Génesis 3:10 - DIOSPA QHELQACHISQAN DEUTEROCANONICAL

¹⁰ Qharitaj kuticherqa: Huerta ukhupi purishasqaykita uyarerqayki, manchachikorqanitaj q'alalla kasqayrayku. Chayrayku pakaykukorqani, nispa.

Qheshwa Biblia DC

¹⁰ Qharitaj kuticherqa: Uyarerqayki huerta ukhupi purishajta, manchachikorqayki q'alalla kaspa, chayrayku pakaykukorqani.

DIOSPA QHELQACHISQ

¹⁰ Qharitaj kuticherqa: Huerta ukhupi purishasqaykita uyarerqayki, manchachikorqanitaj q'alalla kasqayrayku. Chayrayku pakaykukorqani, nispa.

Génesis 3:10 ပူးပေါင်းရင်းမြစ်များ

Génesis 2:25

Chaypacha qharipis warmipis q'alalla kasharqanku, manataj q'alalla kasqankumanta p'enqakorqankuchu.

Génesis 3:11

Chantá Tata Dios taporqa: Q'alalla kasqaykita, pitaj nerqasunkiri? Mana mikhunaykita nerqayki, chay sach'aj poqoynintachu mikhorqanki? nispa.

Génesis 3:7

Paykuna mikhusqankutawankamataj, sut'ita qhawarqanku, reparakorqankutaj q'alalla kashasqankuta. Chayrayku higo laqhemanta qhatanata sirakuspa, chaywan mayt'uykukorqanku.

Job 23:15

Chayrayku sichus kay tukuy imapi yuyani chayqa, paypa ñawpaqenman riyta manchachikuni.

Job 31:33

Juchallisqayta mana jayk'aj pakarqanichu, imaynatachus wajkuna ruwanku jinataqa, nitaj sonqollaypi pakarqanichu,

Salmos 119:120

Qanta manchachikusqayrayku tukuy ukhuy kharkatitin, kamachisqaykitataj manchay jatun respetowan qhawani.

Éxodo 20:18

Chaypacha tukuy israelitakuna llijurishajta illapata rikorqanku, pututoj waqasqanta uyarerqanku, chantá orqopi q'oshñita rikorqanku. Chayrayku mayta manchachikuspa, karullapi sayarqanku.

Éxodo 20:19

Chantá Moisesta nerqanku: Qanlla parlawayku, noqaykutaj kasusqayku. Sichus Dios noqaykuwan parlanman chayqa, wañuykumanchari, nispa.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Éxodo 32:25

Moisés rikorqa Aarón qhawakullasqanrayku, israelitakuna kacharparisqa jina munasqankuta ruwashasqankuta. Rikullarqataj israelitakunaqa tukuy awqanku asikunankupaj jina kashasqankuta.

Isaías 33:14

Juchasapakuna Sionpi mayta kharkatitinku, puraj uyakunatapis t'ukuylla jap'in. Noqanchejmanta pitaj kay q'olaj nina ukhupi kawsanmanri? Pitaj wiñaypaj nina lawraywan khuska tiyakunmanri?

Isaías 47:3

Q'ara ukhuyki rikukonqa, p'enqayniykipis sut'ipacha kanqa. Mana khuyarikuspa, qanmanta vengakusaj, manataj pipis jark'ayta atiwanqachu.

Isaías 57:11

Chay lantikunatachu manchachikunki? Paykunachu chay jinatapuni kharkatitichisunku ajinata wasanchanawaykipaj, noqamantataj qonqapuspa mana yuyarikunaykipaj? Noqa unayta ch'inlla kasqayraykuchu, qan manaña manchachikuwanki?

Deuteronomio 5:25

Chaywanpis, imapajtaj kay jina mancharinata lawraj ninapi ruphasqa wañuykumanri? Sichus ujtawan Tata Diosniykoj parlasqanta uyarisqayku chayqa, wañusqayku.

1 Juan 3:20

Sonqonchejchus imallamantapis juchachawasunman chayqa, Diosqa sonqonchejmantapis aswanrajmin, jinataj pay tukuy imata yachan.

Apocalipsis 16:15

Chayrayku Jesús nin: Allinta qhawakuychej, imaraykuchus noqaqa suwa jina jamusaj mana yuyasqanku p'unchayta. Kusisqamin kanqanku pikunachus rijch'ashajlla, chantá p'achallisqa suyawajkuna. Ajinaqa paykunata mana q'alallatachu taripasaj, nitaj imamantapis p'enqakonqankuchu, nispa.