Génesis 3:18 - DIOSPA QHELQACHISQAN DEUTEROCANONICAL

¹⁸ Jallp'aqa khishkallata, qhorallata wiñachipusonqa, qantaj campopi wiñaj qhorata mikhunki.

Qheshwa Biblia DC

¹⁸ Jallp'aqa wiñachipusonqa khishkasta, tukuy sajra qhorastawan; qantaj qhasi qhoraspa poqoyninta mikhunki.

DIOSPA QHELQACHISQ

¹⁸ Jallp'aqa khishkallata, qhorallata wiñachipusonqa, qantaj campopi wiñaj qhorata mikhunki.

Génesis 3:18 ပူးပေါင်းရင်းမြစ်များ

Génesis 3:17

Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Job 1:21

Chantá nerqa: Noqaqa mana imayoj q'alalla mamaypa wijsanmanta llojsimorqani, q'alallataj kay pachamanta ripusaj. Tata Dios tukuy imata qowarqa, kunanqa payllataj qhechukapuwan. Tata Diospa sutin yupaychasqa kachun, nispa.

Job 31:40

jallp'aypi trigo poqonanmantaqa khishkalla poqochun, cebadaj cuentanmantapis qhoralla wiñaykuchun, nispa. Ajinata nispa Job kutichikuyta tukorqa.

Job 5:5

Poqochisqankutaqa yarqhachikojkuna mikhukapunku. Khishka ukhumantapis pallakapunku. Kapuynintataj tukuy ch'akichikojkuna tukuykonqanku.

Salmos 104:2

Qanqa k'anchaywan uj mantawan jina qhataykukunki, janajtataj uj toldota jina mast'arqanki.

Salmos 90:3

Qanqa runata jallp'aman kutichinki: Wañoj runakuna, jallp'aman kutiychej, nispa.

Proverbios 22:5

Millayta ruwajkunaj purisqankoqa wajkuna urmanankupaj tojlla jina kashan. Sichus allinta qhawarikuspa purinki chayrí, chaykunamanta karunchakunki.

Proverbios 24:31

Chajranpi qhoralla junt'aykusqanta rikorqani, rumi perqanpis thuñisqa kasqanta.

Isaías 32:13

Aswan qhepaman aylluypa jallp'anpi khishkawan, ithapalluwan imalla wiñanqanku, jinallataj maypichus manchayta kusirikoj, kanku chay wasikuna thuñisqa kanqanku.

Isaías 5:6

Ch'in t'ajra pampata ruwasaj. Manaña pipis uva sach'ata llimphuchanqachu, nitaj qhoranqachu. Manachayqa imaymana khishka qhorakuna junt'aykonqa. Phuyutapis nillasajtaj amaña chaynejman paramunanta, nispa.

Isaías 7:23

Waranqa uva sach'ayoj jallp'a, mayqenchus waranqa qolqe valej, chaypacha khishkarara ch'umi chayman junt'aykonqa.

Isaías 7:24

Jinallataj runakuna flechana arcowan k'ita animalkunata jap'ejlla yaykonqanku, chay tukuynin jallp'ankuman khishkarara ch'umi junt'aykusqanrayku.

Jeremías 12:13

Trigota tarpuspapis, khishkallata oqharerqanku. Tukuy llank'asqankoqa qhasillapaj karqa. Noqaj sinch'i phiñakusqayrayku chajrapis mana poqorqachu, nispa.

Jeremías 4:3

Tata Dios Judapi kaj runakunaman kayta nin, jinallataj Jerusalenpi kaj runakunamanpis: Nisqayta jap'ikunaykichejpaj sonqoykichejta wakichiychej, imaynatachus tarpoj runa mana jayk'aj llank'asqa jallp'ata llank'an, ajinata. Amataj khishka ukhuman tarpuychejchu.

San Mateo 13:7

Wakin mujoqa khishkarara qhora chawpiman urmasqa, khishkataj chajrawan khuska wiñaykuspa, p'ampaykusqa.

Romanos 14:2

Wakinkuna yuyanku tukuy imata mikhuyta atillasqankuta. Wakinkunarí, Jesuspi atinikunapi manaraj sinch'i sayasqa kasqankurayku q'omerkunallata mikhunku.

Hebreos 6:8

Pikunachus ñawpa kawsayman kutiripojkunarí qhasi manakaj khishkata wiñachej jallp'a jinalla kanku. Chay jina jallp'atataj Dios maldicin, qhepanejmantaj ninawan ruphaykuchisqa kanqa.

Josué 23:13

Tata Diosniykichejqa chay llajtayojkunata ñawpaqeykichejmanta mana wijch'onqachu, manachayqa paykuna urmanaykichejpaj tojlla jina kanqanku. Paykuna wasaykichejpaj seq'ona jina kanqanku, jinataj ñawiykichejpi q'opa jina kallanqankutaj, kay chhika sumaj jallp'ata Tata Diosniykichej qosusqaykichejmanta ni uj puchuyoj chinkanaykichejkama.