Génesis 1:9 - DIOSPA QHELQACHISQAN DEUTEROCANONICAL

⁹ Chaymanta Dios nerqa: Janajpa urayninpi kaj yakoqa uj cheqallapi tantakuchun, ch'aki kaj rikhurinanpaj, nispa. Ajinataj karqa.

Qheshwa Biblia DC

⁹ Chaymantá Dios nerqa: Janaj pacha kaj urapi yakoqa uj cheqallapi kachun, ch'aki kaj rikhurinampaj, nispa. Ajinataj karqa.

DIOSPA QHELQACHISQ

⁹ Chaymanta Dios nerqa: Janajpa urayninpi kaj yakoqa uj cheqallapi tantakuchun, ch'aki kaj rikhurinanpaj, nispa. Ajinataj karqa.

Génesis 1:9 ပူးပေါင်းရင်းမြစ်များ

Génesis 1:8

Diostaj yakuta iskayman t'aqaj ch'usajta suticharqa: “Janaj”, nispa. Jinaqa inti yaykuymanta q'ayantin inti yaykuykama, iskay kaj p'unchay karqa.

Nehemías 9:6

Qanllamin uj k'ata Tata Dios kanki. Qan ruwarqanki janajta, janajmanta aswan patapi kajtapis, chaypi tukuy kaj ch'askakunatapis. Ruwallarqankitaj kay pachata, chaypi tukuy ima kajtapis, mama qochatapis, chaypi tukuy ima kajtapis. Qanqa tukuy imaman kawsayta qonki. Chayraykumá janajpi tukuy ch'askakunapis yupaychasunku.

Job 26:10

Mama qochaman mojonta jina churarqa, jinallatataj k'anchayta laqhayaymanta t'aqan.

Job 26:7

Diosqa ch'usaj patapi janajta aysarqa, kay pachatapis ch'usajllapitaj warkhuykorqa.

Salmos 104:3

Yaku patapi tiyakunaykita wasichanki. Phuyukunaqa lliphipirishaj carretayki jina kanku, wayraj lijranpitaj purinki.

Salmos 33:7

Payqa mama qochapi yakuta uj cheqallaman tantaykorqa, mama qocha ukhutapis uj cheqaman waqaycharqa.

Salmos 95:5

Paypata mama qochapis, pay ruwasqanrayku. Ch'aki jallp'apis paypallatataj, makinwan ruwasqanrayku.

Eclesiastés 1:7

Tukuy mayukuna mama qochaman rinku. Chaywanpis mama qochaman yaku mana junt'anchu. Maymantachus mayukuna qallarinku, chayllamantaj kutirinku watej jamunankupaj.

Jeremías 5:22

Noqa Tata Diosmin kayta nini: Manachu qankuna manchachikuwankichej? Nillatajchu ñawpaqeypi kharkatitinkichej? Noqaqa mama qochaj kantunta jark'achata jina churarqani, chaymanta aswan jaqayman mama qocha mana wasaykunanpaj. Mama qochaj qhollchoqeyasqan astawan, astawan manchayta sonarispa oqharikun. Chaywanpis mana wasaykuyta atinchu.

Jonás 1:9

Jonastaj kuticherqa: Hebreo kani, noqataj Tata Diosta yupaychani, janaj pachapi kaj Diosta. Paymin mama qochata, kay pachatapis ruwarqa, nispa.

2 Pedro 3:5

Chaywanpis paykuna yachashaspa, mana yachajman tukunku. Paykuna qonqapunku qallariypi janajpis, kay pachapis Diospa nisqannejta ruwasqa kasqanta, maypachachus Dios kay pachata yaku ukhumanta rikhuricherqa, yakuwantaj muyuykucherqa, chaypacha.

Apocalipsis 10:6

Jinaspataj payqa, pichus janajta, jallp'ata, mama qochata, chaykunapi imachus kajkunatawan ruwarqa, chay wiñay wiñaypaj kawsaj Diospa sutinpi tiluspa, nerqa: Suyana tiempo tukukapunña.