Génesis 2:7 - DIOSPA QHELQACHISQAN DEUTEROCANONICAL

⁷ Chantá Tata Dios runata jallp'amanta ruwarqa, senqanmantaj kawsay samayta samaykorqa. Ajinamanta runaqa kawsajman tukorqa.

Qheshwa Biblia DC

⁷ Chaymanta Señor Dios runata ruwarqa ñut'u jallp'amanta, senqanmantaj kausay samayta samaykorqa. Ajinamanta runaqa kausayta qallarerqa.

DIOSPA QHELQACHISQ

⁷ Chantá Tata Dios runata jallp'amanta ruwarqa, senqanmantaj kawsay samayta samaykorqa. Ajinamanta runaqa kawsajman tukorqa.

Génesis 2:7 ပူးပေါင်းရင်းမြစ်များ

Génesis 1:27

Diosqa runata ruwaspa, payman rijch'akojta ruwarqa. Qharitawan, warmitawan ruwarqa.

Génesis 2:6

Chaywanpis Tata Dios pampamanta yakuta jutuchimuspa, chaywan tukuy kay pachata qarparqa.

Génesis 3:19

Mikhunaykipaj jump'i suruyta llank'anayki kanqa, wañupunayki p'unchaykamataj ajina kanqa. Qanqa jallp'amanta ruwasqa kanki, chayrayku jallp'allamantaj kutinki, nispa.

Génesis 3:23

Chayrayku Tata Diosqa runata Edén huertamanta qharqorqa, churarqataj jallp'ata llank'ananpaj, jallp'amanta ruwasqa kasqanrayku.

Génesis 7:22

Ajinamanta kay pachapi tukuy samaspa kawsajkuna wañorqanku.

Job 27:3

Mayk'ajkamachus kawsanaykama, Diospa samaynin noqapi kanankamaqa,

Job 33:4

Tukuy Atiyniyoj Dios noqata ruwawarqa, samayninwantaj kawsayta qowarqa.

Job 33:6

Diospa ñawpaqenpi qanwan noqawanqa uj rejlla kanchej. Noqapis jallp'amanta ruwasqallataj kani.

Job 4:19

Jina chayqa, imaynatataj Diosqa pisi kallpa runapi atinikonqari? Runaqa t'urumanta ruwasqa wasi jinallamin, thuta jinalla sarurparisqa kanqa.

Salmos 100:3

Tata Diosqa Diospuni kasqanta rejsikapuychej. Pay ruwawasqanchejrayku, paypata kanchej. Paypa ayllun kanchej, michinan ovejankunataj.

Salmos 103:14

Payqa imamantachus ruwasqa kasqanchejta yachan, jinallataj jallp'allamanta kasqanchejta yuyarikun.

Proverbios 20:27

Tata Diosqa runata ruwarqa espirituyoj kananpaj, chay runaj espirituntaj k'anchay jina runaj sonqon ukhukama k'anchaykun.

Eclesiastés 12:7

Chay p'unchay jallp'aqa jallp'allamantaj kutenqa, ñawpajta karqa, chayllamantaj. Qanman kawsay qosqa karqa, chaytaj Diosman kutiponqa.

Eclesiastés 3:7

Uj tiempoqa llik'inapaj tiyan, uj tiempotaj siranapaj. Uj tiempoqa ch'inyanapaj tiyan, uj tiempotaj parlanapaj.

Isaías 2:22

Chayrayku amaña runapi atinikuychejchu, Imataj runari? Runaj kawsaynenqa uj samay jinalla.

Isaías 64:8

Chaywanpis, Tata Dios, qanmin tatayku kanki. Noqaykoqa llink'i t'uru jinalla kayku, qantaj manka llut'aj jina kanki. Chayrayku noqaykoqa tukuyniyku makiykej ruwasqan kayku.

Lamentaciones 4:20

Tata Diospa ajllakusqan kuraj kamachej, pichus noqaykuta kallpachawajniyku preso urman, pimantachus noqayku nej kayku: Tukuy suyoj chawpinkupi paypa llanthullanpi kawsasunchej, nispa, chay.

Ezequiel 37:5

Tukuyta Kamachej Tata Dios kay jinata nisunkichej: Noqa kawsarinaykichejpaj kawsay samayta qosqaykichej.

Ezequiel 37:6

Ankuta churaykusqaykichej, aychawantaj junt'achisqaykichej. Chantá aycha qarata churasqaykichej, jinaspataj kawsay samayta qosqaykichej, chaywan watej kawsanaykichejpaj. Chaypachataj qankuna yachankichej noqa Tata Dios kasqayta, nispa.

Zacarías 12:1

Tata Dios kayta sut'incharqa imachus Israelwan kananmanta. Qallariypeqa paymin janajta toldota jina mast'arqa, kay pachatapis sayacherqa, runamanpis kawsayta qorqa. Kunantaj pay nin:

Números 16:22

Chayta uyarispa, Moiseswan, Aaronwan pampakama k'umuykuspa, nerqanku: Diosniyku, tukuy runaman kawsayta qoj, uj runa juchallisqanraykuchu kay tukuy runaj contrankuta phiñakunki? nispa.

Números 27:16

Tukuyta Kamachej Tata Diosníy, tukuyman kawsayta qoj Dios, uj runata paykunallamantataj ajllaspa churay ari.

San Juan 20:22

Chayta niytawan, paykunaman phukuspa, nillarqataj: Santo Espirituta jap'iychej.

Hechos 17:25

Nillataj Diosqa imapipis runa yanapananta suyanchu. Manachayqa pay tukuyman kawsayta qon, samayta, tukuy imatawan.

Romanos 9:20

Qanrí, runalla kaspa, pitaj kanki Dioswan churanakunaykipajri? T'uru mankaqa pichus ruwajta ninmanchu: Imapaj ajinata ruwawarqanki? nispa?

1 Corintios 15:45

Ajinaqa Diospa Qhelqachisqanpi nin: Ñawpaj kaj runa Adanqa kawsaj runa ruwasqa karqa, nispa. Qhepa kaj Adanrí kawsayta qoj Espiritumin karqa.

1 Corintios 15:47

Ñawpaj kaj runaqa kay pachamanta karqa, jallp'amanta ruwasqa. Qhepa kaj runarí, pichus Cristo, janaj pachamanta jamorqa.

2 Corintios 4:7

Kunan chay k'anchay sonqoykupi kashan. Chaywanpis noqaykoqa t'urumanta ruwasqa manka jina p'akikoj kayku, chay manka ukhupirí may valorniyoj imakuna tiyan. Ajinamanta tukuy reparanku, imatapis ruwanaykupaj chay sumaj ateyqa Diosmanta kasqanta, manataj noqaykumantachu.

2 Corintios 5:1

Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

1 Timoteo 2:13

Chayta nini, imaraykuchus Diosqa Adantaraj ñawpajta ruwarqa, chaymantataj Evata.

Hebreos 12:9

Mana chayllachu, wawa kashajtinchej tata mamanchej cheqan ñanman churanawanchejpaj jasut'iwasqanchejrayku, noqanchej paykunata jatun respetowan qhawakoj kanchej. Jina chayqa, manachu astawanraj janaj pacha Tatanchejman k'umuykusunman wiñaypaj kawsananchejpaj?