Éxodo 6:3 - DIOSPA QHELQACHISQAN DEUTEROCANONICAL

³ Noqaqa Tukuy Atiyniyoj Dios sutiywan Abrahamwan, Isaacwan, Jacobwan ima rejsichikorqani. Tata Dios sutiywanrí mana paykunaman rejsichikorqanichu.

Qheshwa Biblia DC

³ Noqa tukuy atiyniyoj Dios sutiywan rejsichikorqani Abrahamwan, Isaacwan, Jacobwan ima. Señor nisqa sutiywanri paykunaman mana rejsichikorqanichu.

DIOSPA QHELQACHISQ

³ Noqaqa Tukuy Atiyniyoj Dios sutiywan Abrahamwan, Isaacwan, Jacobwan ima rejsichikorqani. Tata Dios sutiywanrí mana paykunaman rejsichikorqanichu.

Éxodo 6:3 ပူးပေါင်းရင်းမြစ်များ

Génesis 13:18

Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 22:14

Chaypacha Abraham chay cheqata suticharqa: “Tata Dios qonqa”, nispa. Chayrayku kunankama ninku: “Orqopi Tata Dios qonqa”, nispa.

Génesis 28:3

Tukuy Atiyniyoj Dios saminchaspa may chhikatapuni mirachisuchun. Munallanitaj qanqa may jina ashkha runayoj jatun suyuman tukunaykita.

Génesis 35:11

Chantá Dios Jacobta nillarqataj: Noqaqa Tukuy Atiyniyoj Dios kani. Mirayniyki ashkha kachunku. Qanmanta ashkha runayoj suyukuna rikhurenqanku, jinallataj mirayniykimanta kuraj kamachejkuna sayarenqanku.

Génesis 48:3

Chantá Jacobqa Joseta nerqa: Tukuy Atiyniyoj Diosqa Canaanpi, Luz llajtapi rikhuriwaspa, saminchawarqa.

Salmos 68:4

4 (5) Qankunaqa Diosman takiychej, sutinmantaj takiykunata takiychej. Phuyu patapi purejta jatunchaychej. Paypa sutenqa Tata Diosmin, paypa ñawpaqenpitaj kusikuychej.

Salmos 83:18

18 (19) Chantá tukuyninku qanlla Tata Dios kasqaykita yachanqanku, kay pachapi qanllamin Patapi Kaj Dios kasqaykita ima.

Éxodo 15:3

Tata Diosqa sumaj maqanakojmin, sutintaj Tata Diosmin.

Éxodo 23:21

Paypa nisqanta uyarispa kasukuy, amataj mana uyarikuyta munajqa kaychu. Payqa noqaj sutiypi ruwanqa, mana uyarikoj kasqaykitataj mana pampachanqachu.

Éxodo 3:14

Chaypacha Dios nerqa: Noqamin kani. Israelitakunata ninki: NOQA KANI nej Dios qankunaman kachamuwan, nispa.

Isaías 42:8

Noqa Tata Dios kani, chaymin suteyqa. Mana pitapis saqesajchu Diosta jina wajta jatunchanankuta. Nillataj munanichu Diosta jina lantikunata yupaychanankuta.

Isaías 44:6

Israelpa kuraj kamachejnin Tukuy Atiyniyoj Tata Dios pagota qospa, Israelta kacharicherqa. Paytaj ajinata nin: Noqamin tukuy imaj qallariynin, tukukuynintaj kani. Noqamanta jawaqa waj dios mana kanchu.

Jeremías 16:21

Chantá Tata Dios kutichiwarqa: Chayrayku ujkama atiyniyta, kallpaytawan paykunaman rikuchisaj, ajinamanta yachanankupaj suteyqa Tata Dios kasqanta, nispa.

Jeremías 33:2

Noqa Tata Dios, pichus kay pachata ruwarqani maychus kananpi sinch'i sayasqa kananpaj, chay Diosmin noqa kani. Noqa Diosmin kay jinata nini:

Ezequiel 20:5

Jinaspa, paykunata niy: Tukuyta Kamachej Tata Dios kay jinata nin: Maypachachus Israelta ajllakorqani, Egiptopitaj Jacobpa ayllunman rejsichikorqani chaypacha, noqaqa tiluspa paykunata nerqani: Noqamin Tata Diosniykichej kani, nispa.

Ezequiel 37:13

Ayllúy, maypachachus noqa aya p'ampanaykichejta kicharispa chaymanta orqhomusqaykichej chaypacha, qankuna yachankichej noqa Tata Dios kasqayta.

Ezequiel 37:6

Ankuta churaykusqaykichej, aychawantaj junt'achisqaykichej. Chantá aycha qarata churasqaykichej, jinaspataj kawsay samayta qosqaykichej, chaywan watej kawsanaykichejpaj. Chaypachataj qankuna yachankichej noqa Tata Dios kasqayta, nispa.

San Juan 8:58

Jesustaj paykunata nerqa: Kayta sut'ita niykichej: Manaraj Abraham kashajtin, NOQA KANI, nispa.

Apocalipsis 1:4

Noqa Juan kayta Asiapi kaj qanchis iglesiakunaman qhelqamuykichej: Wiñaypaj kawsaj Dios wiñaymantapacha karqapuni, paytaj uj p'unchay ujtawan jamunan kashan. Pay, jinataj Tukuyta Kamachej Jesucristo, chantá kamachinan tiyanaj ñawpaqenpi qanchis jinamanta rejsichikoj Santo Espíritu ima qankunaman qhasilla k'acha yanapayninta, sonqo tiyaykuytataj qochun.

Rut 1:20

Noemitajrí kuticherqa: Amaña Noemí niwaychejchu, manachayqa Mara niwaychej, imajtinchus Tukuy Atiyniyoj Diosqa imaymana llakiykunata apachimuwan.