Génesis 17:10 - DIOSPA QHELQACHISQAN DEUTEROCANONICAL

¹⁰ Kaymin qanwan, mirayniykiwan ima trato ruwasqayqa, chaytataj tukuyniykichej junt'anaykichej tiyan: Qankuna ukhupi tukuy qhari circuncidasqa kananku tiyan.

Qheshwa Biblia DC

¹⁰ Kaymin chay tratoy, qankunawan ruwasqayqa, chayta junt'ananku tiyan tukuy mirayniykimanta miraykunasnintin. Tukuy qharis qankuna ukhupi kajkuna circuncidasqas kananku tiyan.

DIOSPA QHELQACHISQ

¹⁰ Kaymin qanwan, mirayniykiwan ima trato ruwasqayqa, chaytataj tukuyniykichej junt'anaykichej tiyan: Qankuna ukhupi tukuy qhari circuncidasqa kananku tiyan.

Génesis 17:10 ပူးပေါင်းရင်းမြစ်များ

Génesis 17:11

Qankunaqa phichiluykichejpi qaritanta khuchuspa, orqhonkichej. Chaymin qankunawan trato ruwasqaymanta señal kanqa.

Génesis 17:23

Chay p'unchaypacha Abraham churin Ismaelta circuncidarqa, jinallataj wasinpi paqarej kamachinkunata. Rantisqan kamachinkunatapis circuncidallarqataj. Jinallataj Diospa kamachisqanman jina wasinpi tukuynin qhari kamachinkunata circuncidallarqataj.

Génesis 17:27

Jinallataj Abramwan khuska wasinpi tiyakojkuna, wasinpi paqarej kamachinkuna, waj llajtayojkunamanta rantikusqan kamachinkuna ima chaypachallataj circuncidasqa karqanku.

Génesis 21:4

Diospa kamachisqanman jinataj, Abrahamqa pusaj p'unchayninman wawata circuncidarqa.

Génesis 34:15

Kayta ruwajtillaykichej, panaykuwan casarachiyta atiykuman: Qankuna noqayku jina kanaykichej tiyan. Chay niyta munan qankuna ukhupi tukuy qhari circuncidasqa kanankuta.

Génesis 34:22

Uj llajtayojlla kananchejpajrí, ninku noqanchejpis paykuna jina kananchejta. Noqanchej ukhupi tukuy qhari circuncidakunanchej tiyan, paykunaj usunkuman jina.

Éxodo 12:48

Sichus qankunawan tiyakoj waj llajtayojqa Tata Diospaj Pascua raymita ruwayta munanman chayqa, ayllunpi tukuy qhari circuncidachikunanku tiyan. Chaypacharaj Pascua raymita ruwayta atenqa, imajtinchus circuncidasqaqa llajta masiykichejman tukonqa. Mana circuncidasqa kajrí, Pascuapi mikhuna aychamanta manapuni mikhuyta atenqachu.

Éxodo 4:25

Moisespa warmin Seforatajrí chayta rikuspa, uj q'achi rumita oqhariytawan, qhari wawanpata phichilunpi ch'ulitunta khuchuspa, orqhorqa. Chaywantaj Moisespa khapanman llankhaykuchispa, nerqa: Qanqa wawaypa yawarninwan jark'asqa kanki, nispa.

Jeremías 4:4

Judá suyupi, Jerusalén llajtapipis runakuna, noqawan trato ruwasqaykichejta junt'aychej. Sumajta sonqoykichejta wakichiychej yachachisqayta jap'inaykichejpaj. Pajtataj millay ruwasqaykichejrayku phiñakuyniy nina jina k'ajarinman, jap'iykukojtintaj, ni pi thasnuyta atinmanchu, nispa.

San Juan 7:22

Chaywanpis Moisés circuncidakunaykichejta kamachisusqaykichejrayku samarina p'unchay kashajtinpis, qhari wawata circuncidankichej (Circuncidanaqa ñawpa tataykichejkunawan qallarerqa, manaraj Moisés kamachisqakunata qoshajtin).

Hechos 7:8

Chantá Diosqa Abrahamwan circuncisión nisqa tratota ruwarqa. Ajinamanta Abraham churin Isaacta circuncidarqa paqarikusqanmanta pusaj p'unchayninman. Isaacpis churin Jacobta circuncidarqa. Jacobpis kikillantataj chunka iskayniyoj jatun ayllukunaj tatankukunata circuncidallarqataj.

Romanos 2:28

Chantá pitaj cheqapuni judiori? Mana pejpatachus tatan maman judío kanku chayllachu, nillataj ukhun circuncidasqa kajllachu.

Romanos 3:25

Diosqa Jesucristota kay pachaman kachamorqa noqanchejrayku wañunanpaj. Ajinaqa sichus Jesucristo noqanchejrayku wañusqanpi atinikunchej chayqa, Dios juchanchejta pampachan. Ajinata ruwaspa, Diosqa cheqan kasqanta rejsichikun, jinataj pacienciayoj kasqanta, maypachachus ñawpajta juchallejkunata mana jasut'erqachu, chaypacha.

Romanos 3:28

Ajinapi yachanchej Diospi atinikusqanraykulla pipis cheqan runapaj qhawasqa kasqanta, manataj Moisespa kamachisqanta junt'asqanraykuchu.

Romanos 3:30

Diosqa ujllamin, paytaj Jesucristopi atinikojkunata circuncidasqatapis, mana circuncidasqatapis cheqan runapaj qhawanqa.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

Gálatas 6:12

Runaj ñawpaqenpi allinpi rikhuriyta munajkunaqa qankunata munajta mana munajta circuncidachiyta munasunkichej, ama paykuna Cristoj cruzninrayku qhatiykachasqa kanankupaj.

Efesios 2:11

Ama qonqaychejchu qankuna mana judiokuna ñawpajta imaynachus kasqaykichejta. Judiokunaqa alqochakuspa jina mana circuncidasqamanta rejsisorqachej. Paykuna circuncidasqa kasqankumanta mayta runaykachanku, ukhullanku, manataj sonqonkuchu circuncidasqa kashajtinpis.

Deuteronomio 10:16

Chayrayku sonqoykichejmanta tukuy mana allin kajta wijch'uychej. Amataj mana uyarikuyta munaj k'ullu kaychejchu.

Deuteronomio 30:6

Tata Diosniykichejqa qankunaj sonqoykichejta, chantá wawaykichejkunaj sonqonkutapis kasukuyta munana sonqota ruwasonqachej, payta tukuy sonqoykichejwan, tukuy almaykichejwan ima munakunaykichejpaj. Ajinata ruwasqaykichejrayku unayta kawsankichej.

Filipenses 3:3

Noqanchejmin cheqapuni circuncidasqa kanchej, mana paykunachu, imaraykuchus Santo Espíritoj yanapasqan kaspa, Diostapuni yupaychanchej. Jinallataj Cristojta kasqanchejmanta kusikunchej, manataj runa imatachus ruwasqanpi atinikunchejchu.

Josué 5:2

Chaypacha Tata Diosqa Josueta nerqa: Rumimanta cuchillokunata ruwakuy, israelitakunaj churinkukunata circuncidanaykipaj, nispa.

Josué 5:4

Josué chayta ruwarqa, imaraykuchus tukuy qhari Egiptomanta llojsimorqanku, chaykuna ch'innejpi wañusqankuña.