Éxodo 3:1 - DIOSPA QHELQACHISQAN DEUTEROCANONICAL

¹ Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Qheshwa Biblia DC

¹ Moisesqa Jetro suegrompa ovejasninta michimoj. Jetroqa Madiampi sacerdote karqa. Uj p'unchayqa ovejasta qhatisqa ch'in pampasnejta Diospa jatun orqon Horeb nisqaman chayanankama.

DIOSPA QHELQACHISQ

¹ Jetroqa Madianpi sacerdote karqa. Moisestaj suegron Jetroj ovejankunata michej karqa. Uj kuti ch'innejpi ovejakunata michishaspa, Moisesqa Diospa orqon Horeb nisqaman chayarqa.

Éxodo 3:1 ပူးပေါင်းရင်းမြစ်များ

1 Reyes 19:19

Eliasqa chaymanta ripuspa, Safatpa churin Eliseota tarerqa. Payqa chunka iskayniyoj yuntawan llank'achisharqa, chaykunamanta ujnin yuntawantaj qhepallata risharqa. Jinallapi Eliasqa ponchon jina qhatananta Eliseoj patanman choqaykorqa.

1 Reyes 19:8

Puñusqanmanta rijch'ariytawantaj, Elías mikhorqa, ujyarqataj. Jinapi chay mikhusqanwan kallpachakuspa, tawa chunka p'unchayta, tawa chunka tutatawan purerqa, Diospa orqon Horebman chayanankama.

Salmos 106:19

Horeb orqopi qorimanta uj torillota ruwakorqanku, chay jina millay lantimantaj qonqorikorqanku.

Éxodo 17:6

Noqatajrí Horeb orqopi, chhanka chaynejpi suyasqayki. Qantaj chaypi chhankata varaykiwan wajtanki, yakutaj ujyanankupaj chaymanta llojsimonqa, nispa. Moisestaj israelitakunaj kurajninkukuna qhawashajtinku, chayta ruwarqa.

Éxodo 18:12

Chantá Moisespa suegron Jetroqa uj uywata ñak'aytawan, q'olachispa Diosman jaywarqa. Pay jaywallarqataj waj imakunatawan. Chaymantataj Aaronwan, Israelmanta kurajkunawan ima Jetrowan khuska Diospa ñawpaqenpi mikhorqanku.

Éxodo 19:11

Minchhapaj wakichisqa kachunku, imaraykuchus minchhata noqaqa tukuy israelitakunaj rikunankuta Sinaí orqoman urayk'amusaj.

Éxodo 19:2

Paykuna Refidinmanta puririspataj, Sinaí ch'innejman chayarqanku. Chantá Sinaí orqo k'uchupi jarakorqanku.

Éxodo 19:3

Chaymantataj Moisesqa Dioswan parlaj orqoman wicharerqa. Tata Diostaj orqomantapacha payta wajyaspa, nerqa: Jacobpa miraynin israelitakunaman kay jinata willanki:

Éxodo 2:16

Chaypi tiyashajtin, Madianmanta sacerdote Reuelpa qanchis ususinkuna jamorqanku, yakuta bateaman orqhospa, tatankoj ovejankunata ujyachinankupaj.

Éxodo 2:18

Chantá sipaskuna wasinkuman chayapojtinku, tatanku Reuel taporqa: Imajtintaj kunan usqhayllata kutimunkichejri? nispa.

Éxodo 2:21

Jinamanta Moisesqa Reuelwan tiyakorqa. Qhepamantaj Reuelqa ususin Seforawan Moisesta casaraykucherqa.

Éxodo 24:13

Chantá Moisesqa yanapajnin Josuewan khuska Diospa orqonman wicharerqa.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Éxodo 3:5

Tata Diostaj nerqa: Ama astawan qayllamuychu. Juk'utaykita orqhokuy, imaraykuchus sayashanki, chaynejqa noqapaj t'aqasqamin, nispa.

Éxodo 33:6

Chayrayku israelitakunaqa Horeb orqopi tukuyninku jaluchunkukunata orqhokorqanku, chaymantapachataj manaña churakorqankuchu.

Éxodo 4:18

Chantá Moisés chaymanta ripuspa, suegron Jetrojpaman kuterqa, nerqataj: Noqaqa Egiptoman wawqeykunata watukoj risaj, kawsakushankurajchus manachus, chayta yachaj, nispa. Jetrotaj nerqa: Jina kajtenqa, rillay ari, allillantaj risuchun, nispa.

Éxodo 4:27

Chaykamataj, Tata Dios Aaronta nerqa: Riy ch'innejman wawqeyki Moisesta taripaj, nispa. Paytaj kachaykukuspa, Diospa orqon nisqa, chaynejpi Moisesta taripamorqa. Napaykuspataj, wawqenta much'aykorqa.

Amós 1:1

Kaymin Amospa willasqan. Payqa Tecoa llajtamanta karqa, uywata mirachej runataj. Diosqa mosqoypi jina Amosman nerqa israelitakunaman sut'inchananpaj, jallp'a ikhakuymanta iskay wata ñawpajta, Judapi Uzías kuraj kamachej kashajtin, Israelpitaj Joaspa churin Jeroboán kamachishajtin.

Malaquías 4:4

4 (3.22) Horeb orqopi kamachiy Moisesman kamachisqaykunata yachachisqaymanta yuyarikuychej. Chay kamachisqakuna tukuy israelitakunapaj karqa.

Números 10:29

Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Números 10:33

Ajinata israelitakunaqa Tata Diospa orqonmanta purirerqanku, rerqankutaj kinsa p'unchay puriyta. Tata Diospa trato ruwasqan arcaqa ñawpaqenkuta risharqa, maynejpichus jarakunankuta mask'aspa.

San Lucas 2:8

Belén llajta qayllapi ovejata michejkuna kasharqanku, tutantin uywankuta qhawaspa.

Hechos 7:30

Tawa chunka wataña pasarqa. Uj kuti Moisés ch'innejpi purishajtin, Sinaí orqo qayllapi uj ángel payman rikhurerqa t'ankar sach'api nina lawrashaj ukhupi.

Deuteronomio 1:2

Horeb orqomanta Cadés Barneakama, Seir orqoman rej ñanninta rispa, chunka ujniyoj p'unchay puririy karqa.

Deuteronomio 1:6

Horebpi kashajtinchej, Tata Diosqa kayta niwarqanchej: Qankunaqa kay orqopi unaytaña kashankichej.

Deuteronomio 4:10

Sinaí orqopi Diosniykichejpa ñawpaqenpi kashajtiykichej, Tata Dios niwarqa: Nisqayta uyarinankupaj israelitakunata tantay. Chantá kawsanankukama noqata manchachikuwaspa puriyta yachanqanku, jinallataj wawankutapis noqata manchachikuspa kawsayta yachachenqanku, nispa.

Jueces 4:11

Cedes qayllapi, Sanayin encina sach'a chaynejpi, tiyakusharqa quenita Jeberqa. Quenitakunaqa Moisespa suegron Hobabpa mirayninmanta karqanku. Kay Jeberrí chay waj quenitakunamanta t'aqakuspa, paywan, wasi ayllunwan imalla chaypi tiyakusharqanku.

1 Samuel 16:11

Chantá Samuelqa ujtawan tapullarqataj: Manachu astawan churiykikuna tiyan? nispa. Yesetaj kuticherqa: Uj aswan sullk'a kaj kanraj. Payqa ovejakunata michishan, nispa. Samueltaj nerqa: Payta pusachimuy. Pay mana chayamunankamaqa mana mikhoj tiyaykusunchu, nispa.