Génesis 12:2 - DIOSPA QHELQACHISQAN DEUTEROCANONICAL

² Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Qheshwa Biblia DC

² Mirayniykimanta ruwasaj uj jatun aylluta; bendicisqayki, sutiyki may yuyarisqa kanqa, qannejta wajkuna bendicisqas kanqanku.

DIOSPA QHELQACHISQ

² Noqataj mirayniykimanta ashkha runayoj jatun suyuta ruwasaj. Saminchasqayki, manchay uyarisqatataj ruwasqayki, qannejtataj wajkunapis saminchasqallataj kanqanku.

Génesis 12:2 ပူးပေါင်းရင်းမြစ်များ

Génesis 13:16

Mirayniykita t'iyuta jina mirachisaj. T'iyoqa mana yupay atina, ajinallataj mirayniykeqa mana yupay atina kanqa.

Génesis 15:5

Chantá Tata Diosqa Abramta jawaman pusaspa, nerqa: Janajta qhawarispa, ch'askakunata yupay. Yupayta atiwajchu? Mirayniykeqa ajina mana yupay atina kanqa, nispa.

Génesis 17:20

Wawayki Ismaelmanta niwasqaykitapis uyariyki, paytapis yanapasaj. Paypis ashkha wawayoj kanqa, noqataj miraynintapis ashkhayachisaj. Ismaelqa chunka iskayniyoj kurajkunaj tatanku kanqa, jinallataj paymanta ashkha runayoj jatun suyuta ruwasaj.

Génesis 18:18

imaraykuchus pay ashkha runayoj jatun suyoj tatan kanqa. Payman niniña kay pachapi tukuy suyuta paynejta saminchanayta.

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Génesis 19:29

Ajinata Diosqa, maypichus Lot tiyakorqa, chay vallepi llajtakunata chinkarparicherqa. Chaywanpis Abrahammanta yuyarikuspa, chinkarparichinan karqa, chay llajtakunamanta Lotta orqhorqa.

Génesis 24:1

Abraham allin machuña karqa, Tata Diostaj payta tukuy imapi yanaparqa.

Génesis 24:35

Patronniy Abrahamqa manchay qhapaj, Tata Dios may jinata yanapasqanrayku. Tata Dios payman qon ovejakunata, wakakunata, qolqe metalta, qorita, qhari kamachikunata, warmi kamachikunata, camellokunata, chantá burrokunata ima.

Génesis 25:11

Abraham wañupusqanmanta qhepata Diosqa churin Isaacta samincharqa. Isaactaj “Rikuwaj kawsaj Diospa pujyun” nisqaj qayllanpi tiyakorqa.

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 26:4

Janajpi ch'askakunata jinapuni aylluykita mirachisaj, jinaspataj, paykunaman kay jallp'ata qosaj. Chantá kay pachapi tukuy suyupi tiyakojkunapis mirayniykinejta saminchasqallataj kanqanku.

Génesis 27:29

Tukuy imaymana rijch'aj runakuna kamachiykikuna kachunku. Waj suyukunamanta runakunataj ñawpaqeykipi qonqorikuchunku. Wawqeykikunatapis kamachillankitaj, mamaykej wawankunataj k'umuykamusuchunku. Maldicisojkuna maldicisqa kachunku, saminchasojkunatajrí saminchasqa kachunku, nispa.

Génesis 28:14

Mirayniykeqa t'iyu jina mana yupay atina kanqa, paykunataj wichaynejman, uranejman, inti llojsimuynejman, inti yaykuynejman ima junt'aykonqanku. Qannejta, jinallataj mirayniykinejtapis kay pachapi tukuy runakuna saminchasqa kanqanku.

Génesis 35:11

Chantá Dios Jacobta nillarqataj: Noqaqa Tukuy Atiyniyoj Dios kani. Mirayniyki ashkha kachunku. Qanmanta ashkha runayoj suyukuna rikhurenqanku, jinallataj mirayniykimanta kuraj kamachejkuna sayarenqanku.

Génesis 46:3

Chantá Dios payta nerqa: Noqa Dios kani, tataykej Diosnin. Egiptoman riyta ama manchachikuychu. Chaypi mirayniykita mirachispa, noqa ashkha runayoj jatun suyuman tukuchisqayki.

2 Samuel 7:9

Tukuy puriyniykipi qanllawanpuni karqani, awqaykikunata tukuchispa. Sumaj uyarisqa runaman tukuchiyki kay pachapi may uyarisqa runakunata jina.

