Génesis 39:3 - DIOSPA QHELQACHISQAN DEUTEROCANONICAL

³ Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta.

Qheshwa Biblia DC

³ Patronnenqa repararqa Señor paywampuni kasqanta, chayrayku tukuy imapi allin risqanta.

DIOSPA QHELQACHISQ

³ Patronnintaj repararqa Tata Diosqa Josewan kashasqanta, chayraykutaj Joseta tukuy ima ruwasqanpi allin rishasqanta.

Génesis 39:3 ပူးပေါင်းရင်းမြစ်များ

Génesis 21:20

Ajinata Diosqa Ismaelta yanaparqa. Wawataj runayarqa, ch'innejkunapitaj tiyakorqa. Ismaelqa sumajta arcowan flechata kachariyta yacharqa.

Génesis 21:22

Chaypachallataj Abimelec, soldadonkunata kamachej Ficol ima Abrahamwan parlaj rerqanku: Yachayku Diosqa qanta tukuy ima ruwanaykipi yanapasusqanta.

Génesis 21:23

Chayrayku qanqa Diospa sutinpi tiluway ni ima mana allin kajta ruwanaykita noqata, ni wawaykunata, ni wawaykunaj wawankunatapis. Tilullaytaj ari allinta ruwanawaykita, noqa qanta imaynatachus ruwarqayki, ajinata. Jinallataj suyuypi tukuy tiyakojkunata allinta ruwanaykita tilullaytaj, pikunaj llajtankupichus tiyakushanki, chaykunata, nispa.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 26:28

Paykunatajrí kuticherqanku: Noqayku reparayku qanwan Tata Dios kasqanta. Chayrayku qanwan uj tratota ruwayta munayku. Chay trato kay jina kanqa:

Génesis 30:27

Labantajrí kuticherqa: Ama ripuychu ari, kakullay. Noqa yachani qanrayku Tata Dios saminchaspa yanapawasqanta.

Génesis 30:30

Manaraj kayman chayamushajteyqa, uywayki pisilla karqa. Kunantajrí ashkhaña tiyapusunki. Chayamusqaymantapacha Tata Dios ashkhata qosunki. Kunantajrí aylluypajñataj llank'arikuyta munani ari, nispa.

Génesis 39:2

Jinapi Tata Diosqa Josewan kasharqa. Chayrayku José Egipto llajtayoj patronninpapi kashajtin, tukuy imapi allin rerqa.

Génesis 39:21

José carcelpi kashajtinpis, Tata Dios paywanpuni karqa, khuyakuspataj, tukuy imapi payta yanaparqa. Chayrayku Joseqa carcelta qhawaj kamachejwanñataj munachikorqa.

Génesis 39:23

Chayrayku carcelmanta cuentayoj runaqa José imatachus ruwashasqanta mana qhawajchu, imaraykuchus Tata Dios Josewan kasqanrayku tukuy ima ruwasqanpi allin rerqa.

2 Reyes 18:7

Tata Diospis paywan karqa, chayrayku imatachus ruwasqanpi allinpuni rerqa. Ezequiasqa Asiria suyuta kuraj kamachejpa contranpi oqharikorqa, manañataj payta kasorqachu.

1 Crónicas 22:13

Tukuy imapi allin risonqa, sichus Tata Diospa kamachisqanta, nisqanta ima tukuy sonqo junt'anki chayqa. Chaykunata Diosqa israelitakunaman Moisesnejta kamacherqa. Chayrayku kallpachakuy ari, sinch'itataj sayay. Ama iskayrayaychu, amataj manchachikuychu.

1 Crónicas 9:20

Chaymanta aswan ñawpajtaqa Eleazarpa churin Finés paykunaj kamachejninku karqa. Tata Diostaj paywan karqa.

2 Crónicas 1:1

Davidpa churin Salomonqa Tata Diospa yanapasqan kuraj kamachej kasqanpi astawan kallpachakorqa, may atiyniyojtaj karqa.

2 Crónicas 26:5

Payqa Zacarías kawsanankama Diosta qhatikorqa, imaraykuchus Zacariasqa Uziasta yachacherqa Tata Diosta may respetowan qhawayta. Uziasqa Tata Diosllatapuni kasukuspa kawsakorqa, Diostaj payta yanaparqa.

Nehemías 2:20

Noqatajrí nerqani: Janaj pachapi kaj Diosqa ruwayta yanapawasqayku, noqayku kamachinkunataj watejmanta perqata jatarichisqayku. Qankunatajrí Jerusalenwan ni ima ruwanaykichejchu tiyan, nispa.

Salmos 1:3

Chay runaqa mayu kantupi sach'a jina. Maychus tiemponpi poqon, laqhentaj mana jayk'aj qawinchu. Tukuy ima ruwasqanpitaj allin renqa.

Zacarías 8:23

Chay p'unchaypi waj llajtakunamanta chunka runakuna uj judíoj p'achanmanta jap'iykukuspa, nenqanku: Qankunawan riyta munayku, imaraykuchus uyariyku qankunawan Dios kasqanta, nispa.

San Mateo 5:16

Ajinallatataj, k'anchayniykichejqa runakunaj ñawpaqenpi k'anchachun. Ajinamanta paykuna allin ruwasqaykichejta rikuspa, janaj pachapi kashaj Tata Diosniykichejta jatunchanqanku.

1 Corintios 16:2

Sapa semana qallariyta sapa ujniykichej ganakusqaykichejman jina wakinta t'aqaychej. Chantá chayta waqaychaychej, chayamojtiy, amaña qolqeta tantanaykichejpaj.

Deuteronomio 2:7

Qankunataqa Tata Diosniykichej tukuy ima ruwasqaykichejpi yanapasorqachej. Kay tawa chunka wata junt'ata qankunawan karqa, kay chhika karu ch'inkunatataj qhawaspa pusaykachasorqachej, mana imamanta pisichispa.

Josué 1:9

Noqamin kamachiyki: Sumajta kallpachakuy, waputaj kay. Ama manchachikuychu, nitaj q'ewakuychu. Noqa Tata Diosniyki qanwanpuni kasaj, maymanchá rinki, chaypi, nispa.

Apocalipsis 3:9

Noqaqa Kuraj Supaypa t'aqanmanta kajkunata, pikunachus judío kasqankuta ninku, manataj judiochu kanku, chaykunata ruwasaj ñawpaqeykiman jamuspa qonqorikunankuta. Ajinamanta paykuna yachanqanku noqa qanta mayta munakususqayta.

1 Samuel 18:14

Chaywanpis Tata Dios Davidta yanapasqanrayku, tukuy ima ruwasqanpi allillanpuni rerqa.

1 Samuel 18:28

Saulqa repararqa Davidwan Tata Dios kasqanta, ususin Micaltaj sinch'ita munakusqanta ima.

1 Samuel 3:19

Samuelqa wiñarqa, Tata Diostaj payta yanaparqa, tukuy nisqanta junt'aspa.