Génesis 26:3 - DIOSPA QHELQACHISQAN DEUTEROCANONICAL

³ Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Qheshwa Biblia DC

³ Kunanraykoqa kay jallp'allapiraj tiyakushay. Noqa qanwan kasaj, bendicisqaykitaj. Qanman, mirayniykimanwan kay jallp'asta qosqaykichej. Ajinamanta junt'asaj tatayki Abrahamman imatachus qosqayki nerqani chayta.

DIOSPA QHELQACHISQ

³ Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 26:3 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Génesis 13:17

Qan purispa, wichaynejta uranejta kay jallp'ata muyumuy, imaraykuchus noqa kay jallp'ata qanman qosqayki, nispa.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 17:19

Diostajrí kuticherqa: Cheqapuni qanqa warmiyki Sarapi wawata rejsinki. Chay wawatataj “Isaac” sutiwan sutichanki. Noqataj paywan wiñaypaj tratota ruwasaj, jinallataj mirayninwanpis.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Génesis 20:1

Abraham maypichus kasharqa, chaymanta Néguev chaynejman riporqa. Chantá Gerar llajtapi tiyakorqa. Chay llajtaqa Cadeswan Shurwan chawpinnejpi kashan.

Génesis 25:11

Abraham wañupusqanmanta qhepata Diosqa churin Isaacta samincharqa. Isaactaj “Rikuwaj kawsaj Diospa pujyun” nisqaj qayllanpi tiyakorqa.

Génesis 26:12

Chay wata Isaac chay jallp'api tarporqa, sumajtataj poqocherqa, imaraykuchus Tata Dios payta yanaparqa.

Génesis 26:14

Tiyaporqa may chhika ovejan, may chhika wakan, jinallataj ashkha kamachin. Filisteokunatajrí chaymanta maytapuni envidiakorqanku.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 28:15

Noqa qanwan kashani. Maymanpis rejtiyki, noqa waqaychasqayki, kutichimusqaykitaj kay jallp'aman. Mana saqerparisqaykichu, qanman imatachus nisqayta junt'anaykama, nispa.

Génesis 31:3

Jinallataj Tata Dios Jacobta nerqa: Kutipuy tataykej llajtanman, maypichus aylluyki kashan, chayman. Noqataj qanwan kasaj, nispa.

Génesis 35:12

Noqaqa Abrahamman, Isaacmanwan qosqay jallp'ata qanman qollaykitaj. Jinataj mirayniykimanpis chay jallp'ata qosaj, nispa.

Génesis 39:2

Jinapi Tata Diosqa Josewan kasharqa. Chayrayku José Egipto llajtayoj patronninpapi kashajtin, tukuy imapi allin rerqa.

Génesis 39:21

José carcelpi kashajtinpis, Tata Dios paywanpuni karqa, khuyakuspataj, tukuy imapi payta yanaparqa. Chayrayku Joseqa carcelta qhawaj kamachejwanñataj munachikorqa.

Génesis 48:21

Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

1 Crónicas 16:16

Abrahamwan trato ruwasqanta mana qonqanqachu, Isaacman tilusqantapis nillataj qonqaponqachu.

Salmos 105:8

Waranqa waranqa runa mita pasachun chaypis, pay trato ruwasqanta mana jayk'aj qonqanqachu.

Salmos 105:9

Abrahamwan trato ruwasqanmanta, Isaacman tilusqanmanta ima manapuni qonqanqachu.

Salmos 32:8

Tata Dios nin: Ñaweyqa qan qhawarisqalla kashan. Yuyaychasqayki, yachachisqaykitaj imaynatachus purinaykita.

Salmos 39:12

12 (13) Tata Diosníy, mañakusqayta uyariway, waqaspa qhaparikamusqaytapis. Waqasqayta rikuspa, ama ch'inlla kakuychu. Qanpajqa waj llajtayoj jina kani, ñan purej runa jinalla, ñawpa tataykukuna jinataj.

Éxodo 2:24

Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Éxodo 6:4

Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Éxodo 6:8

Chantá mayqen jallp'atachus Abrahamman, Isaacman, Jacobman ima tiluspa qonayta nerqani, chay jallp'aman noqa pusasqaykichej. Chay jallp'atataj qankunaman qopusqaykichej. Noqamin Tata Dios kani, nispa.

Isaías 43:2

Mayuta chimpashajtiyki, noqa qanwan kasaj, manataj mayupis apasonqachu. Nina chawpita purishaspapis, mana ruphachikunkichu, lawrayninpis mana q'aspallasonqapischu.

Isaías 43:5

Ama manchachikuychu, imaraykuchus qanwanpuni kashani. Chantá inti llojsimuynejmanta, inti yaykuynejmantawan runaykikunata tantamusaj.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

Deuteronomio 1:8

Noqa chay suyukunata qankunaman qoykichej. Chayrayku chayman rispa, chay jallp'ata jap'ej yaykuychej. Chay jallp'ata noqa Tata Dios ñawpa tataykichej Abrahamman, Isaacman, Jacobman, jinallataj mirayninkuman ima tiluspa qonayta nerqani, nispa.

Deuteronomio 34:4

Chantá Tata Diosqa Moisesta nerqa: Abrahamman, Isaacman, Jacobman, chantá mirayninman ima tiluspa qonayta nerqani, chay suyoqa kaymin. Noqa chay jallp'ata qan kikin ñawiykiwan rikunaykita munarqani. Chaywanpis mana chaymanqa yaykunkichu, nispa.

Filipenses 4:9

Jinataj noqaj yachachisqayta ruwaychejpuni, jinallataj simiymanta uyarisqaykichejta, chantá noqata ruwajta rikusqaykichejta ima ruwaychej. Ajinata ruwajtiykichejtaj, sonqo tiyaykuchej Dios qankunawan kanqa.

Hebreos 11:9

Chaymanta Abrahamqa Diospi atinikusqanrayku, Dios qosqayki nisqan jallp'api tiyakorqa, runaj llajtanpi waj llajtayoj runa jina. Pay toldollapi tiyakorqa. Isaacpis, Jacobpis toldollapitaj tiyakorqanku, pikunachus Diospa nisqanta jap'inallankutaj karqa, chaykuna.

Hebreos 6:17

Chayrayku Diospis tiluspa, sut'ita yachayta qosharqa imatachus nisqanta junt'anantapuni. Ajinamanta imatachus nisqanta jap'ejkunaqa yacharqanku, Dios tiluspa imatachus nisqanmanta mana kutirispa junt'ananta.