1 Reyes 1:47

Kuraj kamachej Davidpa kamachinkunapis Davidta napaykoj rispa, nishanku: Diosqa sutiykimanta nisqaqa astawanraj Salomonpa sutinta uyarisqata ruwachun. Kamachiynintapis ajinallatataj qanpa kamachiykimanta nisqaqa aswan jatuntaraj ruwachun, nispa. Jinallataj kuraj kamachej Davidpis Diosta kay jinata yupaychan:

Job 35:8

Juchaykeqa qan jina runakunallata mana allinta ruwan, allinta ruwasqaykipis runakunallata yanapan.

Salmos 107:38

Dios paykunata saminchaspa, ashkhaman miracherqa, uywankutapis mirachipullarqataj.

Éxodo 1:7

Chay qhepata israelitakuna t'ukunata mirarqanku, sinch'i atiyniyojmantaj tukorqanku. Ashkhayasqankuraykutaj, paykuna Egiptoman junt'aykorqanku.

Éxodo 32:10

Kunanqa ama jark'awaychu. Noqa paykunapaj sinch'i phiñasqa kasqayrayku, wañuchispa paykunata tukuchisaj. Qanmantataj waj jatun aylluta sayarichisaj, nispa.

Isaías 51:2

Unanchariychej ñawpa tataykichej Abrahammanta, ñawpa mamaykichej Saramantawan, pichus qankunata paqarisorqachej, paymanta. Manaraj wawayoj kashajtinku, paykunata wajyarqani, samincharqani, miracherqanitaj.

Ezequiel 34:26

Noqaqa ovejaykunata ajllakusqay orqoj muyuyninman churaykusaj, jinataj paykunata saminchasaj. Tiemponpi parachimusaj, chay parataj paykunapaj may allin kanqa.

Miqueas 7:20

Tata Dios, Jacobman imatachus nisqaykita ama qonqaychu, nitaj Abrahamta khuyakusqaykitapis, imaynatachus ñawpa tataykuman tiluspa nerqanki, ajinata.

Zacarías 8:13

Imaynatachus qankuna Judamanta, jinataj Israelmanta kajkunapis waj suyukunapi maldicisqa jina karqankichej, ajinallatataj kunanqa noqa kacharichisqaykichej, jinamanta waj suyukunaj kusikuyninku kanaykichejpaj. Chayrayku, amapuni manchachikuychejchu, manachayqa kallpachakuychej, nispa.

Números 14:12

Noqa millay onqoyta kachaykuspa paykunata wañuchispa tukuchisaj, ama chay jallp'aman yaykunankupaj. Chaymantataj qanmanta uj jatun aylluta jatarichisaj paykunamanta aswan atiyniyojta, nispa.

Números 22:12

Tata Diostajrí Balaamta nerqa: Ama paykunawan riychu, nitaj israelitakunata maldiciychu, imaraykuchus paykunata noqa saminchani, nispa.

Números 23:20

Dios kamachiwan israelitakunata saminchanayta. Sichus Dios saminchan chayqa, noqa mana jark'ayta atiymanchu.

Romanos 4:11

Abrahampa circuncidasqa kasqan señal karqa Diospi atinikusqanrayku cheqan runapajña qhawasqa kasqanmanta. Jinataj manaraj circuncidasqa kashajtin, Diosqa cheqan runa kasqanta nerqa. Chayrayku Abrahamqa Diospi tukuy atinikojkunaj tatanku, mana circuncidasqa kashajtinkupis. Diostaj paykunatapis cheqan runapaj qhawan paypi atinikusqankurayku.

Gálatas 3:14

Dios imaynatachus Abrahamta saminchananta nerqa, ajinallatataj Cristo Jesusnejta mana judío kajkunatapis saminchallantaj. Ajinaqa Cristopi atinikusqanchejrayku Diosqa Santo Espirituta qowanchej, qonawanchejta nisqanman jina.

Gálatas 3:7

Chayrayku kayta yachaychej: Tukuy pikunachus Diospa nisqanta jap'ikojkunaqa cheqapuni Abrahampa churinkuna kanku.

Deuteronomio 26:5

Chaypacha Tata Diosniykej ñawpaqenpi kay jinata nillankitaj: Ñawpa tatayqa Arammanta karqa. Ayllun pisillaraj kashajtin, Egiptoman ripuspa, chaypi tiyakorqa. Chantá chaypi ashkhata miraspa, sinch'i atiyniyoj aylluman tukorqa.