Génesis 15:7 - DIOSPA QHELQACHISQAN DEUTEROCANONICAL

⁷ Tata Dios nillarqataj: Noqa Tata Dios kani. Noqamin Caldea suyupi Ur llajtamanta orqhomorqayki, kay jallp'ata qanman chayaqeta qosunaypaj, nispa.

Qheshwa Biblia DC

⁷ Chaymanta nerqa: Noqa orqhomorqayki Caldea Ur llajtamanta, kay jallp'ata chayaqeykipaj qosunaypaj.

DIOSPA QHELQACHISQ

⁷ Tata Dios nillarqataj: Noqa Tata Dios kani. Noqamin Caldea suyupi Ur llajtamanta orqhomorqayki, kay jallp'ata qanman chayaqeta qosunaypaj, nispa.

Génesis 15:7 ပူးပေါင်းရင်းမြစ်များ

Génesis 12:1

Uj kuti Tata Diosqa Abramta nerqa: Llajtaykita, aylluykita, chantá tataykej wasintawan saqespa, noqa rikuchisqayki, chay jallp'aman ripuy.

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 28:4

Tata Dios Abrahamta saminchasqanta qanman, chantá mirayniykiman ima qosuchun. Ajinamanta maypichus waj llajtayoj jina tiyakushanchej, kay jallp'amanta dueño kanki, mayqentachus Dios Abrahamman qonanta nerqa, chaymanta nispa.

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

Salmos 105:11

Chaypacha Tata Dios nerqa: Chayaqeyki kananpaj Canaán jallp'ata qosqayki, nispa.

Salmos 105:42

Diosqa ñawpa nisqanmanta yuyarikorqa, kamachin Abrahamman tiluspa imatachus nisqanmanta.

Salmos 105:44

Chantá Dios waj llajtayojkunaj jallp'ankuta ayllunman qorqa. Jinallataj chay llajtayojkunaj llank'aspa poqochisqankutapis qollarqataj.

Éxodo 32:13

Kamachiyki Abrahamman, Isaacman, Israelman ima sutiykirayku tiluspa, nisqaykimanta yuyarikuy. Qan paykunata nerqanki: Noqa janajpi ch'askakunata jinapuni mirachisqaykichej, nisqayman jinataj wiñaypaj qankunaman kay jallp'ata qosqaykichej, nispa.

Números 33:53

Chantá chay suyuta jap'ispa, chaypi tiyakuychej, imaraykuchus noqamin tiyakunaykichejpaj chay suyupi jallp'ata qoykichej.

Romanos 4:13

Diosqa Abrahamta nerqa kay pachata payman, chantá mirayninmanpis chayaqenkupaj qonanta, mana Abraham kamachisqakunata junt'asqanraykuchu. Manachayqa Dios chayta nerqa, imaraykuchus Abraham Diospi atinikorqa cheqan runapaj qhawasqa kananpaj.

Deuteronomio 3:18

Chaypacha kay jinata qankunata kamacherqaykichej: Tata Diosniykichej kay jallp'ata qankunaman qopusunkichej. Kunanqa tukuy maqanakuyta yachajkuna armaykichejta oqharikuspa, wawqeykichejkunaj ñawpaqenkuta puririychej.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.