Génesis 3:1 - DIOSPA QHELQACHISQAN DEUTEROCANONICAL

¹ Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

Qheshwa Biblia DC

¹ Katareqa may jina yuyaysapa karqa, Señor Dios tukuy monte animalesmanta ruwasqasninmanta nisqaqa. Pay warmita taporqa: Ajinatachu Diosqa nisunkichej huertapi kaj tukuynin sach'aspa poqoyninta ama mikhunkichejchu?, nispa.

DIOSPA QHELQACHISQ

¹ Katareqa Tata Dios tukuy imaymana k'ita animalkunata ruwasqanmanta may jina yuyaysapa karqa. Chantá uj kuti payqa warmita taporqa: Huertapi kaj tukuy sach'aj poqoyninta ama mikhunkichejchu, nispachu Dios nisorqachej? nispa.

Génesis 3:1 ပူးပေါင်းရင်းမြစ်များ

Eclesiastés 4:10

Sichus uj urman chayqa, ujnin kaj aysarin. Sichus uj sapallan kashaspa urman chayrí, mana pipis aysarej kanchu.

Isaías 27:1

Chay p'unchaypi Tata Diosqa jatun, manchay atiyniyoj espadanwan Leviatán sierpeta jasut'enqa, may jinata suchoj, ch'uwirakoj Leviatán sierpeta, mayqenchus mama qochapi tiyakun, chayta.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

San Mateo 4:3

Chaypacha Kuraj Supayqa Jesusta juchallichiyta munaspa qayllaykorqa, nerqataj: Sichus Diospa Churin kanki chayqa, kay rumikunata t'antaman tukunankuta niy, nispa.

San Mateo 4:6

Diospa Churinchus kanki chayqa, kay patamantapacha uraman wijch'uykukuy, imaraykuchus Diospa Qhelqachisqanpi nin: Diosqa angelninkunata kachamonqa waqaychasunankupaj. Makinkupi jap'isonqanku, ama ima rumipipis chakiykita takakunaykipaj, nispa.

San Mateo 4:9

Jesustataj nerqa: Noqa kay tukuy imata qosqayki, sichus qan qonqoriykukuspa, yupaychawanki chayqa, nispa.

2 Corintios 11:14

Chaywanpis chaymanta mana t'ukusunmanchu, imaraykuchus Supay Satanaspis k'ancharishaj ángel rijch'akojman tukuriyta yachan.

2 Corintios 11:3

Jinapis kharkani qankunaqa Cristomanta ch'uwa sonqo kaywan yuyasqaykichejmanta pantachisqa kanaykichejta, imaynatachus kataripis Evata q'otiyarqa, ajinata.

1 Pedro 3:7

Ajinallatataj qosakuna sapa ujpis warmiykichejwan kawsakuychej, jatun respetowan paykunata qhawakuspa. Paykunata maypaj qhawaychej, imajtinchus paykuna mana qhari jina kallpayojchu kanku chaypis, qankuna jinallataj paykunapis Diospa qosqan mosoj kawsayta jap'enqanku. Ajinatachus ruwankichej chayqa, Dios mañakusqaykichejta uyarisonqachej.

Apocalipsis 12:15

Chantá sierpeqa warmej qhepanta siminmanta ashkha yakuta phullchichimorqa, chay warmita yaku apananpaj.

Apocalipsis 12:9

Ajinata chay jatun sierpe jawaman wijch'usqa karqa. Chay sierpeqa unay ñawpa katari, pichus Kuraj Supay, Satanastaj sutichasqa kashan, chay. Payqa llullakuspa, kay pachapi tukuy runata loq'eyan. Chantá sierpeta, angelninkunatawan ima kay pachaman wijch'umorqanku.

Apocalipsis 20:2

Payqa sierpeta, pichus ñawpa katari karqa chayta, wisq'ananpaj jap'erqa. Payqa Kuraj Supay, chayrí Supay Satanás sutiyoj, paytataj waranqa watapaj wataykorqa.