Génesis 3:17 - DIOSPA QHELQACHISQAN DEUTEROCANONICAL

¹⁷ Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

Qheshwa Biblia DC

¹⁷ Qharimantaj nerqa: Warmiykita kasusqaykirayku, chay sach'aj poqoyninta amapuni mikhunkichu mikhuspa nerqani chayta, kunanqa jallp'a maldicisqa kanqa; ancha ñak'ariywantaj poqochinki mikhunaykipaj tukuy kausayniykipi.

DIOSPA QHELQACHISQ

¹⁷ Chantá Tata Dios qharitañataj nerqa: Warmiykita kasuspa, mana mikhunaykita nerqayki chay sach'aj poqoyninmanta mikhusqaykirayku, kunanqa jallp'a maldicisqa kanqa. Chayrayku kawsanaykikama sayk'uy sayk'uyta llank'aspa mikhunki.

Génesis 3:17 ပူးပေါင်းရင်းမြစ်များ

Génesis 3:11

Chantá Tata Dios taporqa: Q'alalla kasqaykita, pitaj nerqasunkiri? Mana mikhunaykita nerqayki, chay sach'aj poqoynintachu mikhorqanki? nispa.

Génesis 3:18

Jallp'aqa khishkallata, qhorallata wiñachipusonqa, qantaj campopi wiñaj qhorata mikhunki.

Génesis 3:6

Chantá warmeqa chay sach'aj poqoynin mikhunapaj sumaj kasqanta qhawarqa, jinaqa maytapuni mikhuyta munarerqa. Qhawallarqataj yachayniyoj kanapaj jina sumajllataj kasqanta. Jinaqa pay ujnin poqoyta p'itispa, mikhuykorqa. Qosanmanpis jaywarqa, paypis mikhullarqataj.

Génesis 5:29

Paytataj “Noé” sutiwan suticharqa, imaraykuchus nerqa: Paymin sinch'i ruwananchejmanta samarichiwasun. Tata Dios kay pachata maldicisqanrayku atin mana atin llank'ashanchej, Noetaj chaymanta samarichiwasun, nispa.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Job 14:1

Chantá Job nillarqataj: Warmimanta paqarej runaqa mana unaytachu kawsan, kawsaynintaj imaymana llakiykunawan junt'a.

Job 21:17

Mayk'ajtaj millayta ruwaspa purejkuna manaraj wañunankupi wañunkuri? Mayk'ajtaj llakiy paykunaman chayarqari? Mayk'ajtaj Dios mayta phiñakuspa, paykunata ñak'aricherqari?

Salmos 127:2

Qhasillata inti llojsimusqanmantapacha inti yaykunankama llank'asunman, mikhunanchejpaj jump'i suruyta ruwaspa, imaraykuchus Diosqa munakusqallanta samarichin.

Eclesiastés 2:11

Chantaqa tukuy ima ruwasqayta watorqani, sinch'ita llank'aspa imakunatachus ruwasqayta. Chantá tukuy ima qhasi manakajlla kasqanta repararqani, wayra jap'iyta munay jinalla kasqanta. Kay pachapi mana imatapis sonqoy junt'asqa kananpaj tarerqanichu.

Eclesiastés 2:17

Chayrayku, kay pachapi kawsayta chejnerqani, ruwasqaytaj noqapaj llasa karqa. Tukuy ima qhasi manakajlla, wayra jap'iyta munay jinalla kasqanta repararqani.

Eclesiastés 5:17

17 (16) Runaqa kawsan llasa q'epiwan atiykusqa jina, llakisqalla, sonqo q'asalla, ñak'arispa, phiñasqallataj.

San Mateo 22:12

Nisqataj: Kawsaqéy, imajtintaj kayman yaykumorqanki mana casamiento p'achayojri? nispa. Chay runarí ch'inlla kakusqa.

San Mateo 25:45

Kuraj Kamachejtaj paykunaman kutichenqa: Sut'ita niykichej: Sichus aswan pisipaj qhawasqa ujnin kaj wawqeyta mana yanaparqankichejchu chayqa, nillataj noqatapis yanapawarqankichejchu, nispa.

San Lucas 19:22

Chantá kuraj kamachej nisqa: Qanqa mana allin kamachi kanki, jinataj nisqaykiwan qanllataj juchachakushanki. Sichus yacharqanki rumi sonqo kasqayta, mana noqaj kajta jap'ikapusqayta, mana tarpusqay kajta oqharisqayta ima chayqa,

San Juan 16:33

Kay tukuyta niykichej, noqaman ujchasqa kaspa, sonqoykichej tiyaykusqa kanaykichejpaj. Kay pachapeqa llakiykunata, chantá pisipaj qhawasqa kayta ima ñak'arinkichej. Chaywanpis sonqoykichejpi kallpachakuychej, imaraykuchus noqaqa Diosman mana kutirikojkunaj tukuy yuyasqankuta atipaniña, nispa.

Romanos 3:19

Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj.

Hebreos 6:8

Pikunachus ñawpa kawsayman kutiripojkunarí qhasi manakaj khishkata wiñachej jallp'a jinalla kanku. Chay jina jallp'atataj Dios maldicin, qhepanejmantaj ninawan ruphaykuchisqa kanqa.