, Israel aylluyman sutiypi parlamuy, nispa.

San Lucas 11:50

Chayrayku kunan p'unchay kawsaj runakuna juchachasqa kanqanku, kay pachaj qallariyninmantapacha Diosmanta tukuy sut'inchajkunatapis wañuchinkuman karqa jina.

San Lucas 11:51

Chay kanqa Abel wañuchisqa kasqanmantapacha, Zacarías mayk'ajchus wañuchisqa karqa chaykama. Payta Temploj pationpi altar qayllapi wañucherqanku, chaykama. Arí, niykichej: Qankuna kunan p'unchaypi kawsajkunamanta cuentata mañasqaykichej, nispa.

San Juan 8:44

Qankunaj tataykichejqa Kuraj Supaymin, qankunataj paypa munasqallanta ruwayta munankichej. Payqa qallariymantapacha runa wañuchipuni, cheqa kajtataj mana uyariyta munanchu. Cheqa kajqa manallataj sonqonpi kanchu. Llullakuspaqa, llulla kasqanman jinapuni parlan, imaraykuchus payqa llulla, llullakuyta rikhurichejtaj.

1 Juan 3:10

Chayrayku pikunachus Diospa wawan kasqanku sut'i yachakun, pikunatajchus Kuraj Supaypata kasqankupis sut'illataj yachakun: Tukuy pichus mana cheqan kajta ruwaj, nitaj Jesucristota qhatej masintapis munakojqa mana Diospatachu.

1 Juan 3:12

Ama Caín jinaqa kanachejchu. Payqa Kuraj Supaypata kasqanrayku, wawqenta wañucherqa. Imaraykutaj Caín wawqenta wañucherqari? Payta wañucherqa, imaraykuchus paypa ruwasqan mana cheqanchu karqa, wawqenpatataj cheqan.

1 Juan 3:15

Pichus Jesucristota qhatikoj masinta chejnikojqa runa wañuchi, yachankichejtaj runa wañucheqa mana wiñay kawsayta jap'inanta.