Génesis 1:2 - DIOSPA QHELQACHISQAN DEUTEROCANONICAL

² Kay pachaqa t'ustipacha, ch'usajlla kasharqa. Yakutaj sinch'i laqhawan p'ampasqa karqa. Diospa Espirituntaj yaku patata muyuykachasharqa.

Qheshwa Biblia DC

² Kay pachaqa chajrulla, yuyay chinkay ukhu laqhallataj karqa. Diospa Espirituntaj yaku patata muyuykachasharqa.

DIOSPA QHELQACHISQ

² Kay pachaqa t'ustipacha, ch'usajlla kasharqa. Yakutaj sinch'i laqhawan p'ampasqa karqa. Diospa Espirituntaj yaku patata muyuykachasharqa.

Génesis 1:2 ပူးပေါင်းရင်းမြစ်များ

Job 26:14

Chayqa ruwasqanmanta uj chhikallan, imatachus uyarisqanchejqa uj chhichiy jinalla. Pitaj chay jina atiyninta entiendeyta atinmanri? nispa.

Job 26:7

Diosqa ch'usaj patapi janajta aysarqa, kay pachatapis ch'usajllapitaj warkhuykorqa.

Job 38:9

Noqa phuyuwan mama qochata p'achallicherqani, laqhatataj janantanmanta churarqani.

Job 41:32

32 (24) Yaku patata purispaqa, phusoqota yuraj chujchapis kanman jina yurajllata saqen.

Salmos 104:30

Chantá samayniykita kachamunki chayqa, tukuy watej kawsarinku. Kay pachatapis mosojman tukuchinki.

Salmos 104:6

Kay pachata ukhu mama qocha qhatarqa, chay yakutaj orqokunata p'ampaykorqa.

Salmos 136:6

Yaku patapi jallp'ata qhatanata jina aysajman pachis niychej, imaraykuchus munakuynenqa wiñay wiñaypajmin.

Salmos 148:7

Tata Diosta kay pachamantapacha jatunchaychej. Mama qochapi tukuy manchay jatuchaj animalkunapis payta yupaychallaychejtaj.

Salmos 33:6

Tata Diosqa janajkunata simi nisqallanwan ruwarqa, tukuy chaypi kajtapis samaynillanwan ruwarqa.

Proverbios 8:24

Manaraj mama qochakuna kashajtinku, ruwawarqa. Chaypacha manaraj mayukuna, nitaj yaku juturikunapis karqankurajchu.

Isaías 31:5

Imaynatachus p'isqo thapan patata phawaykachaspa irpanta jark'akun, ajinata Tukuy Atiyniyoj Tata Dios Jerusalenta jark'akonqa, jinallataj qhespichenqa, waqaychanqa, kacharichenqataj, nispa.

Isaías 45:18

Janaj pachata ruwaj Tata Dios, Paymin Diosqa. Paymin kay pachatapis ruwarqa, payllataj tukuy imata maychus kananman churarqa. Kay pachata ruwarqa kawsayniyojkuna chaypi tiyakunankupaj. Pay nin: Noqamin Tata Dios kani, noqamanta jawaqa mana waj Dios kanchu.

Jeremías 4:23

Kay pachata qhawarqani, ch'inpachatataj rikorqani, mana allin rijch'ayniyojtataj. Janajta qhawarerqani, manataj k'anchayta rikorqanichu.

Nahúm 2:10

10 (11) Nínive llajtaqa phirisqa, thuñisqa, ch'inpachataj. Mancharikuywan chay llajtayojkunaj sonqonku phatashanña, moqonkupis kharkatitishan. Tukuyninkojta kallpankutaj manaña kanchu. Uyankupis t'ojrapachallaña.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Deuteronomio 32:11

Imaynatachus ankaqa thapan patata phawaykachaspa, irpankunata phawayta yachachin, ajinallatataj Tata Diosqa lijranta aysarin, wawankunata oqharispataj, lijran patapi apan.