Génesis 3:5 - DIOSPA QHELQACHISQAN DEUTEROCANONICAL

⁵ Dios allinta yachan kay sach'aj poqoyninta mikhojtiykichej, ñawiykichej kicharikunanta. Chantá yachallantaj allin kajta, jinataj mana allin kajta yachaspa, Dios jina kanaykichejta, nispa.

Qheshwa Biblia DC

⁵ Dios yachan allinta, maypachachus chay sach'aj poqoyninta mikhojtiykichej sumaj yachayniyojman tukunaykichejta. Ajinamanta chaywan qankunaqa Dios jina kankichej, yachankichejtaj imachus allin kajta mana allin kajtapis.

DIOSPA QHELQACHISQ

⁵ Dios allinta yachan kay sach'aj poqoyninta mikhojtiykichej, ñawiykichej kicharikunanta. Chantá yachallantaj allin kajta, jinataj mana allin kajta yachaspa, Dios jina kanaykichejta, nispa.

Génesis 3:5 ပူးပေါင်းရင်းမြစ်များ

Génesis 2:17

Allin kajta mana allin kajta yachana sach'aj poqoynillanta amapuni mikhunkichu. Chay sach'aj poqoynintachus mikhunki chayqa, wañunki, nispa.

Génesis 2:9

Chay huertapi Tata Dios tukuy imaymana sach'akunata wiñacherqa. Chay sach'akunaqa ima munay karqa, poqoyninkutaj mikhunapaj sumaj karqa. Huerta chawpipi pay kawsachej sach'ata wiñachillarqataj, jinallataj allin kajta mana allin kajta yachana sach'atapis.

Génesis 3:10

Qharitaj kuticherqa: Huerta ukhupi purishasqaykita uyarerqayki, manchachikorqanitaj q'alalla kasqayrayku. Chayrayku pakaykukorqani, nispa.

Génesis 3:22

Chantá Tata Dios nerqa: Runaqa allin kajta mana allin kajta yachaspa, noqanchej jinaman tukun. Sichus kawsachej sach'aj poqoyninmanta mikhullanmantaj chayqa, wiñaypaj kawsayta atinman, nispa.

Génesis 3:7

Paykuna mikhusqankutawankamataj, sut'ita qhawarqanku, reparakorqankutaj q'alalla kashasqankuta. Chayrayku higo laqhemanta qhatanata sirakuspa, chaywan mayt'uykukorqanku.

1 Reyes 22:6

Chantá Israelpa kuraj kamachejnenqa Diosmanta sut'inchajkunata tawa pachajta jina tantaykorqa, chantá paykunata taporqa: Galaadmanta Ramotpa contranpi maqanakoj risajchu, amachu? nispa. Paykunataj nerqanku: Rillay, imaraykuchus Tata Diosqa chay llajtata jap'inaykipaj yanapasonqa, nispa.

2 Crónicas 32:15

Chayrayku ama q'otiyachikuychejchu, nitaj sonqoykichejta suwachikuychejchu. Amataj Ezequiaspa nisqanta jap'ikuychejchu. Chay waj suyukunamanta, mana mayqen diospis ni mayqen llajtata makiymanta kacharichiyta aterqachu, nitaj ñawpa tataykunaj makinkumantapis. Astawanraj Diosniykichejqa makiymanta qankunata manallataj kacharichiyta atenqachu, nispa.

Salmos 12:4

4 (5) Kay jina nejkunata chinkachillachuntaj: Siminchejwan atipasunchej. Noqanchej sumajta parlayta yachanchej, pitaj sayachiwasunmanri? nispa.

Éxodo 20:7

Ama Tata Diosniykej sutinta yanqhata oqharinkichu. Pichus sutiyta yanqhata oqharejtaqa, mana qhawakullasajchu.

Éxodo 5:2

Faraontajrí kuticherqa: Pitaj chay Tata Dios kasqa, noqa payta kasuspa, israelitakunata kacharinaypajri? Noqaqa chay Tata Diosta mana rejsinichu, nitaj israelitakunata kacharisajchu, nispa.

Isaías 14:14

Phuyu pataman wicharisaj, Patapi Kaj Dios jinataj kasaj, nispa.

Ezequiel 13:22

Qankunaqa llullakusqaykichejwan cheqan ruwajkunata llakichinkichej. Noqataj mana munanichu llakisqa kanankuta. Qankunarí sonqochankichej sajra sonqoyojkunata millay purisqankumanta ama t'aqakunankupaj.

