Génesis 2:2 - DIOSPA QHELQACHISQAN DEUTEROCANONICAL

² Jinataj Diosqa qanchis kaj p'unchaypi tukuy ima ruwananta tukuspa, samarikorqa.

Qheshwa Biblia DC

² Qanchis kaj diapi, Diospa tukuy ima ruwanasnin tukusqaña kajtin, samarikorqa.

DIOSPA QHELQACHISQ

² Jinataj Diosqa qanchis kaj p'unchaypi tukuy ima ruwananta tukuspa, samarikorqa.

Génesis 2:2 ပူးပေါင်းရင်းမြစ်များ

Génesis 1:31

Chantá Diosqa tukuy ima ruwasqan manchay sumajpuni kasqanta qhawarqa. Ajinaqa inti yaykuymanta q'ayantin inti yaykuykama, sojta kaj p'unchay karqa.

Génesis 2:3

Chantá Diosqa qanchis kaj p'unchayta saminchaspa, paypata kananpaj t'aqarqa, imaraykuchus pay chay p'unchaypi tukuy ima ruwasqanmanta samarikorqa.

Éxodo 23:12

Sojta p'unchayta llank'anki, qanchis kaj p'unchaypitaj samarinki, wakayki, burroyki samarinankupaj. Ajinata ruwanki wata runayki kallpanman kutirinanpaj, jinallataj waj llajtayoj runapis.

Éxodo 31:15

Sojta p'unchayta llank'ankichej, qanchis kaj p'unchaytaj samarina p'unchay Tata Diospaj t'aqasqa kanqa. Chayrayku pichus chay p'unchaypi imatachus ruwananta ruwajqa wañuchisqa kanqa.

Éxodo 31:17

Chay p'unchayqa noqawan, israelitakunawan ima wiñaypaj señal kanqa, imaraykuchus Tata Diosqa sojta p'unchaypi janajta, kay pachatawan ruwarqa, qanchis kaj p'unchaypitaj samarikorqa.

Isaías 58:13

Samarina p'unchaypi ama karuta puriychejchu, nitaj ajllakusqay p'unchaypi munayniykichejta ruwaychejchu. Manachayqa kayta niychej: Chay p'unchayqa Tata Diospa sumaj p'unchaynin, nispa. Chay p'unchaypi noqata jatunchawankichej mana imatachus munasqaykichejta ruwaspa, nitaj munasqaykichejta mask'aspa, nillataj qhasi manakajta parlaspa.

San Juan 5:17

Jesustajrí paykunaman kuticherqa: Tatayqa kunankama imachus ruwananta ruwashallanpuni, noqapis ruwanayta ruwashallanitaj, nispa.

Deuteronomio 5:14

Qanchis kaj p'unchayrí samarina p'unchay Tata Diosniykipaj t'aqasqa kanqa. Chay p'unchayqa ama ni ima ruwanaykita ruwankichu, ni churiyki, ni ususiyki, ni qhari kamachiyki, ni warmi kamachiyki, ni wakayki, ni burroyki, ni ima uywayki, nitaj wasiykipi tiyakoj waj llajtayojpis imatapis ruwanqachu. Chay p'unchayqa qhari kamachiyki, chayrí warmi kamachiykipis qan jina samarenqanku.

Hebreos 4:10

imaraykuchus pichus Diospa qosqan samarinaman yaykojqa paypa imachus ruwananmanta samarin, imaynatachus Diospis kay pachata ruwaytawan samarikorqa, ajinata.

Hebreos 4:4

Chayta yachanchej, imaraykuchus qanchis kaj p'unchaymanta parlaspa, Diospa Qhelqachisqanpi nin: Diosqa qanchis kaj p'unchaypi tukuy ruwasqanmanta samarikorqa, nispa.