Génesis 17:8 - DIOSPA QHELQACHISQAN DEUTEROCANONICAL

⁸ Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Qheshwa Biblia DC

⁸ Qanman paykunamanwan qosqaykichej kay tukuynin Canaán jallp'ata, kunan maypichus tiyakushanki chayta, chayaqeyki wiñaypaj kanampaj, noqataj Diosniyki kasaj.

DIOSPA QHELQACHISQ

⁸ Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Génesis 17:8 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 13:15

Noqaqa tukuy rikusqayki jallp'ata qosqayki. Chay jallp'ataj qanpaj, jinataj mirayniykipajpis wiñaypaj kanqa.

Génesis 13:17

Qan purispa, wichaynejta uranejta kay jallp'ata muyumuy, imaraykuchus noqa kay jallp'ata qanman qosqayki, nispa.

Génesis 23:4

Noqaqa qankuna ukhupi karu llajtayoj kani. Ama jina kaspa, warmiypa ayanta p'ampakapunaypaj jallp'ata venderiwaychej ari, nispa.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 28:4

Tata Dios Abrahamta saminchasqanta qanman, chantá mirayniykiman ima qosuchun. Ajinamanta maypichus waj llajtayoj jina tiyakushanchej, kay jallp'amanta dueño kanki, mayqentachus Dios Abrahamman qonanta nerqa, chaymanta nispa.

Génesis 35:27

Chantá Jacob tatan Isaacta watukoj Mamreman rerqa. Chay llajtaj ujnin sutenqa Arba, chayrí Hebrón karqa. Chaypi Abrahamwan, churin Isaacwan ima unay tiyakusqanku.

Génesis 36:7

Chayta ruwarqa, imaraykuchus iskayninku ashkha uywayoj karqanku, manataj khuska tiyakuyta aterqankuchu. Tiyakusharqanku, chay jallp'aqa uywankuta michinankupaj ancha pisi karqa.

Génesis 37:1

Jacobqa Canaán jap'iypi tiyakorqa, maypichus tatan waj llajtayoj jina tiyakusqa, chaypi.

Génesis 48:4

Chaypachataj ajinata niwarqa: Noqa qanta ashkhata mirachisqayki, mirayniykimantataj suyukuna rikhurenqanku. Chay jawa, kay jallp'atapis mirayniykiman qopusaj wiñaypaj chayaqenku kananpaj, nispa.

2 Samuel 23:5

Chayrayku mirayneyqa Diospi sinch'i sayasqa kashan. Paymin noqawan wiñaypaj tratota ruwan, sumaj cheqan ruwasqata, sumaj sayachisqatataj. Payqa yanapallawanqapuni, tukuy imatachus munasqaytataj ruwanqapuni.

1 Crónicas 16:18

Chantá nerqa: Canaán jallp'ata qanman qosqayki, chayaqeyki kananpaj, nispa.

Salmos 103:17

Tata Diospa khuyakuyninrí wiñay wiñaypaj payta may jatun respetowan qhawajkunapaj. Justicianpis tukuy tiempo runakunapaj mana tukukuyniyoj

Salmos 105:11

Chaypacha Tata Dios nerqa: Chayaqeyki kananpaj Canaán jallp'ata qosqayki, nispa.

Salmos 105:9

Abrahamwan trato ruwasqanmanta, Isaacman tilusqanmanta ima manapuni qonqanqachu.

Éxodo 13:11

Maypachachus Tata Dios ñawpa tataykichejkunaman, jinataj qankunamanpis tiluspa nisqanta junt'anqa chaypacha, qankuna kayta ruwankichej. Maypichus cananeokuna kunan tiyakushanku, chay jallp'ata qankunaman qosojtiykichej,

Éxodo 21:6

patronnin chay wata runata Diosta yupaychana cheqaman pusanqa. Chantá punkuman, chayrí punku sayantaman k'askachispa, ninrinta jusk'onqa. Ajinamanta chay wata runaqa wiñaypaj patronninpa wata runan kanqa.

Éxodo 29:45

Israelitakuna ukhupi noqa tiyakusaj, Diosninkutaj kasaj.

Éxodo 32:13

Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Éxodo 40:15

Jinaspataj, sacerdoteykuna kanankupaj aceitewan paykunata jawinki, imaynatachus tatankuta jawerqanki, ajinata. Aceitewan jawisqaykirayku paykuna, jinataj mirayninkuna wiñay wiñaynintinpaj sacerdoteykuna kanqanku, nispa.

Éxodo 6:4

Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Jeremías 25:5

Paykuna nisorqachej: Millay purisqaykichejta chantá millay ruwasqaykichejtapis saqeychej. Ajinatachus ruwankichej chayqa, tiyakuyta atillankichej, Tata Dios qankunaman, jinataj ñawpa tataykichejkunaman wiñaypaj qosorqachej, chay jallp'api.