Ezequiel 28:12

Runaj churin, Tiro llajtaj kuraj kamachejninpaj kay yarawita takipuspa, niy: Tukuyta Kamachej Tata Dios kay jinata nisunki: Qanqa tukuy imapi ni ima pantayniyoj karqanki, yachaywan junt'a, k'achitu kasqaykitaj ni imawan kikinchakorqachu.

Ezequiel 28:2

Runaj churin, Tiro llajtaj kuraj kamachejnintañataj kay jinata niy: Tukuyta Kamachej Tata Dios nisunki: Qan sonqoykipi jatunchakuspa, nerqanki: Noqa uj dios kani, dioskunaj kamachinanku tiyanapi tiyashani mama qocha chawpipi, nispa. Chaywanpis qanqa runalla kanki, manataj dioschu. Uj dios jina yachayniyoj kasqaykita yuyakunki.

Ezequiel 28:9

Wañuchisojkunaj ñawpaqenpi niwajrajchu: Noqa dios kani, nispaqa? Wañuchisojkunaj ñawpaqenpi qanqa runalla kanki, manataj dioschu.

Ezequiel 29:3

Faraonman, runankunamanwan niy: Tukuyta Kamachej Tata Dios kay jinata nisunkichej: Egiptota kuraj kamachej faraón, qanqa sierpe jina mayuyki chawpipi winkuspa, nishanki: Nilo mayoqa noqajta, noqa ruwarqani, nispa. Chayrayku noqa Tata Dios contraykipi kashani.

Daniel (hebreo) 4:30

30 (27) nerqa: Qhawariychej, imayna jatunchus Babilonia llajta kasqanta. Noqamin chayta jatun atiyniywan sayaricherqani suyuypa jatun llajtan kananpaj, ajinamanta atiyniyoj kasqayta tukuy yachanankupaj, nispa.

Daniel (hebreo) 6:7

7 (8) Kay suyumanta tukuy kurajkuna, tukuy kamachejkuna, soldadokunata kamachejkuna ima tantakorqayku, chaypitaj yuyaychakorqayku qan kuraj kamachej jina ujta kamachinaykita. Kay jinata kamachiwaj: Kinsa chunka p'unchayta ama pipis imatapis mañakuchunchu ni mayqen diosmanta, nitaj runamantapis, manachayqa qanllamanta. Sichus pipis chay kamachisqata mana kasukonqa chayqa, maypichus leonkuna wisq'asqa kashanku, chayman wijch'uykusqa kachun, nispa kamachinki.

San Mateo 6:23

Ñawiyki mana allin kajtinrí, tukuy ukhuyki laqhapi kanqa. Qanpi kashaj k'anchaytajchus laqhayapunman chayqa, imayna laqhapunichus kanman chay laqhaqa.

Hechos 26:18

Noqa qanta kachasqayki mana judío kajkunaj ñawinkuta kicharinaykipaj, laqhamanta sut'iman llojsimunankupaj, ajinamanta noqapi atinikusqankurayku Dios juchankuta pampachanqa. Jinallataj paykunapis Diospaj t'aqasqa kajkunawan khuska chayaqeta jap'illanqankutaj, nispa.

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

2 Tesalonicenses 2:4

Chay runaqa Diospa contranpi sayarenqa, jinataj imachus yupaychanaj contranpi ima. Chantá Diospa Templonman yaykuspa, chaypi tiyaykonqa, nenqataj pay Dios kasqanta.

Apocalipsis 13:14

Jinallataj jallp'amanta rikhurimoj sierpeqa ñawpa kaj sierpe atiyta qosqanwan t'ukuna imakunata ruwarqa, chaykunawantaj kay pachapi tukuy runata q'otiyarqa. Chantá jallp'amanta rikhurimoj sierpe kamachillarqataj, chay ñawpaj kaj sierpej lantinta ruwanankuta, mayqenpa ujnin umanchus k'irisqa kashajtin thañiporqa, chaypata.

Apocalipsis 13:4

Runakunataj puka sierpeta yupaycharqanku, mayqenchus mama qochamanta llojsimoj chay waj sierpeman atiyta qorqa, chayta. Jinallataj chay waj sierpetapis yupaychaspa, nerqanku: Pitaj kay waj sierpe jina kanmanri? Pitaj paywan maqanakuyta atinmanri? nispa.

Jueces 3:2

Tata Diospuni chay llajtayojkunata saqellarqa, israelitakunamanta pikunachus ni jayk'aj maqanakuman riyta yacharqankuchu, chaykuna maqanakuyta yachanankupaj.