Génesis 16:7 - DIOSPA QHELQACHISQAN DEUTEROCANONICAL

⁷ Chantá Tata Diospa angelnin Agarta tariparqa Shur nisqa ch'innejpi, Egiptoman rina ñan patapi kaj yaku pujyu qayllapi.

Qheshwa Biblia DC

⁷ Señorpa angelnintaj Agarta tariparqa waqashajta ch'in pampapi Shur ñan patapi yaku juturi qayllapi.

DIOSPA QHELQACHISQ

⁷ Chantá Tata Diospa angelnin Agarta tariparqa Shur nisqa ch'innejpi, Egiptoman rina ñan patapi kaj yaku pujyu qayllapi.

Génesis 16:7 ပူးပေါင်းရင်းမြစ်များ

Génesis 20:1

Abraham maypichus kasharqa, chaymanta Néguev chaynejman riporqa. Chantá Gerar llajtapi tiyakorqa. Chay llajtaqa Cadeswan Shurwan chawpinnejpi kashan.

Génesis 21:17

Diosrí wawaj waqasqanta uyarerqa. Chayrayku janaj pachamanta uj ángel Agarta wajyaspa, nerqa: Imataj tiyan, Agar? Ama phutikuychu. Diosqa wawaj waqasqanta uyarin.

Génesis 21:18

Sayarispa, wawaykita makinmanta pusay, imaraykuchus noqa paypa mirayninmanta ashkha runayoj suyuman tukuchisaj, nispa.

Génesis 21:19

Chantá Diosqa Agarman uj yaku pujyuta rikucherqa. Paytaj riytawan, qara botanman yakuta junt'achispa, Ismaelman ujyacherqa.

Génesis 22:11

Tata Diospa angelnin janaj pachamanta nimorqa: Abraham, Abraham, nispa. Paytaj kuticherqa: Kaypi kashani, imata ninki? nispa.

Génesis 22:15

Ujtawan Tata Diospa angelnin janaj pachamanta Abrahamta wajyaspa, nerqa:

Génesis 24:7

Janaj pachapi kaj Tata Dios llajtaymanta, tataypa wasinmanta ima orqhomuwaspa, tiluwarqa: Kay jallp'ata mirayniykiman qosaj, nispa. Chayrayku paymin angelninta ñawpaqeykita kachanqa, churiypaj warmita pusamuyta yanapasunanpaj.

Génesis 25:18

Mirayninmanta kajkunataj Javilawan Shurwan tinkuypi tiyakorqanku. Chayqa Egiptoj chimpanpi, Asiriaman rina ñanpi kashan. Paykunaqa wawqenkuna mana munashajtinkupis chaypi tiyakorqanku.

Génesis 31:11

Mosqokushajtiy, Diospa angelnin sutiymanta wajyawarqa, noqataj kuticherqani: Imata ninki? nispa.

Éxodo 15:22

Chantá Moisés israelitakunata nerqa Puka Mama Qocha kantumanta puririnankuta. Chaymanta paykunaqa Shur nisqa ch'innejman rispa, kinsa p'unchayta purerqanku, manataj ujyanankupaj yakuta tarerqankuchu.

Éxodo 3:2

Chaypitaj uj t'ankar sach'api nina lawrashaj chawpipi Tata Diospa angelnin rikhurerqa. Moisestaj t'ankarta nina mana ruphasqanta rikuspa,

Proverbios 15:3

Tata Diosqa tukuynejpi kashan. Allin runakunata, mana allin runakunatapis qhawashallanpuni.

1 Samuel 15:7

Chantá Saulqa maqanakuspa amalecitakunata atipaykorqa, Javilá llajtamantapacha Shur nisqa ch'in pampakama. Chayqa Egiptowan tinkuypiña kashan.