Jeremías 31:1

Tata Dios nin: Maypachachus Babiloniamanta kutimponqanku chay p'unchaypi noqa tukuy israelitakunaj Diosninku kasaj, paykunataj aylluy kanqanku, nispa.

Ezequiel 11:20

Chantá paykuna kamachisqayman jina kawsanqanku, nisqayman jinataj purenqanku, junt'anqankutaj. Paykunaqa aylluy kanqanku, noqataj paykunaj Diosninku kasaj.

Ezequiel 33:24

Runaj churin, Israel suyupi raqayman tukuchisqa llajtakunapi tiyakojkuna kay jinata parlashanku: Abraham sapallan karqa, chaywanpis kay jallp'ata jap'erqa. Noqanchejtajrí ashkha kanchej. Chayrayku kay suyoqa noqanchejpatapuni kanan tiyan, nispa.

Levítico 14:34

Maypachachus qankunaman qosqaykichej chay Canaán jap'iyman yaykunkichej chaypacha, sichus mayqenpa wasinpi qorwariyay onqoyta rikhurichiyman chayqa,

Levítico 16:34

Kay kamachisqaqa qankunapaj wiñaypaj kanqa: Watapi uj kutita, tukuy israelitakunaj juchallisqanku pampachasqa kananpaj, Tata Diosman uywata ñak'aspa jaywankichej. Ajinaqa Moisés tukuy imata ruwarqa Tata Dios kamachisqanman jina.

Levítico 26:12

Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

Zacarías 8:8

Chaymantataj paykunata Jerusalenman pusasaj chaypi tiyakunankupaj. Chaypacha paykuna aylluy kanqanku, noqataj Diosninku kasaj, nisqayta junt'aspa, justiciata ruwaspataj, nispa.

Números 10:29

Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Números 25:13

Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

Números 27:12

Tata Dios Moisesta nillarqataj: Wichariy Abarín orqoman, chaymantataj israelitakunaman qonay jallp'ata rikunki.

Hechos 7:5

Diosqa kay cheqapi mana Abrahamman chayaqeta jina qorqachu ni chaki sarunan chhikallantapis. Chaywanpis Diosqa kay cheqata Abrahammanpuni qonanta nerqa paypata kananpaj, wañupojtinpis mirayninpaj qhepakunanpaj. Chayta Dios nishajtintaj, manaraj Abrahampata ni uj wawanpis karqachu.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Deuteronomio 26:18

Jinallataj Tata Diospis kunan nisunkichej, nisusqanman jina qankuna paypa ayllun kasqaykichejta. Ajinaqa tukuy kamachisqanta junt'aychej.

Deuteronomio 29:13

13 (12) Jinallataj Tata Diosqa nisusqanman jina, chantá ñawpa tataykichej Abrahamman, Isaacman, chantá Jacobman ima tiluspa nisqanman jina, kunan sut'inchasunkichej paypa ayllun kasqaykichejta, paytaj Diosniykichej kasqanta.

Deuteronomio 32:49

Abarín orqokunaman rispa, Nebo orqoman wichariy. Chay orqoqa Moab suyupi, Jericó llajtaj chimpanpi kashan. Chay orqomantataj, israelitakunaman qosaj, chay Canaán suyuta qhawarinki.

Deuteronomio 32:8

Janaj pachapi kaj Diosqa suyukunaman chayaqenkuta qorqa, tukuy runatataj rak'irarqa. Suyukunamantaj mojonninkuta churarqa, Israelpa churinkuna mashkhachus kasqankuman jina.

Deuteronomio 34:4

Chantá Tata Diosqa Moisesta nerqa: Abrahamman, Isaacman, Jacobman, chantá mirayninman ima tiluspa qonayta nerqani, chay suyoqa kaymin. Noqa chay jallp'ata qan kikin ñawiykiwan rikunaykita munarqani. Chaywanpis mana chaymanqa yaykunkichu, nispa.

Deuteronomio 4:37

Payqa ñawpa tataykichejkunata munakusqanrayku, mirayninkuta ajllakorqa. Paymin jatun atiyninwan Egiptomanta orqhomusorqachej.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.

Hebreos 9:15

Chayrayku Jesucristonejta runakuna Dioswan mosoj tratoman yaykunchej, wajyasqa kajkuna wiñay kawsayta chayaqeta jina jap'inanchejpaj, mayqentachus Dios qonanta nerqa, chayta. Cristo wañorqa runakunata ñawpa tratopi juchallisqankumanta kacharichinanpaj.

Josué 1:2

Kamachiy Moisés wañupunña. Kunanqa, qan tukuynin israelitakunata Jordán mayuta chimpachinayki tiyan, noqa qosqaykichej, chay jallp'aman rinaykichejpaj.

Apocalipsis 21:7

Pichus mana allin kajta atipaj, jinataj noqallapipuni atinikuspa kajqa tukuy imata chayaqeta jina jap'enqa. Noqa Diosnin kasaj, paytaj waway kanqa.